السلام عليكم ورحمة الله وبركاته
كان ياماكان في هذا الزمان وقبل اسبوع تقريباً يوجد طائر لانك شاير أصفر اللون طويل القامة عريض المنكبين ويتمتع بصحة ماشاء الله يسرح ويمرح في قفصة ويختال ويتبختر ما مثله ( هذا كله قبل ما أنام )صحيت من النوم لقيت صاحبنا ينظر لي بنصف عين قلت اليوم الطير ناوي على مشاكل معايه الله يستر قلت ياولد أعطيه أكل وماء بأدب واحترام عشان انا ما احب المشاكل الحال ما عجبني قلت خليني اشوف مين زعله وان شاء الله خير لقيت الموضوع غير كذا طويل القامة عريض المنكبين بهدلته نمله المسكين قرصته في جفن عينه اليسرى قلت ياولد افتيييي وعالجه من عندك لعندك بدون ما تتعب السيد عبده والله سحبت قطره عيون نسيت اسمها من ثلاجة المنزل وحطيت للطير كل يوم مرتين ومسحت على عينه في اول يومين بزيت زيتون والآن ماشاء الله رضي عني الطير وفتح عينه شوي شوي وكله تمام بس ان شاء الله اذكرلكم اسم القطرة في الجزء الثاني من الرواية