بارك الله لك فيهم اخى castelo
ايوا كده عايزين مشاركات اكتر واكتر
عايزين منتدى الحمام يعج بالمواضيع الشيقه والمفيده

شكرا يا زيزو
ان شاء الله منتدي الحمام حيبقي احسن من كده ومواضيعه اكتر من كده
بفضل عشاق الطيور الجميله دي وانا شايف ان المنتدي فيه اعضاء كتير مهتمين بالحمام
منهم اللي بيربي حمام زينه واللي بيربي حمام طيران وفي منهم بطل يربي حمام بس بيحبه

شكرا علي المرور والمشاركه

معلش شباب:
انا لا أربي الحمام ولكن مهتم جدا بهذا المنتدى حتى يكون على مستوى راق جدا ويحتوي على نخبة من المواضيع المنتقاة والمفيدة.

لماذا؟ لو عملنا بحث لوجدنا ان العشرات من المواقع والمنتديات تخصصت عن الحمام.
وانا لا أريد ان نتخم منتدانا هذا بالمواضيع المنقولة ولا أن نجتهد في وضع المواضيع الخاصة بنا التي ستتميز بالمعلومات المفيدة والحديثة.

انا لست ضد اي موضوع منقول يتم وضعه عندنا ما دمنا حفظنا الحقوق, وانما ضد ان تكون كل المواضيع المطروحة هنا منقولة.

وهذا الكلام ألمحت به في موضوع الاعلان عن افتتاح منتدى الحمام:
http://www.canaryfans.com/forum/viewtopic.php?t=7395

نحن نعلم ان العشرات من المواقع والمنتديات العربية تخصصت في الحمام , لذا أرجو من الجميع عدم نقل اي شيء الا للضرورة القصوى وللافادة مع طلب الاذن من تلك المواقع , ولهذا أرجو من الجميع ان يعدوا مواضيعهم الخاصة المتعلقة في تربية الحمام.

استاذ عبده
اولا انا بحترم رأيك جدا وايضا بحترم شخصك الكريم رحب الصدر وانتا عارف كده كويس
بس مين قال ان الموضوع ده منقول :?:
بصراحه هو كل اللي منقول فيه طريقه التنسيق وبعض الصور ليس اكثر
وانا واضع صور من حمامي ايضا وهذا دليل علي ان الموضوع من عملي اما الموضوع نفسه فهو بناء عن تجربه شخصيه وهو كلام منقول ليس من موقع واحد انما منقول علي لسان كل من يربي حمام الشقلباظ
ودي معلومات اكتسبتها من سوق الحمام عندنا في اسكندريه ومن غواه حمام كثيرين داخل اسكندريه وخارجها
ولكون المعلومات متشابهه مع معلومات من موقع اخر فهذا ليس دليل علي ان الموضوع منقول
(لاحظ اسلوب الكتابه نفسه وليس التنسيق)
وانا بالاصاله عن نفسي لو نقلت موضوع عمري ما حخجل اني اقول الموضوع ده منقول
بالعكس دي امانه سنحاسب عليها
وشكرا

اخي كاستيلو:
متأسف اني لم اوضح ما المقصود من كلامي.
انا طبعا قصدي كتعليق على رد الأخ زيزو من حيث انه يريد للمنتدى ان يعج بالمواضيع الشيقة.

وتعليقي جاء من باب الحرص ان نبقى متميزين في كل شيء ولقد كان لدينا عدة مراسلات عبر المنتدى وعبر الخاص مع الأخ زيزو من اجل توضيح فكرة ما أريد ان يكون منتدى الحمام عندنا.

وليس القصد هو موضوعك وانا كتعليق كما ذكرت على ما تفضل به الأخ زيزو.

اخوتى الافاضل
حين كنت اربى الحمام و كانت لدى غيه حمام
كنت اهتم جدا بالشقلباظ
و كنت اربى ما يزيد عن 10 ازواج منهم فى الغيه و كنت اتمتع جدا بحركاتهم الجميله التى اظن انها احدى وسائل الدفاع عن النفس التى اكتسبها هذا النوع العزيز على نفس كل مربى الحمام فهذا الطائر بتلك الحركات السريعه و المتلاحقه قد يتفادى هجوم النسور و الطيور الجارحه
ايضا كلما كان الطائر اصغر كان ذلك اقيم و افضل
و كان لدى ذكر يستطيع ان يقوم بعده شقلبات سريعه و متعدده قمه فى الجمال
و كنت استخدم هذا النوع فى التطيير حين اود ان اسرع بنزول مجموعتى اخرج لهم مجموعه الشقلباظ فتلتحم بباقى الطيور و تؤدى العابها الهوائيه فى نزول باقى الطيور معها
و ايضا هناك النوع العبسى
يجيد ايضا تلك الحركات الجميله
خالص تقديرى

شكرا اخي مالك علي ردك
فعلا انا استخدم الشقلباظ لنفس الهدف وهو تنزيل الحمام من الجو
والعبسي والكركندي يقوم بحركات بهلوانيه لكنه عكس الشقلباظ يطير اعلي ويقوم بحركاته علي مسافات مرتفعه اما الشقلباظ يقوم بحركاته وهو قريب من الغيه
شكرا علي ردك ومرورك الكريم

اخى الكريم
انا الذى اشكرك لانك ذكرتنى بتلك الهوايه التى كنت اعشقها و لا زلت حين ارى مجموعه حمامه يراودنى الحنين للغيه
و اليك تلك الذكريات
كنت اربى الحمام من عام 1984 الى عام 1990
تقريبا
كانت الاسعار كالاتى
زوج الشقلباظ
العبسى و الحلبى و الكركندى 8 جنيه
البلق قشر البندق و السكروت و الزهرى 20 الى 25
الاسترالى 6 جنيه
الكريزلات و التى كنت اعشقها و ازوجها للمراسلات
فنتج لدى طيور اكثر من رائعه
ترى ما الاسعار الان اعتقد انها تضاعفت كثيرا
خالص تقديرى

ياريت الاسعار دي لسه موجوده
يعني مثلا زوج شقلباظ شغال 45 الي 80 طبعا مستويات
العبسي والكركندي والحلبيات بين30 الي 35
البلق قشر البندق و السكروت و الزهرى 80 تقريبا
والاستراليات 25
شوفت الاسعار بقت عامله ازاي اختلاف جزري بين زمان ودلوقتي