السلام عليكم ،،
عندي عدد ٤ من طيور الحب ، ٣ لون اصفر وواحد اخضر ، المهم عمرهم الان ٦ شهور ،، كان الاخضر دايما بيضرب من ال ٣ الصفر و دايما بيخاف منهم ، فجاءة قبل عيد الاضحي المبارك اخد بالي ان الاخضر بقي هو الي بيضرب ال ٣ الصفر ، وبيضرب بعنف كبير ، لما شفت كده قولت حعزله بس اتاخرت لظروف الشغل ، امبارح بليل اخد بالي انه بيضرب واحد من الاصفر بعنف كبير لدرجة انه جاب من راسها دم ، قولت لما اقوم اجيب قفص واعزله ، قومت الصبح لاقيت الاصفر ميت وراسه كلها دم ورقبة من تحت وجناحه كله دم ، والمنقار بتاعه فيه دم ، بعد ما كلن بيضرب اصبح هو القاتل ، فعلا زعلت جدا ، الحمد له علي كل شي ،، دلواتي فاضل ٢ اصفر وهو الاخضر ، محتاج اعرف اعزل الاخضر لوحده مع العلم انا لسه مش عارف الدكر من النتاية وكمان لحظت ان الاخضر ليه وليفة من الصفر ، ولا اعزله مع الوليفة بتعته واجيب عصفور لل اصفر التالت ؟ ولا اعزله لوحده افضل ، ؟ ارجو الرد والافادة وجزاكم الله خيرا ،،