السلام عليكم اخي ابو فهد
اقصد الي في الصوره 049 كان عندي مثله اشتريته من واحد مش عارف شو هو مسكه في ورشة بناء حتى انا لما اشتريته ماكنت عارفه بس كنت شاكك انه ببغاء كان حاطه بقفص صغير ولما جبته على البيت حطيته بقفص كبير وحطيتله اكل ، رحب بي بلغة عبريه ( شالوم ) انا ياخوي اسمعته قشعر بدني وهون اتاكدت انه ببغاء متكلم وبلشت اسال واستفسر عنه اسمه عنا ببغاء ال ( جاكو ) وسعره غالي جدا .. بالبداية كان اليف بهديك الفترة كان عندي ولد وبنت الولد كان شقي كتير بلش يخوف فيه بعدها صار الببغاء عدواني يعني يعض ويخاف كتير بعد سنه انسجنت وانا في السجن اهل البيت باعوه لواحد مقاول بس جاب سعر كبير وهو 500 دينار مع اني كنت مشتريه ب 30 دينار فقط لكنه وللامانه كان ذكي كتير يحفظ كلمات ويردد وانا لحد الان نفسي اربي واحد مثله لكن للاسف مافي عنا مثله الا في اسرائيل وحتى قبل الانتفاضة صاحب الي اشترى واحد نفس الشكل ونفس اللون قعد عنده سنتين وما حكى ولا كلمه المشكله انه الببغاوات غير منتشره عنا ومفش حدا عنا بفهم فيهم زي عندكم