عزيزتي سعاد ، فكرت اسأل في موضوع منفصل بس ما حبيت افتح موضوع جديد علشان مشكلة صغيرة
استاذي عبده ، الحمدلله لا يوجد اي ورم ولكن فقط لونه اسود ولا توجد اوساخ على فكره باقي اظفاره بيضاء

، كأني قرأت في موضوع اخر اخي ابو يوسف يقول انه لون الأظفار ممكن يكون معتم ، بس حبيت اتأكد كنوع من الاطمئنان
وأيضا
بغلبك معي شويه استاذنا
تذكر يوم سألتك عن دوا ، وقلت لك ان الكناري اللي عندي عنده مثل زوائد بيضاء على قدمه
طبعا محاولاتي كانت اني اغسل رجله بمطهر مخفف كل يومين وحسيت انه خف شوي ولكن بعدها زادت الزوائد
فقررت اليوم اني اتوجه للبيطري
اللي قالته الدكتورة انه اللي في رجله اسمه leg mite حسب ما نطقت فيه ( احتمال التهجئة تكون غير صحيحة ) وانا مو عارفة بالضبط شو هذا المرض ؟؟ بس قالت انه معدي للانسان حبيت اعرف منها معلومات اضافيه عنه ، طبعا قالت كلام غير مفهوم ( كأنهم يتعمدون علشان الواحد ما يسأل ) عطتني مثل دهان احطه على رجله كل يوم مره وقالت استمر فيه لحد ما تسقط الزوائد من نفسها
وهذا الطاائر كنت انا شاكه في لون برازه ( اكرمك الله )، وهي قالت انه عنده مشكله ، وعطتني مضاد حيوي اسمه Oxy Powder لون الدوا اصفر على اخضر وقالت لي انه نفس الانروفلوكساسين ، والمفروض احط منه ملعقة صغيرة في الماء ،،
بالمناسبة ما هو لون البراز الطبيعي ( اكرمك الله ) ؟؟
وما هو رأيك في كل هذا ؟؟
وانا لاحظت انه عظمة الصدر بارزة ،، يعني بمجرد ما احط يدي على المكان احس بوجودها ، هل هناك مشكلة ؟؟
انتظر رأيك بفارغ الصبر على هذه الأسئلة ،، واسفه على ازعاجك بكثرة اسئلتي

الموضوع المضحك الأخر اني حاولت اخذ منها الفلاجل حصلت محاضرة ثانية

يعني لا من الصيدليين ولا من البيطريين ، راح احاول اكلم لي دكتور احصل منه الوصفة
وطبعا حاولت اخذ منها بعض الادوية اللي ذكرتوها في احد المواضيع مثل الكانديستان ، الايفرماكتين ما عطتني وسمعتني محاضرة انه هذا للحيوانات الكبيرة
مشكلة وضع الادوية في الكويت
