أخي انا جربت تكبيس الطرنجان على كنارة
ولقد ركبها سبع مرات على مدار اسبوع ولكن لم تنجح العملية حاول لعل البيض ييتخصب وتطلع بناديق منه

وطالما عندك فائض من اناث الكناري إذا حبيت تبيع وسعرهن مقبول انا اشتريهم انا عندي ثلاث ذكور كناري بالغين ولكن ليس لدي اناث لهم واحد احمر وواحد اصفر وواحد حبشي

اخي العبير كل الشكر لك على ردودك

بالنسبة للبيع بصراحة انا لا احب بيع الاناث بالاخص البكرية ومن انتاجي
فكما تعلم هي افضل من التي يتم شرائها من السوق حيث انني اعتني بتغذيتها
ثم ان اسعار الاناث الان مرتفعة ولا اعلم السبب

كما تعلم سعر ذكر البلدي الجاهز 1500 وهو مبلغ قليل استطيع تعويضه باول دفعة فراخ ان كانت الانثى جيدة
ان حسب الموضوع تجاريا

الان ثمن الانثى البكرية من شخص موثوق يتراوح بين 2000 الى 3000 ونادا ما تجد من يبيع

لا اعلم السبب ولكن الاسعار في ارتفاع بالاخص بطرطوس بيع الطيور مقتصر على بائع واحد يتحكم بكل الاسعار
وبالطبع لا تجد عنده الا كما يقال زبالة الطيور

تم المشاركة والتصويت

شكراً

تم التصويت

شو هالكلام يا اخي شو الشغلة بطاطس تعال لعندنا وشتري الي بدك ياه تعال أنا بامنلك فراخ بكرية ومن اجود الانواع أحمر حب رمان انت تعلم الكنار الاحمر القاتم لا يوجد ولكن هناك احمر تعال وشاهد ابوين الفراخ وشتري الفرخ ذكر كان او انثى بالف ليرة هو هيك حابب يبيع بس تقلي أنثى كناري وسعرها الفين ثلاث فهذا الشيء الله لا يرضا به او هذا البائع عم ينصب عليك

بعرف هالشي و كل الطيور اللي بالمحلات عنا من سوق الجمعة باللاذقية

حتى العالم تعودت يوم السبت بيكون في طيورة جديدة

لهيك انا ما بشتري غير فراخ ومحلي قريب من محل البياع معظم الاحيان بشوفهم رايحين يبيعوهن الو

بعيطلو وبسئلو بتبيع باخد اللي معو وبشيل الفراخ الحلوة وبروح الباقي

هلء بتعرف انت انو الحساسين بلشت تجهز

واللي عندو دكر جاهز بدو انتاية مستعد يدفع اللي بدو ياه
جد بتمنى يفتحلو شي محل قوي بطرطوس جديد بطرطوس بتزبط الاسعار شوي

مبارح شفت محل صغير حاطط شويه كنارات نزلت لعندو قلت بركي ارخص

طلب بجوز بلدي اصفر لافين العش 5000 ل وما بينزل فرنك

شكلها هالبطاطا مستوردة ههههه

أخي بتعرف انو نحنا ما مننزل عسوق الجمعة الا الطيور الزبالة يعني بلعربي الفصيح الي عنده طيور كرهانن بينزلن عسوق الجمعة بدك تشتري تعال شتري من عند المربين الي بموت الكناري عنده ولا بينزله لسوق الجمعة
المهم بالنسبة للحساسين معك حق بهالوقت بيزداد سعر الكنارات مشان الحسون معناها مناجل عملية الشراء لبعد انتهاء الموسم لاني انا عم انتج حساسين بلاقفاص وماكتير مطر علكنارات بس حبيت جدد ايام الخوالي
وبالنسبة للجوز الكناري الاصفر الجاهز حقهن طالما جاهزين حقهن هيك وزيادة

موفق حبيبي بالنسبة لتفريخ الحساسين

وانا كمان بلشت جرب تفريخ الحساسين

وانسب شي شفتو انتاية نغل مع انتاية دنور بمطير

انتاية الحسون عم حسها عم تتعلم من انتاية النغل واحيانا عم تساعدها بالعش

وبستفيد من انتاية النغل بشلحلي شي بيضه تحتها بتكون احتياط ومنجربها بالزق

ودكر دنور عم يشتغل بعيد

انشالله يزبط معي الموضوع السنة لانو اكيد للسنة الجاية بمل

بالنسبة للكنارات بهالسعر وربي كتير اشتريت بناديق اتالوكسات قريب من هالسعر
لهيك عم فكر بموضوع تجهيز كنارات للموسم الجاي وبيعهم جاهزين اذا هيك الاسعار
مع اني ما بحب البلدي

أخي بالتوفيق بانتاج الحسون بس نصيحة شيل انتاية النغل ما بتلزملك لان اكيد رح تصرله للدنور اذا كان حميان قبل الحسونة وهيك ممكن يتعود عليها ويترك الحسونة بالنسبة للحسونة اذا عاقلة ومرتبة بتلف عش لحالها بس تكون مامنة دير بالك عليهن وإذا عندك سلاكة نشالله بتانتج منهن بس لازم تكون الدنورة فرخة قفص عمر سنتين اذا ربيانة بقفص صغير ودنور ركيب يعني ركبان السنة الماضية وبالتوفيق