حابب استفسر عن موضوع انا قرأت عنه في المنتدى لكن جربت الطرق و مانفع معي شي جربت طريقة القفص العازل و طريقة القفصين مانفع؟
عندي ذكر جاهز المزبل واضح تماما و تغريدو متواصل لما بكون بالقفص بعيد عن الانثى و لما بشوفا او لما بكون معها بنفس القفص بيسكت فقط زقزقه و كأنو عم يحكي معها والانثى كمان جاهزة لما بتسمع تغريده بتنط بالقفص و بتصير تصدر صفير مثل الصوصوه و بتتجه للصوت يعني بتتجاوب معو حسب تجربتي المفروض يصير تكبيس و تبني الانثى العش و هم متوافقين مع بعض لانه كانو مع بعض قبل ما افصلهن يعني بيعرفو بعض و مافي شجارات ولكن للاسف لما بكونو مع بعض ما بصير اي تكبيس و الانثى لا تبني العش مع انه انا حاولت ساعدها ببناء العش بنيتو شوية لتكمله لكن ترجع هي و تخربو
شو بتنصحونا نعمل حاليا هم مفصولين وتنيناتن نار عبعض عالصوت وشايفين بعض من بعيد في بيناتن شي 3 امتار
مرفق صورة مزبن الانثى و الذكر
ولكم جزيل الشكر
[ مرسل من Android ]
[ مرسل من Android ]
