السلام عليكم يااخ ابو عبد الرحمن
بدايه اهلا بك عائدا لتربيه طيور الحب وهاويا لهذه الطيور الجميله
بالنسبه للانواع التى يمكنك ان تقوم بتربيتها صراحه تستطيع ان تقوم بتربيه وتفريخ كل الانواع بما فيها اللاتينى فيشر وبالفعل انا قرأت ماقاله لك الاخ الذى رد عليك وقال لك انه يفضل عدم تزويج الطيور ذات العيون الحمراء لبعضها سواء كانت لاتينى فيشر او البينو فيشر هذا الكلام بالفعل يفضله بعض الهواه لكن من الممكن ان تقوم بتزويج لاتينى فيشر او البينو فيشر ايضا لكن فى حقيقه الامر يكون انتاجه ضعيف نوعا ما ولكنه ايضا ينتج ويبيض ويفقس وكل شىء ولكن يكون انتاجه نوعا ما ضعيف .
وهروبا من هذه النقطه لو تيسر لك ان تجد لاتينى فيشر من اب مثلا لاتينى فيشر وام اسبليت اصفر او العكس يكون جيد جدا حيث ان الالتينى فيشر هذا يكون دمه قوى نوعا ما او لاتينى فيشر مثلا من اب اسبليت ابيض وام لاتينى فيشر او العكس يكون ايضا جيد ، اقصد ان وجود الاسبليت الاصفر او الابيض يقوى الدم عند العيون الحمراء سواء لاتينى فيشر او البينو فيشر
ودون ذلك بالطبع يمكنك تفريخ كل انواع الفيشر
ارجو ان اكون قد افدتك بعض الشىء وفى انتظار ايه استفسارات منك
وشكرا

اشكرك اخي عمرو علي اهتمامك وردك ولكني الي انا فهمته اني مثلا اجيب اب لاتيني فيشر والانثي اسبليت اصفر او ابيض مظبوط كده
وكمان بصفه عامه هل في افضليه للروز علي الفشر او العكس ولا كله واحد
واخر حاجه ايه تاني ممكن اجيبه لو لم يتوفر الالفيشر مع اسبليت مثلا ذكر فيشر مع مع انثي من اي نوع يعني المختصر اكتبلي اربع او خمس اختيارات مثلا ذكر كذا مع انثي كذا واسف علي الاطالة ولكن انا معجب بخبرتك وعلي فكرة انا قاهري واسمي عمرو طاهر اشكرك

ينفع يا اخ عمرو وعموما لما اعوز ازوج اثنين اجيب ذكر وانثي يكون لون المنقار متشابه علشان متجيش بغال مظبوط يعني كل الروز منقاره ابيض وكل فصيلة الفيشر منقاره احمر انا عارف اني هتعبك معايا اخي عمرو بس معلش اصبر عليه شويه لحسن انا نسيت كل حاجه واصلا خبرتي قليلة بالمقارنة بواحد مثلك

يااخى العزيز عمرو طاهر
اولا لاتوجد ايه افضليه بالنسبه للفيشر على الروز او العكس اطلاقا فكما سبق وذكرت لك من قبل يمكنك ان تربى النوع الذى تشعر بأنك تفضله او تهواه ليس هناك ايه فروق صدقنى
ثانيا لقد قلت ان فصيله الروز منقارها ابيض والفيشر منقاره احمر لا ياصديقى العزيز يوجد ايضا فى الفيشر بعض الانواع التى يكون منقارها ابيض ايضا مثل الروز وهى الالبينو فيشر واللاتينى فيشر والكوبالت والبلو والاسبليت الابيض هذه الانواع جميعا يكون لون منقارها ابيض وبعدين ياعمرو ياطاهر بطل كسل واقرأ الموضوع المثبت الخاص بطيور الحب ستجد فيه صدقنى كل ماتريد .
وعن الانواع التى يمكنك ان تقوم بالتزاوج بينها :
1 - اسبليت ابيض + اسليت اصفر
2- بلو + بلو
3- كوبالت + كوبالت
4- كوبالت + موف
5- البينو فيشر + اسبليت ابيض
6- لاتينى فيشر + اسبليت اصفر
7- البينو فيشر + لاتينى فيشر ( يراعى ان يكونوا من اب وام مثلا اسبليت ابيض او اصفر بقدر الامكان لكى يكون دمهم قوى بعض الشىء واذا لم يتوافر ولا يهمك جرب وشوف النتيجه وخير ان شاء الله )
8- لاتنسى طبعا الفيشر الاحمر العادى
9- يوجد ايضا الوايت
هذه بعض الانواع التى يمكن ان تقوم بالتزاوج فيما بينها
وتحت امرك ياعمور فى ايه استفسارات وتقل عليا ياعم ولا يهمك انا تحت امرك ياحبيبى
وشكرا

بارك الله فيك اخوي عمر ابو سيف مواضيعك مفيدة جدا

جزاك الله خير

شكرا يااخ عباس