حمامه مجروحه بشده

[روايات]

السلام عليكم ورحمه الله ..
اليوم وجدت حمامه صغيره مصابه وكانت في الشارع ..قصتها ان شاء الله بحكيها في قسم الحمام لاننا وجدناها بطريقه غريبه بس اللي يهمني دلوقتي ان اعالج جروحها
نوع الطائر ...حمام
جنس الطائر ... لا اعرف
عمر الطائر ...لا اعرف
أصل الطائر...بلدي
تاريخ دخول الغرفة...اليوم
الحمامه مجروحه بشده في منطقه الظهر والبطن والرقبه والريش منتوف ..غالبا هجمت عليها قطه الله اعلم غالبا في اصابه في الجناح بس مش قادره اصورها عشان صعبان شكلها عليا ..قمنا بتنظيف الجروح بماء مخفف بالديتول و وضع مرهم فيوسيدين علي الجروح ومن الواضح انها لم تاكل عشان الحوصله فارغه وبترفض الشرب والاكل بس قمت باعطائها ماء به بعض نقاط الليمون بسرنجه ..
هل هناك اي ادويه او علاج اعطيه لها غير الفيوسيدين ؟؟
هل اطعمها بالقوه ولا اضع لها الاكل والماء وهي تاكل لما تجوع ؟؟
ارجو المساعده لو سمحتم

[روايات]

مش عارفه اعمل الصور ..شكلو في مشكله

[روايات]

ده شكلها بعد التنظيف لكن للاسف مش قادره تقف كويس ولا ترفع راسها

[eddis]

السلام عليكم
بالسلامة علي الحمامة ....
اظن هاجمها طير جارح كالصقر او عقاب او ما شابه لانو لو كان قط ما كانت تسلم منه كان اكلها ...
عليكي اختي الفاضلة بالبيتادين فهو مطهر و معقم للجروح يجعلها تيبس بسرعة وتتماثل للشفاء ..
اما الاكل فيبدو انها كبيرة كفاية لتعتمد علي نفسها لكنها مذعورة فقط ان شاء الله تهدئ و تطمائن و تاكل لما تجوع يعني ضعيلها الاكل والشرب و الباقي عليها .
واجركي علي الله

[Dr BEN ELHAFI]

السلام عليكم
أهم الشيئ لابد من توفير الهدوء و الدفئ التام لهذه الحمامة المسكينة.
حسب رأي هذه الحمامة في حالة فزع و إجهاد نفسي كبير. إعطاء الفيتامين C ( عصير الليمون) مع النعناع في الماء عن طريق Suring قد يجعلها أكثر هدوء.
ولابد من تعقيم الجروح بأي مطهر طبي مثلا البيطادين أو أي مطهر لايحتوي على الكحول. ما هو المطهر الموجود في البيت؟؟؟
لابد من تقديم مضاد حيوي واسع الطيف ( بشري أو بيطري) من غير الفوسيدين. ماهو الدواء المتوفر في البيت ؟؟؟
كذالك لابد من تقديم الأكل يدويا هذا اليوم.
في إنتظار الجواب؟
بالتوفيق.

[ مرسل من Android ]

[روايات]

الله يسلمك يا اخ اديس والله انا مفزوعه عليها وقلقانه من الصبح
بصراحه انا مش قادره اشوف الجروح عشان شكلها صعب جدا وريشها كله كانه متقطع ومش حقدر اقول قط او صقر اللي عمل كده وخصوصا احنا في منطقه سكنيه معمورة ولم اشاهد صقر او اي طيور جارحه لكن جايز تكون جايه من منطقه تانيه..انها حطيتها في الصندوق ده وفي غرفه مظلمه عشان ترتاح والحمد لله شربت تاني ميه بالليمون وربنا يستر

[روايات]

وعليكم السلام يا اخ بن الحافي
هي فعلا شكلها منهاره لدرجه مش بتقدر تقف الله اعلم هي اتعرضت لايه ..شربتها ميه بالليمون حاليا وبعض الحبوب الصغير للاكل ..
للاسف مفيش غير الديتول والميكروكروم والفيوسيدين وفيوسيدرم الموجود حاليا ...ممكن تنصحني بنوع مضاد حيوي ممكن اجيبه

[Dr BEN ELHAFI]

السلام عليكم
بما أن الحالة مستعجلة يمكن تطهير الجروح بالديتول ولكن حذاري أن يلمس الأعين.
بعد ذالك يمكن دهن الجروح بمرهم الفيسدين فهو مضاد حيوي خفيف. يمكنك إعطاءالمضاد الحيوي الأوغمنتين ( Augmentin (500 mg في نصف لتر من الماء و تقديمه للطائر. مع تغيير الماء كل 24 ساعة. هل هذا موجود؟؟؟
مع العمل بالنصائح السابقة.
بالتوفيق.
و أجرك عند الله

[ مرسل من Android ]

[روايات]

شكلي حتعبك معايا اليوم لان مش جاي لي نوم وسهرانه معها ..
انا كنت نقعت قطع ثوم في ميه واخدت منها شويه وسقيتها منه مره والمره التانيه ميه عاديه حسيتها عطشانه كتير ...كويس منقوع الثوم ولا بلاش منه افضل ؟
حطينا لها فيوسيدن من شويه وحطيتها في مكانها تاني ...عندي اوجمنتين الحمد لله ..ان شاء الله اعمل بالنصيحه
وربنا يقدم اللي فيه الخير ... كتر خيرك

ده شكلها دلوقتي ..

[Dr BEN ELHAFI]

بالتوفيق و كلنا تحت خدمتكم و خدمة طيور البرية جمعاء.
لاداعي لإستعمال الثوم. فقط المرهم و Augmentin

[ مرسل من Android ]