مشكله في رجل الكاسكو :(

[kf3ni]

بسم الله الرحمن الرحيم
السلام عليكم ورحمة الله وبركاته

اشتريت قبل امس كاسكو عمره تقريبا 10 شهور و اول ماخذته
كان هادئ وفيه خوف بس مايجعر

المهم وديته لم محل بعد ماشريته عشان يقص جناحه ويبرد اظافره
وصار يجعر بقوه ولا يبي احد حتى يحط عينه عليه

انا توقعت انه الخوف بسبب قص الجناح و برد الاظافر

واللي شفته بعد مارحت البيت وحاولت اني اروض الكاسكو
لاحظت ان رجله اليسار مضمومه على بعضها ورجله اليمين عاديه

وحتى اذا حاول يهرب مني الاحظ رجله اليسار مضمومه على بعضها كأنها قبضه
ورجله اليمين سليمه ومافيها اي مشكله ويحاول يهرب وياخذ وضعيه دفاع ويجعر
طبعا حتى وهو يهرب رجله مضمومه كانها قبضه

انا لاحظت العامل امس وهو يبرد اظافره طريقته غريبه وماتدخلت لاني قلت هو افهم مني
كان يمسك اصابع رجله من برى الشبك ويبردها من دون مايطلعه او حتى يكلف نفسه
اخاف انه هو السبب في اذيه رجل الكاسكو ممكن سحبها بعنف

المشكله الحين مدري وش اسوي هل اوديه لبيطري واذا تعرفون عياده أو دكتور بيطري جيد بالرياض دلوني عليه
ولا اخليه فتره وهو يتحسن

لاني اشوفه اذا وقف على المجثم يوقف صح ويتعلق بسقف الشبك بدون مشكله بس المشي مايمشي
مع العلم انه مايمسك المجثم بقوه برجله اللي تعوره ورجله احس فيها انتفاخ شوي عن رجله الثانيه

وش الحل الله لايهينكم