انتو طبعا عارفين ان العصافير عموما تبيض فى المتوسط خمس بيضات بين كل واحده والتانيه يوم
فده طبعا بيخلي الفرق بين اول بيضه واخر بيضه حوالى 10 ايام فى الفقس


وطبعا الزغلول اللى عمره 10 ايام مش زي اللى عمره يوم فى الصحه والحجم وما الى ذلك وطبعا الزغاليل الصغيره بتعافر مع الكبار للأكل من الام والنتيجه بتكون عادة مأساويه عندما تداس الزغاليل الصغيره باقدام الزغاليل الكبار



خدو بقي الطريقه اللوكس المجربه واللى جابت والحمد لله نتيجه كويسه جدا جدا جدا



عندما تبيض الانثى اول بيضه قم برفعها والثانيه والثالثه والرابعة ايضا وابدأ فى وضع البيض كله عندما تضع البيضه الخامسة



سوف تفاجأ عند فقس البيض ان كل الزغاليل طلعت مع بعضها فى يوم وحجم وسن واحد

واخر واحده بس هي اللى هتكون اصغر منهم بيومين بس


فده طبعا هعطيك انتاج اكثر



وبعض الهواه المحترفين اللى بيكون عندهم اقفاص كتير بياخدو ال 5 بيضات مره واحده وبيحطوهم لاول انثي وتاني 5 بيضات بيحطوهم لانثى ثانيه وهكذا اذا كان عندهم مثلا خمس اناث بيبيضو فى وقت واحد مع بعض


بس لاحظ ان الطريقه دي مفيده اوى فى الشتاء لان الجو بيكون برد وانت طبعا هتشيل البيض فى مكان آمن بعيد عن التيارات الساخنه مثلا او بعيد عن عبث الاطفال

اما الصيف فبتكون درجة الحراره عاليه وأشك فى نجاحها لان البيض ممكن يفقس لوحده من غير رقاد
انا مجربتش فى الصيف بصراحه بس فى الشتاء مجربه وجايبه نتائج 100%



الطريقه دي ليها ميزه تانيه كويسه جدا الا وهى ان بعض الاناث بيكون بيضها عزيز جدا

يعني اول ما تضع اول بيضه لا تخرج من العش إلا للأكل وبالتالي لا يلقحها الذكر فالنتيجه ان اول بيضه فقط هي اللى بتكون مخصبه وباقي البيض رايق بدون جنين كما حدث عندي اكثر من مره



منقول للمنفعة