اريد صنع سلاكه وارغب بمشورتكم ومساعدتكم لي
المشرف: المشرف
الرجاء الاطلاع على قوانين التجمع قبل المشاركة:
قوانين التجمع الدولي لعلم الطيور
هذا صور للغرفه
اول : صورة السلاكه قبل ما احوطها بخشب واسويها غرفه
ثانياً : صورة الغرفه من الخارج بعد تحويطها بالخشب وصبغ الخشب بلون ابيض زيتي من الداخل والخارج
ثالثاً : صورة الباب الخارجي وفوق الباب توجد فتحة الشفاط
رابعاًً : صورة السلاكه من داخل الغرفه وبينهم فاصل
خامساً : صورة المساحه الفاضيه وواضح فيها الشباك والباب من الداخل
والبقيه كل ما خلصت شيء باحط الصور اول باول ولو في نصيحه لا تقصرون فيها وارضية الغرفه لحد الحين نصها سمنت والباقي رمل وان شاء الله اول ما يخلص الصباغ من الصبغ باعمل الارضيه كامله من الاسمنت , والكهربائي عقب الصبغ والاسمنت ان شاء الله .
وبخصوص مقياس الحراره والرطوبه ان شاء الله باشتريه .
والتايمر اكيد شاريه خذت حبتين واحد للاضائه وواحد حق الشفاط والمكيف .
وبخصوص الباب شمال والشباك شرق .
وسقف الغرفه من الخشب اخوي وصبغته بالصبغ الزيتي .
وخصوص الارضيه باحاول اسويها سراميك معا العلم انها بتكلف كثير وتصريفة الماء سهله ان شاء الله.
اشكرك اخوي مهند على الملاحظات المهمه .
السلام عليكم
هذا اخر تطورات في الغرفه وان شاء الله ما باقي شيء كثير كلها ايام وبتخلص الغرفه
صورة التايمرين والاسوكت
صورة الشفاط و الليتات الي بالجانب
صورة السلاكه والحطيت فيها ليتين نيون صغار للاضائه وباغطيهم بشبك لجل ما يتعلق فيهم الكناري
صورة الغرفه وباين فيها الاضائه الي في السقف والجانبيه والتايمر
صورة المكيف المتنقل
وان شاء الله باقي الارضيه بتكون سراميك وفيها صرف وبيجيني الرجل بكره يشتغل فيهم ان الله راد .
ولو عندكم اي تعليق انا حاضر










