السلام عليكم 
عوده بعد انقطاع فتره طويله مع قصه جديده
من اسبوع وجدنا حمامه صغيره في مدخل العماره وكالعادة اخذتها عندي لرعايتها مع بقيه الحمام ( زقزوقه وفله للتذكير بيهم ههههه) وعشان تكبر وتعتمد علي نفسها .. لمده اسبوع كنت بأكلها بنفسي وفي نفس كنت براقبها لو حتعرف تاكل لوحدها ولالا خصوصا ان الريش كان مكتمل وخليتها تكون موجوده في نفس المكان مع بقيه الحمام عشان تتعلم منهم لكن اللي حصل انها افتكرتهم امها وفضلت تجري وراهم في كل حته و زقزوقه وفله خافو منها وهربو 
/
بعد فتره لقيت في جناحها زي جرح أو تقرحات بصراحه خفت تكون مريضه وأنها تعدي الباقي رحت حطيت لها في الميه منقوع ثوم وليمون لمده يومين لحد ما اخدها للدكتور...في اليوم اللي قررت اخدها للدكتور لاحظت وجود زي حبه تحت عينها ولونها اصفر أخدتها بسرعه للدكتور واللي فهمته ان عندها فيروس ولازم علاج لفتره ..الحمد لله ان العياده وافقت تقبلها وتعالجها والدكتور قال انو حيبعت لي يوميا تقرير عن حالتها
دلوقتي عندي بعض الاسئله
هل ده مرض الجدري ؟ يعني لما لقيتها كانت كويسه وتتحرك بنشاط وفجاه ظهر عليها
فتره العلاج بتاخد كم يوم ؟
هل الحمام التاني ممكن يكون اخد عدوي ؟ كنت بنظف علي طول وحطيت له منقوع ثوم وحتي لما يستحمي حطيت خل تفاح في الميه
دي صورتها اول ما لقيتها
صورتها لما ظهرت عليها الاعراض
