اخي حاتم هالانثى اشتريتها بآخر سنة 2017....
وعندي ذكر مغرد وذكر غير مغرد ..
المغرد لايستطيع اكمال عملية التزاوج غير قادر عالرفرفة والطيران ..والغير مغرد لايريد الزواج ..
والانثى عصوت المغرد خلال ٣ ايام ماشاء الله كان بقفصها وعاملة عش و طرحت اول ست بيضات فارغة و بعد عشرين يوم ستة وبعد شهر ٥ ...وكل ٢٠ يوم وكل شهر تعبي السلة بيض ...اول مرتين جربت الذكر المغرد معها لكن فشلت كل عمليات التزاوج ...صار اذا لحالها بالقفص تبيض عطول جاهزة وكل مرة تحبس فضلاتها عشر شهور استمرينا هيك وكل ماشافت خيط وورقة جريدة ومأكلية عريضة بدها تعمل عش ..وإذا بتشوف مواضيعي القديمة هي نفسها من كتر القعدة صار عندها حبوب مقيحة برجليها كمان من دكتور لدكتور و٧ شهور علاج ...يعني هيك كانت من شهرين مافيها شي وتحسنت كتير عالعلاج والباكتريم والدفا لحتى قررت من اسبوعين انها بدها تبيض ورجعت انتكست انتكاسة شديدة ..بكرا بدي حاول اخد موعد من الدكتور ..وشكرا لتواصلكم ودعمكم ..لأني بصراحة هالعصافير هنن اولادي مومجرد طيور بالقفص


[ مرسل من Android ]

انا والله من سنتين ماعم خليها تبيض ...بس رب العالمين هداني عصفورة ضايعة هربانة من القفص غلطت وجبتهاعالبيت وفكرتها ذكر وانا يشهد ربي حالفة يمين مااشتري انثى كناري ...طلعت الخانم أنثى وبعد عشر ايام هدتنا تلات بيضات فاضيين ..
يبدو غارت منها المريضة وحبت تقلدها مع انهم مو قريبات عبعض بس الجديدة بتضل تبربر وتطالع نداءات للذكر

[ مرسل من Android ]

ضعي الأنثى المريضة بعيدا عن الطيور، وزاوجي الأنثى لذكر الأنثى المريضة، فمادامت لا تكف عن النداء، فهي جاهزة، وتريد التزاوج.. تفاديا للشجار، لا تدخلي الذكر الا بعد ان تلف العش.
بالتوفيق

[ مرسل من Android ]

لا انا هيك مااستفدت شي .هاد الذكر غير قادر على عملية التزاوج عنده ضمور في عضلة الصدر واجنحته ضعيفة مابيرفرف من لما اشتريته..هيك عم يصير استنزاف للانثى ببناء العش وحضن البيض
بدي عتملها الغرفة ..انا حبيت الكناري لصوتهم وألوانهم مابدي فراخ ولاانتاج
قرأت مرة انه في ذكور كناري تصلح لاطعام الفراخ ولاتصلح للتزاوج وهاد على مايبدو من هالصنف ..
انا المهم عندي الانثى المريضة تشفى وتتعافى وبعد اربع ساعات موعد الدكتور ...دعواتكم ...
وشكرا ع تفاعلكم و ردودكم

[ مرسل من Android ]

كل الاحترام لك اختي الفاضلة لاهتمامك بهاي الطيور

ان كنت غير مهتمة بفراخ وانتاج اعتقد يجب ان تعطي الاناث لمربي يمكن ان يتعامل مع الطيور

طمنينا على الانثى المريضة

بالشفاء ان شاء الله

هالعصفورة المريضة كيف بدي اعطيها لمربي؟ مع كل العناية والرعاية والطبابة وهيك حالتها عندي ..فلو اخدها غيري كم ساعة بتعيش..؟ ببلجيكا مافي مربيين في تجار...التاجر بيعطيهم فيتامينات لحتى نشوفهم نشيطين وبصحة ممتازة وبس بصيروا عنا بالبيت بيمرضوا...
بالنسبة للعصفورة الدكتور ماحدد سبب الانتفاخ وما أكدلي هل هي بيضة محصورة او انتفاخ معاء او معدة ...واذا في بيضة بدو يعرف ابعادها ليقرر كيف بدو ينزلها او يستخرجها ...حلل فضلاتها وقلي خروجها فيه بكتريا وعطاها نقطة بنسلين و بكرا لازم من الصبح اروح لحتى يعملها ايكو بطن .ويحدد حجم الكبد ..والغريب خبرني انها مامعها كوكسيديا ....او شفيت منها ..
حسيته مندوب مبيعات بس ليشفط هداك المبلغ بس حسبي الله ونعم الوكيل ..هالروح خطيتها برقبتي وبدي اتحاسب عليها وربي يشهد ماقصرت معون ...
وبالنسبة للعصفورة اللي عم تبربر ليل نهار عم استنى دكر ليجهز لحتى خليها تحس بأمومتها ..ولاتقلي المغرد ..هداك عمرو ست سنين ومابيقدر يرفرف وعملية التلقيح غير ناجحة ..

[ مرسل من Android ]

اخي حاتم ..امبارحة اخدتها على عيادة متخصصة و فيها جراحين و اجهزة تصوير ومخبر فيك تقول مشفى مصغر للحيوانات ...فحص الدكتور البراز قلي ماعندها كوكسيديا . لكن عندها بكتريا وعطاها نقطة بنسلين بالفم ...ولازم ايكوغراف للبطن وطلب مني اخليها عنده لليوم الصبح مشان الصورة ...فرفضت و رجعتهامعي عالبيت واليوم رجعت اخدتها عالدكتور ..قلي تحت بنج كامل الايكو فماعرفت هل هوتنظير من المخرج او من الفم ...الحمدلله مافي بيضة ببطنها ...
.لكن التهاب شديد وقوي و خبرني انه مافي ضمانة للدوا انه يحسن حالتها هالشي بيعتمد على مدى استجابة جسمها ...والكبد متضخم جدا ومتوسع وحالة البطن سببها بكتيريا والتهاب وتضخم الكبد ..
لكن بعد نقطة البنسلين اللي اخدتها صار خروجها اكتر مع سوائل فيارب الدوا اللي بدها تاخدو يطالع كل السائل من بطنها ...وآسفة عالاطالة وشكرا على مشاركاتكم وردودكم شكرا للجميع...وفي عندي موضوع عن طائر تاني من كذا شهر ما اجاني عليه ولارد ولانصيحة ...شكلنا بدنا واسطة بالجروب ليردوا علينا ..

الصورة المرفقة قديمة أيام ماكانت بصحتها وعافيتها...شو ماشافت وعاء صحن سلة طبق حفرة بدها تقعد ...عندها استعداد ترمي الاكل بالارض و تلف عش او فوق الاكل حتى مافي مشكلة ههه
ادعولها بالشفاء الكامل وشكرا لإخلاقكم وسعة صدركم

[ مرسل من Android ]

طائر عمره ست سنوات، أعتقد انه لم يعد يصلح للإنتاج... لن يخصب البيض، حتى لو كان سليما معافى، وليس بالمواصفات التي ذكرت
ابحثي عن زوج كناري ، صغير السن، ومعافى... لا يتعدى عمر الزوج سنة، إذا كنت تريدين رؤية فراخ صغيرة في اقفاصك. وستكون بصحة جيدة، مثل ابويها.. حتما. وترتاحين من مشاكل وأمراض الطيور... المتوارثة.
إذا كنت لا تتحملين وجع دماغ الإنتاج، تكتفين بذكر كناري مغرد، لكن سيزعجك تغريده، وهو يلح على أهل البيت ان يزوجوه. هههه
فعلا، أتعجب لمثل هذا الطبيب، لماذا كل هذه المشاوير؟ كان الأجدر به ان يعرف سبب ذلك الورم أولا...

[ مرسل من Android ]

أنثى ريدفاكتور جميلة، ماشاء الله!
نتمنى لها الشفاء العاجل
أنثى بمثل هذا الجمال، يجب ان يكون ذكرها بمثل لونها، ومن نفس سلالتها...

[ مرسل من Android ]

لا وساطة ولا هم يحزنون.. المنتدى صار مشلولا، ولولا بعض المشرفين، لصار في خبر كان، كما ان أغلب المشاركين يتعاملون بانانية مفرطة، يطرح احدهم موضوعا، ولا يكتب كلمة شكر، لمن ضيعوا وقتهم، في طرح بعض الحلول... ولا تنسي أن أغلب الأعضاء هنا، مجرد هواة، يحاولون تعميم خبراتهم المتواضعة ومشاركتها مع الآخرين.

وهناك من تسجل في المنتدى قبل أربع سنوات، دون ان يكتب مشاركة واحدة.... لماذا؟ لكي يطلع على المواضيع الحصرية... واغتنم الفرصة لكي أدعو الإدارة إلى شطب هذه العضويات، عديمة الفائدة... هؤلاء المتلصصون، بماذا يفيدون المنتدى؟ يسرقون خبراتنا، يتلصصون علينا....
لانهم لا يجدون إلا الادعياء في أماكن أخرى!

[ مرسل من Android ]