كرواني يرفض الاكل

[همس السكون]

السلام عليكم و رحمه الله وبركاته
انا اخذت فرخ كروان و عمره ثلاث اسابيع و بما اني ما لقيت السيرلاك الخاص بالطيور كنت اغره بسيرلاك الاطفال و كان كل شي تمام اول ما اجيه يجلس يصيح يبي ياكل و يتجاوب معي و انا اغره تقريبا بعد اسبوع قل اكله بشكل تدريجي لين صار ما ياكل ابد و انا اجبره على الاكل بس مافي فايده الحين صار له اسبوع على هالحاله عمره الحين خمسه اسابيع حطيت له فلارس و حبوب الكروان الخفيفه بس ما يقدر يقشرها حتى لو اخذ الحبه مقشره ما ياكلها و اعطيه توست بر منقوع و تفاح مهروس و بيض مسلوق و ارز مسلوق وبطاط مسلوق و مافي اي تجاوب ما ياكل من يدي و اذا جيت أغره بالابره يعاند ويجلس يطير . الطير صار هزيييل مره اخاف يموت بالنسبه لحالته الصحيه الطير الحمد لله مو خامل يحب الحركه كثير و الطيران و شكل برازه يتغير حسب الاكل اللي اعطيه اياه و بالنسبه للتنفس ما في حشرجه او شي بس قريب و انا اجبره على الغر صار يطلع صوت مدري يكح او يعطس ابغى الحل معاه وش اسوي اخاف يموت و يجلس بذمتي

[ مرسل من Android ]

[معتز الخوالده]

السلام عليكم
ان الطائر لن يتقبل من يدك عليك ان تتركي له الطعام في المأكل وتتركي له من هذه الانواع مع ترك الحبوب ولكن لا تعطيه هذه التشكيله في نفس اليوم كامله لانها كثيره وستسبب له الاسهال لا سمح الله واذا اردت ان يأكل من يدك عليك تدريبه بالتدريج الطائر بعد عمر معين يستطيع ان ياكل بنفسه وشيء اخر لا يوجد سيريلاك طيور كلنا نطعم طيورنا سيريلاك اطفال وبالتوفيق ان شاء الله

[همس السكون]

و عليكم السلام
مشكور اخوي على الرد بس في كم شغله بوضحها اولا انا مو حاطه الطير بقفص لانه ما عندي الا قفصين واحد كبير فيه الاب و الام مع فرخين اذا حطيته معهم يعضونه ويخوفونه و القفص الثاني صفغير حق بادجي يتضايق اذا حطيته فيه انا احط له الحبوب في اماكن في الغرفه واضحه عشان وقت ما يجوع ياكل منها لاكنه ما يرضي الا اذا كنت حاطه الحبوب بيدي ياخذ منها بس زي ما قلت بعده ما يقدر يقشرها اما الانواع الثانيه اللي كتبتها فوق ما يرضى ياكل من يدي و الطير كان اليف مره ما يهرب مني إلين صرت اغصبه على الاكل الحين كل ما شاف السرنجه يهرب مني و اذا قربت بحك له خدوده يحاول يعضني ..و بخصوص سيرلاك الطيور موجود و انواع كثيره بعد و اللي اعرفه ان سيرلاك الاطفال مضر للطيور لان فيه سكر و الطيور ما عندها انزيم تهضمه و بالتالي يتراكم في جسمها وتصير هزيله و مناعتها ضعيفه و هذا اللي الاحظه على طيري اما اخوانه اللي عند ابوهم و امهم ماشاء الله صحتهم ممتازه وريشهم كثيف و للحين مو مفطومين

[ مرسل من Android ]

[عبدو ابو نور و اخلاص]

اخي لا تغصب ائرك على الاكل لانه تخطى مرحلة الاطعام اليدوي و دخل مرحلة الفطام و هي مرحلة خطيرة و يجب عليك ان تضع له الحبوب المشكلة و البيض بالبقسماط في مكان محدد و لا تغيره لانه مع الوقت سيعتاد على هدا المكان و كما قلت مادام نشيط فانه لا يشكو من اي شيء المهم لا تغصبه على الاكل اليدوي