سلام اخي العزيز
اولا اشكرك على ثقتك بي

الحمام اللي بتحكي عنها صعبة شوي و المستويات العالية منها اصبحت قليلة جدا في الأردن للأسف الشديد.

و ان وجد المستوى المميز منها فهو مرتفع الثمن. انا دفعت 350 دينار في زوج رياحنة مستوى 85%-90% و صاحبهم ما قبل....الا بدو 500 دينار

محسوبك الو سنتين بيدور على زوج شكلي اسود مستوى زي اللي في الصورة الرمزية الخاصة بي بس للأسف ما حصلت هذا المستوى للان.

بس اذا بدك مستويات عادية فأكيد بتلاقي ... لكن انا رأيي انو الواحد يربي مستويات عالية أو بلا من هالشغلة كلها

ارجو ان اكون افدتك عزيزي
شكرا لك

أصبت أخي أبو زين فالحمام أذواق ويختلف من شخص لشخص تماما كالخبراء في أنواع الخمور طبعا هذا أكيد حرام ولكن أضرب مثل فهو متذوق ويعرف النوع بالإضافة هل هو فاخر أم لا وكذلك الخبراء في الحمام لديهم ذوق وكلما كان بالمستويات المطلوبة لا شك بأن السعر سيكون أضعاف مضاعة ولكل الطير الجميل يستحق بلا شك

وبالمناسبة اخي إن مصاريك جاهزة انا ممكن ادلك على ناس واحاول اساعدك بالحصول على بعض الأنواع ولا اريد منك شيء فقط للمساعدة ولكن الانواع إللي إنته طالبها مو اقل من 150 وطالع وخاصة إن كانت المواصفات مثل ما بدك وإن بدك أفراد يعني طيور ممكن يخف السعر بس بظل عليك إدور طواير حتى إطقم هذا إن أردت وانا جاهز إن شاء الله للمساعدة وللآن في ببالي جوز مساويد على حسب كلام الشخص بإنهم تمام وطالب فيهم 250 وفي جوز ثاني طالب صاحبهم 300 طبعا هذا حكي مبدئي وفي كم طير أبلق المواصفات تقريبا 90 % وفوق طالب صاحبو 50 دينار يعني إن حبيت ممكن أساعدك وهذا رقمي المبايل إذا حبيت تستفسر ********* بالتوفيق اخي

يمنع وضع ارقام الهواتف

مشكور اخ ابو زين والله زي ما حكيت الاسعار صارت نار وعنا هون بالعقبة ما في الا اكمن واحد بربو مسويات عاليه
وانا اطلعت على عمان واربد والزرقاء ومادبا يا دوب اطلعتلي باكمن جوز بس دورت على بلق وطاويق وقويزيات بس للاسف ما لقيت المستوى المطلوب

إنته من العقبة !!؟ وين بالعقبة بتربي يجوز أقدر أخدمك

انا بمنطقة الخزان

حي هلا إسمع أخي البزر اللي بدور عليها صعب شوي بس مو مستحيلة بالنسبة للشكالي السود في واحد بالعقبة إسمو نوبل بتلاقي إن شاء الله عندو ومستوى طيب مثل ما بدك واحسن والرياحنة كمان بتلاقي بس بدك تدفع وسعرهم بعمان تقريبا 200 دينار أما المطويق والبلق بدك دور في شخص إسمو طارق الكباريتي بس أسعارو نار وإن حبيت ممكن تعطيني رقم تيلفونك وبشوفلك هون بعمان أو بالزرقاء بس سعر الطير مو أقل من 100 دينار بس ممكن أحصلك فحول بلق 50 دينار إذا نويت قولي وإن شاء الله أقدر أخدمك فيهم