اخي الفاضل alarnaout, زياره جميلة برفقت الاخ محمد زيادة لسوق الطيور بوسط البلد مع اني تواجدت في السوق لفتره قصيره وما انتبهت لوجود الاخ محمد لاني لا اعرفك وعلى العموم اذا تقصد الجيفرات الي كانو بقرب الدرج ولا الهم دخل بالجيفر .
بخصوص طلبك فهو سيكون جيد عندما نعمل جمعية حقيقة وهكذا نضمن تبادل الطيور والحصول على افضلها

بالتوفيق ان شاء الله

بسم الله الرحمن الرحيم
معك حق يا اخي الكريم وانا مستعد للتاعرف اذا ماكان هناك مانع

و انا كنت موجود من الساعه التاسعه الى قبل وقت صلاه الجمعه
و اكيد شفنا الاخوان لاني 3 ساعات بلفلف
و فعلا اشي بضحك سوقنا .. شفت بائع معه انثى بدون ذيل بده فيها بس 20 دينار
و شفت الجيفرات ( الي حجمهم اصغر من كناري البلدي ) مع فراخهم ب 250 الجوز !
و الذكر على فكره اضفره ملفوف و بناءا على خبير مصري بحارتنا في تربيه الكنار قالي دا ما بينفعش لانه مستحيل يمسك على ضهر الكنار التاني ..
و كان في شب معه lipochrome canary بس بده في 80 دينار
......................
سؤالي للاخوان مش مفروض سوق الجمعه يكون ارخص من المحلات ؟
يعني الذكر البلدي بالمحل ( جبل عمان او المصدار ) بين ال 25 لل 40
و فعليا بالبلد ما شفت اقل من 30 و يا ريت عليه العين .. عنده مشاكل تغذيه و ريشه كات ...
......

اخي الفاضل hasnatht, ان التلاعب في الاسعار امر طبيعي لما كنت مع ابو اوس والاخ الحبيب ابو فؤاد شفنا زوج لون حبشي بناديق هوزو طلب 300 دينار بالزوج وهم مخاليف واحنا بالرجعة لقينا واحد مشتريهم طلب 500 او 600 مش ذاكر بالظبط وبسرعة البرق تحولو من بناديق هوزو الى جيفرات .
بخصوص شراء الطيور العادية بتقدر تنزل في الاسعار لما تنوي تشتري وبتقدر تاخذ باي سعر بعجبك
بخصوص الطير الي ضفره عكسي لما تشتريه بتجازف فيه وممكن تعمل محاولة ويزبط معك .
بخصوص lipochrome canary ؟الاحمر ؟ هو هيك سعره اذا مصبوغ صح ومختم ما بتجاوز السعر 200دينار للجوز .

واذا هيك لازم نوزع صور عشان نعرف بعض في المرات القادمة

بالتوفيق ان شاء الله

فعلا هيك الاسعار

lipochrome mosiac على ما اظن اذا ما كنت مخطئ
الابيض و راسه و اجنحته فيها احمر
...
و الله فكره نتفق مره على اجتماع في سوق العصافير بكون لطيف
..
اخواني عندي سؤال ممكن الواحد يروح سوريا و يجيبلو مجموعه عصافير بصفه فرديه و لا لازم رخصه استيراد و قصص ؟

حلو التقاء المربين ببعضهم بالسوق . الاسعار عندكم غالية جدا أكثر وأفضل الانواع الموجودة عنا بالضفة لا تتجاوز ال 100 دينار وما حد بسترجي يشتري بهاد السعر والذكر البلدي الالف او الانثى لا يتجاوز 20 دينار . تعالو خذوا من عنا .

me-punisher والله نورت الموضوع بتواجدك فيه مع اجمل الردود.
القدس عربيه طبعا اخي العزيز بتشرف انو نتعرف بنتظر رقمك حتى اتصل فيك.
hasnatht لو كنت اعرف انك نازل كان حكيت معك بس للاسف ما اتعرفت عليك من قبل يلا الاسبوع الجاي برضو بنتظر رقمك.
يوسف الفلسطيني مشكور انك تمدحنا انو بنلتقي لكن صدقني الا اخلي شباب المنتدى
الموجودين في الاردن يلتقو كل جمعة و انزلكم الصور.
me-punisher انا و الاخ محمد زيادة كنا بالسوق الساعة 11.30
يعني بما انك كنت موجود و بتعرف الاخ محمد زيادة ليش ما جيت تحكي معنا

me-punisher حبيبي والله يلا خلينا نشوفك الاسبوع الجاي ها
و لا تنساني برقم الموبايل

اخي الفاضل alarnaout, لم ابقى في السوق ساعة ولو رأيت محمد لكان جيت سلمت مع انه التقيت فيه في مرات سابقة وهو بينزل على السوق كل جمعة تقرييباً .
الاخ الفاضل hasnatht, انت خربطتني في الاسم الاول المهم المزايق في الاردن ما حد بعرف يتعامل معه بشكل عام بعد فتره بنزلوه على السوق بدون لون بكون سعر الحبة لحد خمسين تقريبا واذا جوز بغلو لحد 120 .
بخصوص الطلعة على الشام مرات بتقدر تدخل حسب شطارتك بس مش كمية

ان شاء الله الى لقاء قريب