ممكن ميكونش عليها بيضه ولكن من كثره الفرخ والاجهاد تري انها شبه عليها بيضه

السلام عليكم و رحمة الله و بركاتة............

أخى الكريم................

من الممكن والله أعلم أن يكون حدث أحتباس للبيضة فلا تستطيع الأنثى اخراجها , و فى هذه الحالة أخى عليك أن تقوم أنت بأخراج البيضة بنفسك , و هى تعتبر عملية صعبة جدا بالطبع , فعليك سؤال الخبراء فيها لآنى بفضل الله لم يحدث لى هذا من قبل , و كل هذا أخى فى حالة تأكدك أنها بيضة كما تقول...............

هذا على حسب علمى والله تعالى أعلى و أعلم...............

شكراً لك اخ تامر شكراً لك اخ هيثم علي المرور الطيب
بالنسبه للاخ تامر انا جايب الجوز دول من حوالي شهرين
الانثي كانت عادي خالص مفيش مشكله ولا كان باين عليها بيض
اما بالنسبه للاخ هيثم فده احتمال بس لوكانت محمله بيض من الفتره ده كلها والبيضه محبوسه جواها فربنا يستر واظن الفتره ده طويله كانت ماتت من اسبوع علي الاقل
انا بقول ممكن تكون بتبيض وبتاكل البيض او ممكن يكون في فران مثلاً انا مش شايفها بتاكل البيض بس ده صعب غير انا ملحظتش ان حجم البيضه قل

اخى/legend55555
فعلا يوجد اناث ياخذة وقت كبير حتى يحطوا اول بيضة لكن مش كل هذا الوقت24 يوم اخى هذة مشكلة كبيرة من الواضح اما انها انثى بها عيب وهو عدم تكوين عنقود البيض كما ينبغى ومن المحتمل ان تبيض بيضة كل اسبوع مثلا او كل عشرة ايام او انها كانت مريضة بالتليس قبل شرائك لها وتم علاجها من قبل صاحبها حاول تتاكد من ذالك قدم لها خل التفاح وانت هيوضح لك كل حاجة مع تقديم الخضرة بكثرة فى هذة الفترة وايضا لا تزعجها كثير فى هذة الفترة وبالاخص انك مربى عندة الخبرة الكافية لذالك
والله ولى التوفيق

شكرا لك استاذ ناصر علي الرد
الانثي ده كانت بتاعتي من حوالي سنتين وكانت شغاله انا كنت شاريها زغلوله واشتغلت عندي وبعد كده الجوز عجبوا قريبي فخدهم مني ومن شهرين قالي اخدهم منه عشان ربنا رزقه بطفله وبقي مش فاضي اوي ليهم يعني انا مش شاريهم جداد من حد الغريبه النتايه جسمها اليومين دول ضعيف شويه مش واضح انها ممكن تكون مليثه
غير انا صبرت كتير اوي عليها قبل ما اعرض الموضوع في المنتدي عشان مبقاش اتسرعت في الحكم عليها بس علي العموم ربنا يستر وانا فعلا بكتر في الخضروات ليهم وخاصة انهم بيحبوا الخضروات اوي وبرده هجرب بنصيحة حضرتك واحطلهم خل التفاح وربنايستر انشاء الله

اخى
لى سؤال ما هى شكلها الان يعنى حركتها عاملة اية ثقيلة فى حركتها مثلا او نافشة ريشها ياريت بالتفصيل وعلى فكرة هى نوعها اية بالضبط

الف شكر لك استاذ ناصر علي المتابعه
انا النهارده لاحظت انها بقت تقيله شويه في حركتها وجسمها بقي ضعيف
رغم كده هي بصحه جيده وعلي طول في البياضه طبعا مبتخرجش غير عالاكل
وبالنسبه للنوع هي Australian Cinnamon

اخى العزيز
كدة يبقى اكيد عليها بيضة كبيرة شوية ولاتسطيع انزالها لذلك عليك بالتدخل وهو ان تجلس الانثى فى ماء دافئ وتدلك باصبعك من اول البطن الى المخرج بالراحة جدا حتى لاتكسر البيضة بداخلها فتموت لاقدر الله وقبل ذلك اضع لها مرهم الفازلين حول وداخل المخرج ثم اتركها شوية 5 ساعات تقريبا وكرر العملية اذا لم تنزل البيضة
اخى قبل عمل ذلك تاكد من انها تكون كيس دهنى ولمعرفة ذلك امسك الانثى بالراحة وحسس على بطتها وحول المخرج اذا اذا كانت لينة ولون البطن ابيض فهذا كيس دهنى فعليك بتقديم الدنيبة فقط والخل بالماء وورق الكرنب وارفع البياضة والمجسم واضعها فى قفص كبير شوية لاننا نريدها تتحرك كثير حتى تحرق هذا الدهن ولمدة خمسة ايام
والله الموفق
وانا تحت امرك بس ياريت نسمع اراء اهل الخبرة فى هذا الموضوع لانقاذ هذة الانثى

أخي الكريم

اولا ... هل يوجد بها انتفاخ ملحوظ اسفل البطن .

أذا كان كيس دهني او احتباس بيضة ، في كلا الحالتين يفضل عزل الانثى في قفص كبير على مقربة من الطيور الاخرى لكي تسمع و تشاهد الطيور الاخرى فتتحرك و تفاديا من المضايقة من طيور اخرى لها . اذا كانت بيضة ستسقط ان شاء الله ، واذا كان كيس دهني يفضل وضع خل التفاح لها . على العموم موسم التكاثر شارف الانتهاء فياريت تتركها مدة من الزمن وستلاحظ الفرق .

امنياتي لطائرك بالشفاء العاجل .