السلام عليكم

اخي العزيز لا تستطيع ان تظعهم بالخارج الطيور تحتاج الى جو معتدل تستطيع ان تظعهم في مكان داخل البيت وذلك افظل الجو بالخليج لا يصلح للطيور الصغيره .
تحياتي ....

اخي الكريم ابراهيم انسب مكان هو البيت كما قال الاخ مشاري لان الجو يكون معتدل داخل البيت
ولا يمكن وضعهم في الخارج لان الكناري حساس جدا لا يستحمل الرياح والحر والرطوبه والغبره ... كما يوجد عندنا بالخليج.
انصحك ان تضعهم في مكان في البيت يكون هادئ خالي من التلفاز و يوجد فيه تكيف بالطبع لان الجو يصبح شديد الحراره والرطوبة في الصيف مثل (المطبخ بشرط ان يكون كبير لان وجود الثلاجة والفريزر يجعل المكان حار اذا كان صغير ,الصالة , او غرفة خالية فيها تكييف).
و افضل اذا وضعتهم في البيت بانك تضع مسمار لكل قفص لديك في الجدار بحيث يكون في مستواك الطولي وتعلق القفص فيه ,فهذا يكون افضل لعدم و صول الحيونات الاخرى الى القفص او الاطفال ويكون افضل شكلا وشكرا.

السلام عليكم
ولا يهون الاخ تركي بس اعتقد ان داخل البيت مو مناسب ومن تجرة شخصية مريرة الى حد ما
اذا فيه غرفة فاضية وفيها تكييف ممكن عشان تقدر تتحكم بالاضاءة والتكييف بس في غرفة نوم او صالة والله صعبه وانا عشت هالتجربة 3سنوات واثبتت انها فاشلة
1- مافية تحكم بالاضاءة
2- مافية تحكم بدرجة الحرارة
3- النظافة صعبة
4- اذا كان سوري او مشابه لتغريدة وغرفة النوم قريبة فيه ازعاج
5 في وقت القليش في كل مكان تلقى الريش
والنتيجه الطيور تتعب والانتاج يكون اصعب
ولها الاسباب انا اجهز غرفة في الحوش وجبت مكيف وجهاز تحكم بالاضاءة ومروحة شفط والانتقال انشاء الله الاسبوع الجاي فأنصحك من الان اذا ممكن جهز غرفة برا لو صغيرة اريح لك
واسف على الاطالة

مشكور وماقصرت اخوي بوعبدالله على هال المعلومه بس عندي استفسار عن كيفية تصميم الغرفه مثلا الحجم التهويه درجة الحراره وهل في websites فيها امثله على هذه الغرف اريد ان ارى اعمال مربين لتتظح لي الصوره
اسف على كثرت الاسئله.

والله ياخوي براهيم الغرفة اذا برا البيت يبيلها عزل وتهوية يعني مروحة لشفط الهواء وتكييف مناسب ودرجة الحرارة افضل شي يكون فيها ترمومتر لقياس الحرارة واعتقد في حدود 25 الى 27 مناسب وشوف منتدى السلاكات يمكن فيه صور توضح لك

مشكور يابوعبدالله وعساك على القوه

السلام عليكم ورحمة الله وبركاته

كلامك اخوي بوعبدالله سليم 100%

وانا الحين بعد سويت نفس الشي حطيت لي مكيف ومروحة شفط
وفي نفس الوقت سويت لي فتحه للتهويه طبعا تنفتح وتتسكر