السلام عليكم ورحمة الله وبركاته

بداية كنت مولع بالطيور يوم كن صغير لكن الأهل ما أعطوني فرصة ..

والآن كبرت وتزوجت ولما صار عندي أولاد رجعت لعشقي القديم للطيور

المهم ندخل بالموضوع ..

رحت لسوق الحمام عندنا بالرياض .. وحصلت لي بالبداية عامل بنغالي ..

وشريت من عنده جوز كناري سوري .. واحد أبيض والثاني أصفر .. سعرهم 140 ريال.

المهم ماتوا الكناري .. ولما رحت لواحد راعي طيور زينة قال لي : كلهم ذكور


رجعت للمحل وقلت يمكن يبيعني هالمرة ذكور زي المرة الأولى ( لأن الذكور سعرهم عندنا غالي )

وقلت له عن القصة الحزينة وموت الكناري فتحسر الرجل ..

وعرض علي جوز كناري ومعه ثلاثة فراخ وسعرهم 280 ريال ونزلت معه إلى 250 ريال ووافق ..

قلت له ثواني بس اروح أشتري قفص للبغاء الأفريقي اللي عندي وأرجع لك .
قال : ما فيه مشكلة ...

ولما رجعت

ما حصلت القفص اللي فيه الجوز والفراخ

قال جاء صاحب المحل وأخذهم .. وقال لي لا تخاف انا ادلك على واحد عنده مثلهم !!!!!

سبقني للمحل وبعد خمس دقايق قال لي تعال .. ورحت معه للمحل الثاني ..

حصلت فيه جوز كناري ومعه فراخ ثلاثة ..

والقفص أحمر والسابق كان قفص أحمر !!!!!!!!!!!!

فأنا شكيت شوي بالشغلة !!

لكن شكل الفروخ أكبر من الأولى ...

أخذتهم من عنده بعد جدال طويل بـ 275 ريال

ولما وصلت البيت ولهم يومين عندي ..

ألاحظ واحد منهم ما يطعم الفراخ وأحيانيا يتشاجر مع الآخر الأبيض ولون الأبيض هو الأقرب للفراخ ..

وطلعت الأول الأصفر ونظرت مؤخرته ونفخت فيها ...
وطلعت الثاني الأبيض ونظرت لمؤخرته ونفخت فيها ..

اكتشفت ان الشكل واحد !!!!

يعني كلهم أناثي أو ذكور !!!

فقلت ممكن البائع خلال عدم تواجدي عنده بدلهم ولعب علي لعبته وباع لي أناثي ..

أبي رايكم يا جماعة أبي شي واضح يبين لي الفرق بين الذكر والأنثى ..

في المؤخرة الأصفر والأبيض لهم نتوء بسيط عند المخرج - أجلكم الله-

ولم أجد فرق بينهما فما الرأي وما الحل ..

وانا جاهز للمشاكل .. ممكن أرجع للبائع وأتفاهم معه بأسلوبي الخاص