المقنيــن الزيـــن
***************************
يا المقنيـن الزيــن
يـا صفــر الجنحيــن
يا حمــر الخديـن
يـا كحيــل العينيــن
هادي مدة وسنين انت في قفص حزين
تغني بصوت حنين
لا من يعرف غناك منين
كي تغني تتفكر ليام لي كنت فيهم حر
تفرفر فالهوا طاير و تعرّش فالشجر
مين راد ربي لحنين
تحكمت من دوك الجنحين
لا ما ولا قوت بنين
يا المقنين الزين
لي ما جربش لمحان ما يجيبلك خبر
ولي ما عرف قيمتك يا طير يشويك على لجمر
لي مقدّر من عند ربي لازمو الصبر

( لاإله إلا أنت سبحانك إنى كنت من الظالمين )