كل وعام وانتم بخير واحسن عافية ... فى زوج زيبرا عندى وضعت الانثى 5 بيضات بس فيهم بيضتين غير مخصبيين ... والحمد لله فقست ال 3 بيضات
ولكن حدث شىء غريب ... اصغر فرخ لاقيته مرمى بره العش وميت وكانت الحوصلة فيها اكل ... قلت الحمد لله
النهاردة فؤجت بالفرخ الاكبر كذلك مرمى بره العش وميت والحوصلة مليانة .... كده العش فيه البيضتين الغير مخصتبتين والفرخ الاوسط ويا عالم هلاقيه بكرة ميت ولا لا
محتاج اعرف ايه سبب اللى حصل ده وازاى اتلافى حدوث ده مرة تانية ... فى كام حاجة انا عملتها مش عارف ده صح ولا لا
اولا انا من حوالى 4 ايام نزعت العش كله وخرجته بره القفص عشان ابص ع الفروخين الباقيين صاحيين ولا ميتيين
ثانيا ... انا مهما احطلهم بيض بالبقسماط او غلة (بليلة) مبلولة وارش عليهم شوية حبوب بردوا مش بيقربوا من الاكالة والاقى الاكل زى ماهو

افيدونى اعمل ايه ... ياترى ازيل العش والبيض الغير مخصب ولا استنى لما اشوف الفرخ اللى باقى ده مصيره ايه ... ولو سمحتوا محتاج اعرف امتى اقدر اعزل الصغار عن الاب والام مع العلم ان ف جوز اخر معاه 4 فروخ صغار تقريبا عمرهم 23 يوم اعزلهم امتى ولا اسبهم شوية لانى فى منهم 3 فروخ بيطيروا وواحد بيخرج ع استحياء من العش
وسورى ع الاطالة والازعاج ... وهرفق صورو للفرخ الميت


[ مرسل من Android ]