الحمام بدأ في الطيران

[روايات]

السلام عليكم يا اهل المنتدي
الحمد لله فراخ الحمام كبرت و حاليا بدأت في الطيران ...طبعا داخل الشقه
وبدأو يقلدو الحمامه (زقزوق) في كل حاجه حتي ان الفرخ الكبير ( كينج ) لما شافها واقفه علي كتفي هو كمان طار و وقف علي كتفي ..الحمد لله ( كوين ) لسه صغيره ومش بتعرف تطير
دلوقتي بفكر اني اطلعهم السطح و احط لهم ميه و اكل عشان يعرفو يطيرو و يشوفو لهم مكان يبقي بيتهم قبل ما يعتبرو شقتي هي بيتهم و كمان مش عايزه اكرر نفس الخطأ اللي عملته مع زقزوق اني اتعلقت بيها وخفت عليها من الطيران لما بقت جبانه وبتخاف
الفكره دي كويسه ولا استني شويه لما يكبرو اكتر ..تقريبا عمرهم شهر ..ولا افتح لهم الشباك واخليهم هما يطيرو بنفسهم ؟؟هما الحمد لله بياكلو و يشربو لوحدهم بس اكلهم ضعيف برضه
صورة جماعيه وقت الاكل قبل ما يبدأو يضربو بعض


اليوم الصبح لقيتهم بيعملو كده و( كوين )كسرت الزرعه الوحيده اللي عندي

[شاهين صقر]

ما شاء الله تبارك الرحمن عائله جميله وسعيده في ميزان حسناتك

وفعلا الفراخ كبرت ولم يبقى لها شيئ للتحليق بالفضاء انما انصحك بالتروي قليلا بفكرة تطيرهم للخارج

وانصحك ان تعطيهم لاي ولد بحب الحمام من منطقتك او اي منطقه قريبه اعتقد هذا افضل حل واسرع واريح لك

بر ضى الله

[روايات]

مرحبا يا اخ شاهين
ياااريت كنا نعرف اي حد بيربي حمام او حتي عنده حديقه كان اخذهم ..بس احنا مغتربين وحتي جيراني نفس حالنا مغتربين و منعرفش اي حد في المنطقه
مفيش غير فكره اني اطيرهم للخارج ويعتمدو علي نفسهم ..طيب قلت لي استني عليهم شويه ممكن اعرف لامتي ..

وشكرا علي الاهتمام

[احمد القصري]

ماشاء الله طيور جميلة و رائعة للغاية ربي يبارك لك

ذكرني هذا بذكرياتي مع هذا الطائر الوديع عندما كنت قد وجدت فرخين في الشارع فقمت بتربيتهم و اطعامهم حتى كبروا و واجهت نفس المشكل في اطلاقهم لكي تجاوزته بالقيام بجلب قفص مناسب و وضعته قرب النافذة و سبحان الله تركتها فيه يومين ثم اطلقتها و اصبحت تعود اليه فكانت طفرة بتربية الحمام بالنسبة لي .

بالتوفيق ان شاء الله

[ مرسل من Android ]

[eddis]

ما شاء الله منظر ولا اروع وهم ملمومين مع بعض ,طيور جميلة وارنوبة اجمل ....
كما تفضل الاخ المشرف شاهين عليكي بالتريث والتروي قليلا لانها مازلت صغيرة شويا و لا تدرك الاخطار المحيطة بها في الخارج خصوصا وانتي مدلعتهم شويا فلا بد من ان يشتد عودهم قليلا ثم اطلقي سراحهم
بالتوفيق

[شاهين صقر]

اختي بعض من الوقت لن تضر حتى تصبح قادره على الطيرا بحريه حينها يمكنك اختيار اي وسيله لابعادهم عن المنزل مثل

اذهبي لاي منطقه بعيده عن المنزل واطلقي الحمامتين وهم سيحلقون بالهواء وما عليك حينها الا الرجوع للمنزل ولم يرجعوا اليه بتاتا لانهم لم يعرفو المنطقه الخارجيه ولم يطيروزا بها بعد

وفكرة اطلاقهم من السطح او الشباك جيده لكن قد يتعلق الحمام بالمنطقه ويرجع الى المنزل وخصوصا ان زقزوقا تفعل ذلك وكما قلت هذا الحمام ذاكرته قويه وتركيزه عالي الجوده


برضى الله

[معتز شاور]

السلام عليكم و رحمة الله
ما شاء الله طيور رائعة و مدللة آخر دلال
الله يبارك فيهم و يحفظهم
رأي الأخوة صحيح و معقول عليكِ ان تنتظري قليلاً حتى يكبروا و يشتد عودهم كما يجب تعويدهم على المنطقة خارج المنزل ليتمكنوا من الرجوع اليها
بالتوفيق

[روايات]

هلا وسهلا يا اخ احمد

فعلا هي طيور جميله وليها مواقف طريفه كتير ممكن اعمل عليها كتب و فكره القفص انا جربتها لما كانو اصغر شويه وضعتهم فيه ناحيه الشباك عشان يتعودو علي رؤيه الشارع .. لكن الفكره فشلت الفرخ الكبير كان سريع الحركه و رفض يظل في القفص وكان بيحاول الخروج بأي طريقه و خفت انه يتجرح او يؤذي نفسه ...
شكرا علي المرور

[روايات]

اهلا وسهلا يا اخ اديس
الصورة الجماعيه حلوه فعلا اخدت مني يومين عشان اعرف اصورهم قبل ما يضربو بعض هههههههههه
ومن ناحيه الدلال و الترفيه حدث ولا حرج عشان كده خفت اني اغير من طبعهم واسلوب حياتهم و ما يعرفو يتأقلمو في الخارج لما اطلقهم
ان شاء الله اتبع النصيحه و انتظر قليلا قبل اطلاقهم

[روايات]

مرحبا يا اخ شاهين
بتقولي ان الحمام ده ذاكرته قويه و تركيزه عااالي ..وانا بقول هما طول الوقت بيدققو في كل حته في الشقه ليه ...عايزين يسيطرو علينا وانا معرفش
ان شاء الله اتبع النصيحه و استني عليهم فتره اطول علي الاقل الجو يكون تحسن و الحراره انخفضت
وبما اني عارفه نفسي مش حقدر اخدهم لمكان بعيد و اتركهم وحفضل مشغوله وقلقانه عليهم يبقي مفيش غير اني احطهم في السطح علي الاقل ممكن اطلع اطمن عليهم هههههههههههه
علي فكره زقزوقه مش بتطير خارج الشقه الا قليل ..اطلع بيها السطح اطيرها ويادوب انزل تكون رجعت الشقه و وقفت مكانها ..يعني هما 5 دقائق طيران من السطح للشقه