ما أدري ليش من قبل كم اسبوع والزوجين عندهم حالة عداء غريبة من نوعها .. الأم صارت عدائية وشرسة جدا .. مهي طايقة الأب يقرّب منها و لاحتى يدخل العش ، أحياناً هو كمان يزعل منها فمن كتر ما يضربها على راسها نتّف الريش والدم اتخثر ومنقارها إتخدش!.. الصغار كلهم صاروا ياكلوا بنفسهم خلاص الحمدلله بس أحيانا لما ابوهم يحاول يأكلّهم تجي جري وتطرده بعنف
أكثر شئ محزنّي إنه الفرخ الأول ما رحمته هو كمان
هو الوحيد التي تضربة وتقطّع في رجله والمسكين يقعد يصيح ما تخلّية لا يقرّب منها ولا يدخل البيت والبقية عادي ما تعملهم شئ .. حتى أبوه أحياناً يطلّع حرّه فيه ويعنّفه.المشكلة إني بصراحة ما أبغى فراخ تانية .. بس كنت متلفهة اني اشوف زغاليل صغيرة بعيوني ألمسهم وأحن عليهم والحمدلله ربنا حقق لي حلمي .. فمش عارفة هل اقدر أشيل البياضة خلاص وما هتبقى في مشكلة ولاّ كيف ؟!
صح على فكرة .. للأسف أنا اضطريت أدوس على قلبي بسبب ضغوط اللي حوالية وأخيراً جبتلهم قفص وحطيتهم فيه وأتمنى إنهم يسامحوني .. بس الحمدلله كل صباح أعطيهم حريتهم يطيروا ويلعبوا ويعملوا اللي هما عاوزينة وبعدين أتأسف واقولهم يرجعوا فيدخلون وعيونهم مليئة بالحزن وأنا بحزن عليهم أكتر بس أعمل أية غصب عني والحمدلله يسمعون الكلام وما يتعبوني .. المهم .... هي دي صورة القفص ..
اللي سويته لما زادت الحالة سوءاً على قولة خبير بعرفه .. اني في البداية فصلت الزوجين تحت لوحدهم وخليت زغاليلهم فوق وعملت فاصل وحزنت اني حرمتهم من بعض .. فكان الأب هيروح فيها من كتر ما ضربتة الأم .. فخفت عليه وطلعته فوق مع عياله ، فالمسكينة جاتها حالة هستريا وقعدت تلف وتدور وتعمل حاجات غريبة .. وفوق الأب كمان الله يسامحه قعد يضرب في الفرخ البكر ويبهدله فخفت علية أكتر وحوست ما دريت ايش اسوي فنزلته تاني ورجع العراك الدامي بين الزوجين !!! خلاص
حاسة إني هتجنن مش عارفه اعمل اية .. فاليوم شلت الفاصل وخليتهم كلهم مع بعض تاني وبحاول علطول اكون قريبة منهم اول ما يحصل شي أفارع بينهم ......آسفة لأني طولت عليكم حكي .. بس حبّيت أوضح لكم الحالة بالتفصيل عشان لا يخفى عليكم شئ ..
أنا كل خوفي إني افقد الفرخ الأول واتحرم منة لأنه بيسوى لي كل شئ وصعبانة علية إني أفصلهم وأحرمهم من بعض نفسي يكونوا كلهم سوى .. أرجوكم عن جد محتارة وما أدري أيش أسوي ....
فالله يسعدكم قولولي أعمل أية ؟؟
( لا ادري ربما تكون تلك هي طريقتها في تعليم صغارها الاعتماد على نفس وفي اثبات وجودها .. 
)
افصلي الفراخ عن الاباء في هذه المرحلة خصوصا انها تستطيع الاعتماد على نفسها ....
مش عارفة والله ... بس على ما أظن اعتقادك في محله اخي SAMMVIP 
بس ياليت والله لو يعرفوا مدى حبي له ومعزته في قلبي كان ما عملوا فية كذا !
ونا كنت بتمنى أخليهم مع بعض مهما حصل .. الحمدلله إنهم ما عادوني ولا كرهوني بالعكس مرة حلوين معاية وحاولت أفهمهم انه اللي بيعملوه دة غلط وهتطبع فكرة مش كويسة في نفوس الصغار بس للأسف مفيش فايدة 
