رسالة من السماء ( من سلسلة القصص )-ضبط جوده

[ابو جميلة]

السلام عليكم ورحمة الله وبركاته بابا بابا انت مش بترد عليا ليه انت مش سامعنى ولا ايه طيب ردى انتى عليا يا ماما انتو مش حاسين بيا ولا ايه انا عايز اخرج يا بابا ده اليوم اللى المفروض اخرج فيه للدنيا بس ساعدونى لانى مش عارف اكسر البيضه لانها ناشفه عليا اوى اوى طيب حد بس يفتحلى فتحة صغيرة او احتى يرش على البيضه شوية ميه علشان اعرف اكسرها انا تعبان يا بابا وعايز اخرج عايز اخرج يا صاحبى طيب ساعدنى انت انى اخرج هو انت مش مسجل تاريخ خروجى افتحلى فتحة صغيرة وانا هكمل انا كده هموت يا صاحبى ايه اللى حصل انا حاسس انى بقيت زى الريشه وطاير فى السما انا شايفك يا صاحبى وانت بتمسك البيضه ياااه اخيراً افتكرت لما شوفت لون البيضه اتغير ده انا عمال انده عليك من بدرى علشان تخرجنى من البيضه لانها جامدة عليا اوى وصلت متأخر يا صاحبى معلش مالكش نصيب تشوفنى لما اكبر انا عارف انك كنت مشتاق تعرف لونى لكن ما تزعلش اكيد ربنا شايلك الخير لانك مش بتقصر مع اهلى بس عايز اقولك حاجة يا صاحبى عارف اهتمامك الزيادة ممكن يكون السبب فى موتى لانك بتدى اكل مليان كالسيوم كل يوم وبتدى كالسيوم فى الميه ونسيت تفتكر الجرجير لانه هو اللى بيدينى الاحماض اللى بتخلينى اقدر اكسر البيضه واخرج منها وكمان الفيتامينات اللى بتحطها فى الميه ما بقتش تحطها الا يومين اتنين بس كل 15 يوم طب كنت خلتها 3 ايام علشان نستفيد منها ونبقى اقويا جوا البيضه ونعرف نخرج منها خلى بالك يا صاحبى وما تزعلش انا قابلت صحاب كتير عن ناس من صحابك وبردو حصلهم اللى حصللى فماتزعلش الظاهر انها ظاهرة عامة السنة دى حاول يا صاحبى تعرف السبب وتشوف العلاج ايه انا عارف ان اخواتى خرجوا من البيضه على ايدك وانت اللى فتحتلهم وخرجتهم وده بتوفيق ربنا سبحانه وتعالى فى الوقت اللى بتفتح فيه البيضه انا مش زعلان منك ولا من ابويا وامى ولكن كان نفسى اعيش معاكم فى الدنيا الجميلة واشوف اخواتى الحلوين لكن الحمد لله على كل شئ واكيد هو ده اللى فى الخير ليا وليك انا خفيف وطاير وشايفكم كلكم وبدعيلكم ربنا ينجيكم من كل شر ووباء يااه ده انا شايف ناس كتير تعبانة فى الدنيا وشايف ناس زعلانة وناس مش راضية بحالها وناس مش بتعبد ربنا يا نهار ابيض ايه الذنوب دى كلها وانا برضه بقول الوباء ده سره ايه والناس بتمرض وتموت ليه يا جماعة قربوا من ربنا هتبقول كويسين هو ده العلاج للمرض انا شايف من هنا اللى انتو مش شايفينه قربوا لربنا واطيعوا ربنا وادعوا ربنا ينجيكم فالبلاء لا يرفع الا بالدعاء يا جماعة ده انا حتى بقيت اتكلم حلو قوى وفرحان لانى حاسس انى بقيت قريب من ربنا قوى قوى انا فعلاً مش معاكم لكن شايفكم وشايف احوالكم لو ما قربتوش لربنا مش هتستحملوا اللى جاى يا جماعة اللى جاى صعب اوى وتقيل اوى وما حدش يقدر يخففه غير ربنا سبحانه وتعالى انا بحبكم كلكم ومش عايزكم تزعلوا عليا بس خلوا بالكم واعملوا حساب اليوم اللى هتكونوا فيه مكانى يارب تكونوا كلكم كويسين وبخير دايماً ولربنا قريبين والسلام عليكم ورحمة الله وبركاته

!	تحذير: هذا الموضوع حقوقه محمية ومحفوظة للتجمع الدولي لعلم الطيور. يمنع منعا باتا نقله او تداوله او الاقتباس منه. يجب أن يتم الاستئذان من الادارة ومن كاتب الموضوع قبل نقل اي شيء ومن يخالف سيتم اتخاذ الاجراءات القانونية بحقه.

!	تحذير: كافة الحقوق محفوظة يمنع النقل والاقتباس قبل استشارة الادارة

القصة مستوحاه من مقال للكاتب مجدى الجلاد

[ahmedabutaleb]

استاذنا ابوجميلة قصة مؤثرة جدا والله ومفيدة جدا ايضا فيجب عدم الاهتمام بشىء على حساب الاخر والاعتدال هو الافضل دائما
وجزاك الله خيرا

[muhammed_farouk]

جزاك الله خيراً اخي الكريم على القصة الجميلة وبارك الله فيك.
تقبل مروري وتحياتي.

[HOSSAM AHMED]

مشكور استاذنا العزيز على هذه القصه الرائعه

وفعلا اخى البلاء الذى نعيش فيه هو بسبب الذنوب و البغض و الكراهيه بين الناس

نسال الله الهدايه و التوفيق

[thedevilman]

مشكور استاذنا العزيز على هذه القصه الرائعه

[محبة للحيوانات]

تسلم ايديك يااستاذ والله قصة جدا مؤثرة وحلوة.

[islam_mohamed]

مشكر اخى ابو جميلة على قصتك الجميلة

[m010n]

جزاء الله خير وبارك فيك ,وبالله التوفيق .......

[hadel]

السلام عليكم ورحمة الله وبركاته
بارك الله فيك اخى العزيز ابوجميلة على هذه القصة الرائعة وربي ايخليك لاهلك واسرتك الكريمة
اخوك فريد القمودى
والسلام عليكم ورحمة الله وبركاته

[لاسترالي]

شكرااا لك كثيرا اخي العزيز علي هذه القصه المؤثره جدااا فعلا ال احنا فيه دلوقتي بسبب البعد عن ربنا
ربنا يهدي الناس جميعا و يعوضك خير منه ان شاء الله