السلام عليكم اخي مهند
والله انا اجت معي بالصدفة
كنت عامل غرفة غسيل على السطح 2م×2م . اهل البيت ما عجبتهم لانها صغيره على طول فكرت اني استغلها وفصلتها كالتالي :=
جبت قضبان حديد مربع 4سم×3سم تقريبا وفصلت منهم غرفه بنفس حجم الغرفه اي 2م×2م وبعدين وضعت عليها شبك 1سم ×1سم وعملت باب من الامام وبعدين فصلت كمان قفص بنفس العرض والارتفاع امام الباب ووضعت فيه باب وجوانبه من الشبك بحيث اني لما ادخل من الباب الاولب اسكره وراي وافتح الاب الثاني على العصافير . وبعدين جبت شجره صغيره ونشفتها وقلمتها ووضعتها في القفص فاصبح عندي قفص نصفه باطون ونصفه شبك . لكن اخي الملفت للنظر ان الطيور في هذا القفص وضعها افضل بكثير من الطيور في الاقفاص الصغيرة .
اما عن التكلفه فلم يكلفني كثير . وعلى فكرة بعض اصدقائي عملوا الي انا عملته من الخشب بس اهم اشي بدي اذكر فيه انه لازم يكون مكان ظل ومكان شبك لانه العصافير حينها تحدد ما تريده .
اما عن الجهة الي عملت فيها القفص فهي ليست مقابل شروق الشمس وهذا بحكم اني عملتها مسبقا ويفضل ان تكون بالجهة المقابله لشروق الشمس .
اما ماذا اضع فيها ، فانا اضع الناتج من فراخ الكنانير و الطيور التي تكون في مرحلة طرح الريش واضع ايضا طيور الفنش .
ولم اجرب تزويج الكنار في هذا القفص ولكني ازوج الفنش به وماشاء الله مش ملح على الفنش .
المهم اخي مهند انني اضع طيوري فيه من شهر خمسه الى شهر عشرة فقط وذلك بسبب البرد .
وساضع صوره له في اقرب وقت
وانا انتظر منك اي استفسار