سؤال وارجو الجواب من الدكتور احمد حلمي و الخوة جمعا

[محمود244]

السلام عليكم ورحمة الله

انا لدي سؤال يحيرني

في الوقت الحالي هل يمكن السفر بطيور زينة الى خارج مصر او تم منع هذا

وشكرا لكم

[عمرو أحمد]

السلام عليكم ورحمة الله وبركاته
اخى/ محمود 224
فى الوفت الحالى ممنوع منذ انتشار مرض انفلوانزا الطيور
ولاكن فى الفتره القادمه ان شاء الله خير ممكن ينفتح
والله الموفق

[محمود244]

الف شكر اخي عمرو على ردك

والله يبارك فيك

[ابو مسلم]

اخ محمود انا مسافر السعودية وهأخذ معي جوز كوكتيل وجوز طيور الحب وانا ونصيبي الله يستر اذا انت مسافر بعد 5 ايام تقريبا اكون وصلت وابلغك باللي حصل

أخوك ابو مسلم

[محمود244]

اخي ابو مسلم انت من حائل حقيقي انا مسافر حائل يوم بكرة الفجر انت امتى مسافر يمكن نتقابل لو مسافر على عبارة الاثنين بليل من سفاجا

ارجو الرد بسرعة

ومعلش اني هغلس عليك شوية

[ابو مسلم]

اخي محمود سبحان الله انت ابن حلال انا مسافر في العبارة دي ورايح حائل كمان لازم نتقابل واما ان نمر بالطيور وربنا يعديها على خير يا نطيرهم احنا الاثنين و بالنسبة انك هتعرفني ازاي عند ازان المغرب هتلاقيني امام شباك تاكيد الحجز و متقوليش هعرفك ازاي طبعا هتلاقي معاي قفصين وهعرفك من العصافير اللي هتجيبها انت كمان

وربنا يسهل ومفيهاش غلاسة ولا حاجة

[محمود244]

الحمد لله واللهي انت ربنا بعتك ليا من السما ورب صدفة خير من الف معاد ربنا يسهل ونتقابل ان شاء الله و يا صابت يا خابت اخوك محمود

[ابو مسلم]

اخي محمود انت لازم تاخد معاك اكل يكفيهم المدة اللي هتجلسا هناك زي انا مبعمل لان الاكل هناك غالي اسعره نار

ويا ريت تقولي هتجيب طيور عددها كام وانواعها و المدة اللي هتقعدها عشان اقولك تجيب اكل كام كيلو

اخوك ابو مسلم واحنا على موعدنا ازان المغرب

[ابو مسلم]

عفوا اخي محمود انت جاي في سيارة طبعا

ارجو الرد لو معاك سيارة قولي انا جاي بالسيارة ايضا

نتقابل في طريق القاهرة السويس عند مطعم كنتاكي عارفه طبعا

واهو نتعرف على بعض ونكمل الطريق سويا

وعلى رأي المثل اختار الرفيق قبل الطريق

وياريت اول ما تدخل الصباح ترد علي عشان نتفق على معاد نتقابل فيه هناك

عشان اعمل حسابي وقولي انت في محافظة ايه انا طالع من منيا القمح - شرقية
لو انت في القاهرة تستناني

على العموم اما ترد نتفاهم انا هدخل بكرة الساعة 2 الظهر كده

[محمود244]

السلام عليكم كيف حالك اخي ابو مسلم

انا فعلا جاي بالسيارة


وانا في الزقازيق يعني بيننا 25 كيلو فقط



ايه رأيك تستناني عند محطة مصر اللي عنكم في منيا القمح وقولي نوع سيارتك ايه عشان اعرفها اول ما اشوفها هقف عندك وقولي هتطلع الساعة كام عشان اطلع قبلها بنصف ساعة عشان مأخركش

اخوك محمود