استفسار حول مشكله طول اظافر الافريقي!!

[coco]

اخواني عشان تفيدوني ونفيد الجميع كل واحد يقولي شنو الطريقه الي يستخدمها عشان يقص فيها اظافر طيره اذا طول وخاصه اذا كان يشيله بيده ويصيبه جرح بيده لان اظافر الطير وايد اطولت!!!!

[كاسكو البحرين]

يا هلا بيك اخوي

حبيب البي افضل طريقة إنك تاخذ طيرك الافريقي وتودية الى اقرب وافضل بيطري عدكم

بالديرة عشان اهو ابنفسة يقص اظافر الطير بمقص خاص بالاظافر للطيور

وجوفه اشلون يقصهم وتعلم ماعتقد بياخذ عليك أجر واااااااايد على حساب قص الاظافر

ونصيحة مني لك لاتفكر إنك انت ابنفسك اتقص الاظافر لانه اذا ماعندك خبره راح تجرح الطير

وسيل دمه

ودمتم سالمين


كاسكو البحرين

[allawi]

عزيزي انا شخصيا الف الطائر بقماش بكل لطف واقص الاجزاء الحاده وبنسبه قليله جدا ومن ثم اقوم ببردها لتصبح ملساء ولا تأذي
ولكن احذر الوصول عميقا لكي لا تتسبب بنزف له
فقط بدايو الاظفر والجزء الحاد بها


بالتوفيق

[coco]

اخواني اشكركم من كل قلبي انكم شاركتم بهالموضوع بس اخواني اذا عندكم فيديو او اذا قدرتو تصورون والله بتفيدون الكل واولهم انا لاني شريت طيري من سنه ونص ولين يومك ماقصيت اظافره ولو تشوف يدي شلون متشمخه ومجروحه ودم وسالفه والصراحه لو استمر الحال جذي يدي راح تتشوه خخخخخخخخخخخخخ والمشكله ان البيطري الي اتعامل معاه سافر ومب راجع وكل الي موجودين بقطر مب كفو والله مايعرفون شي لدرجه ان مافي ولا بيطري عنده جهاز الاكسجين الي يستخدمونه للطير للتخدير عشان يقصون اظافره ويعاينونه ويفحصونه بدون مشكله واغلب البلدان عندهم اياه الا احنا,,لها السبب انا ماودي طيري لانه رافض اصلا حد يمسكه حتى لو انا وانا وديته اكثر من مره للبيطري ولا اقدرو يمسكونه ففكرت لو اشتري الحجر الي يحطونه للطير عشان يحك اظافره ويبردها بنفسه بس ماعرف شنو شكله او من وين احصله؟؟؟

فقلت لو حد يحط الطريقه بالفيديو يمكن اقدر اسوي نفسها وتنجح فياريت لو حد عنده لايبخل علينا او يعلمنا شيسوي بهالوضع