امثال اخر زمن

[hazimko]

من طلب العلا يتفضل فى كابينه 4

اللى بيته من إزاز ميغيرش هدومه فى الصالون

فاقد الشىء يدور عليه

اقلب القدره على فومها الفول يقع منها

تأتى الرياح محمله بالأتربة

ياخبرالنهارده بفلوس بكره ينزل عليه أوكازيون

اللى معاه قرش محيره يجيب حمام ويحمره

قال يامحشحشين يكفيكوا شر الكمين

اللى ياكل لوحده يشبع

لاتبكى على اللبن فى البسكوت

اقطع عرق و حِته بتلو

اطبخى ياجاريه الأنبوبه فاضيه يا سيدى

لو حبيبك عسل ما تحطلوش طحينة

اللى يتلسع من الشوربه يتصل بالمطافى

وبكره ترجع ريما من عند خلتها فى مارينا

ياداخل بين البصله وقشرتها حط قطرة علشان هادمع من ريحتها

اصوم اصوم وافطر على المدفع

القرش الأبيض بيعوم فى البحر الأحمر

ضربوا الأعور على عينه قالهم كسرتوا النضاره

اللى ميشفش من الغربال يكشف نظر

المال السايب يعلم الطلبه

نام وارتاح وكل عسل نحل التمساح

من خرج من داره مينساش يأخد المفتاح معاه

المضطر يركب التاكسى

رب صدفة خير من ألف ليلة و ليلة

اللى يخاف من العفريت يعمل عبيط

what اللى ميعرفش يقول

العين عليها لينسز

قاوا للحرامى أحلف قالهم وحياة قلبى وأفراحوا

[crest10]

السلام عليكم

ههههههههههههه
شكرآ جزيلآ اخي على المشاركة الجميلة...

تحياااااااااااااااااااااتي

[hazimko]

شكرا لك اخي العزيز
واسعدني مرورك الكريم ..

[ابو عدي]

مشكورررر على الموضوع

[hazimko]

شكرا لك اخي العزيز
واسعدني مرورك الكريم ..