السلام عليكم ورحمة الله وبركاتة
مساكم الله بالخير جميعا وانا من اسعد المتواجدين لاني انضميت لهذا الركب اللي صراحة استفدت منه كثير خصوصا قبل شرائي للبغاء الافريقي
صراحة تعبت جدا جدا في ان القي فرخ صغير تعبت جدا اني القي المطلوب وكل اللي بالسوق يقولون عمره سنه او يزيد المهم كنت ابحث عن الجامبو نمبر ون
ولا اعلم هل انا وفقت فيه ام لا لكن الحمد لله لقيت واحد اعرفة وان شاء الله ان ثقة واشتريته منه على كلامه ان جامبوا اشتريته بسعر 1050 ريال سعودي من الرياض مع القفص وبعض الحاجيات كالقلفز والاكل .....
المهم انا قريت الكثير من المعلومات عن الطير واستفدت الكثير ان شاء الله ولا استغني عن مساعدتكم ياذوي الخبرة
الطير يجعر كثير زعلان من شي مادري ويصارخ كثير خصوصا لو احد قرب منه حاولت اكله ياخذ الاكل ويرمية ومسوي فيها زعلان مادري ليش مع اني قاعد ادلع فيه من يوم جبته
قلت ياولد شكله يبي يطلع والله وطلعته من القفص شويه الا الوناسه ياولد وتسمع انواع التصفير والصياح وقام وكانه يبي ياخذ جوله على البيت والله تمشي شوي وانبسط قلت تدري ياولد مدام انه يحب يطلع من القفص خليني اصير اعند منه وارجعه عشان يسمع الكلام والله ورجعته وهو على طول ساكت وكاني والله سمعته يقول كلمة بس ماني متاكد الله كريم ...
طبعا عيونه سوداء مو كلها في الحواف مايله للبياض شوي بس يجعر واجد وكاني الاحظ انه فيه وحده من ريشه مكسورة
وبعدين سوته هل هو عادي ام غير طبيعي لاني اسمع زي الشخير مو قوي مره انا خايف يكون عنده مشاكل في التنفس
سامحوني طولت عليكم واحس ان مو وضعي مشتت بس الله يعينكم على الضيوف الجدد طبعا مو انا بلحالي انا وطيري
كيف اخليه يهدي من صوته شوي ولا يجعر ؟
الاحظه مايتحرك في القفص الجديد زي ماكان بالمحل ... ليش عشان قصوا جنحانه ولا عشان البئيه متغيره .؟
ياليت تقترحون لي اسماء عشان اسميه به لاني ماسميته بعد
اشكركم جميعا وبانتظاركم
حفظكم الله وادام عليكم الصحه والعافيه وادامها على طيوركم
اخوكم الجديد
بحـــــر
باروكوووووووولي شريت رمادي افريقي ... بعد تعب شديد
المشرف: المشرف
قوانين المنتدى
الرجاء الاطلاع على قوانين التجمع قبل المشاركة:
قوانين التجمع الدولي لعلم الطيور
الرجاء الاطلاع على قوانين التجمع قبل المشاركة:
قوانين التجمع الدولي لعلم الطيور
