أشلون أخلي الببغاء يهدي أعصابه ....

[طير الخليج]

السلام عليكم .....

شلوونكم شباب والله أنا محتار ماني عارف وش اسوي للببغاء بصراحه تعبت وااايد منه أنا طبقت الخطوات اللي قالوها لي المشرفين بس الببغاء لحين خايف مني وش اسوي الاحظ عليه أنه كل ما أن أجي عنده يخاف معني أني أحاول أتحرك شوي شوي كل ما أجي عنه و أصفر له و أكله و ساعات ياكل و ما ياكل و لما يخاف مع أني ما سويت شي و لا تحركة من مكاني و أحاول ما أسوي شي يخوفه بس بعد ما كووو فايده و ياريت تشورن علي ..... في أنتظار الرد .....

[كاسكو البحرين]

وعليكم السلام ورحمة الله يا طير الخليج

طير الخليج عزيزي نصيحة مني لك الطيور يا حبيبي متفاوته نفسياتهم

كل طير يختلف عن الثاني بالنسبة لطيري انا يخاف مني وبالعكس مع اهلي

او اصدقائي كلش عادي يمسحون فوق راسه ويلعبون معاه ابكل راحه

مع اني انا اللي اقدم له الطعام والشراب وانا اغلب الاوقات اكون معاه

مو معناة هذا ان الطير مب زين وحدة من الثنتين اخي يا طيرك ماخذ منك موقف

او للحين ماخذ وقته معاك اللي عندي عزيزي انا قمت ابنفسي قص جناحه

وهذا اكبر غلط يقوم بالشخص نفسة بقص الجناح لانه الطيور حساسة ماتنسى

بالسهوله

انصحك بالمواصلة والتريث اخي طيرالخليج

وصبر ترى في طيور يبغى لها سنين اوفي طيور بس شهرين او اقل لحين يتعود

لا تستعجل في امرك الموضوع يبي له صبر وبس حسس الطير انك تبي صداقة

والخطوات اللي قمت ابها مادري شنو بالظبط لترويض طيرك بس مثل ما قلت لك

طير الى طير يفرق وتفرق النفسية

لاتستخدم اشيااء تخيفة

اعطه من وقتك وجلس معاه حتى لو بالمسافة البعيدة اتكلم معاه ناده بإسمة

حسسه بإنك تبي المودة منه عزيزي ترى هذه طيور حساسة جداً ولكن

لما يروح الخوف منها وتآمن منك راح ترتاح ومايجي شي بدون تعب وصبر

وتحاول في البداية تصفر وتغرد له حاول تتكلم معاه عشان يتعود على الكلام

موضوع التغريد بعدين كل ماتصدر انت اي صوت او يسمع اي صوت راح يقلد عليه

ضع قفص الطير في زاوية من الغرفة على ارتفاع متر او مترين ونص

لانها تحب اهيه اللي اشاهد وتراقب الناس ماتحب انت او غيرك تراقبها

قم بتبديل القرطاس اللي يتبرز عليه في كل يوم عشان يحس إنك تهئي

له النظافة والراحه قم بتبديل الماء كل يوم

وقت اللي اتقوم بالاهشياااء كلمة اطلب منه ترى افضل اوقات الطلب من الطير

في وقت تبديل الماء والأكل والتنظيف

اجلس تقريباً عشرين دقيقة فقط انظر الى عينه وتكلم معاه على راحتك

واذا قام يصارخ ويجعر لاتهرب منه سو روحك ماتسمع شي اياني وياك وقت الصراخ

تتركة وتروح وتمل منه ترى بفكر ان الجعير والصراخ هو الحل الانسب لأبعادك عنه

حسسه الصراخ ماينفع معاك

معه الايام حبيبي راح كل شي يكون ابخير

ترى انا واعوذ بالله من كلمة انا

شريت طير بقيمة 150 دينار بحريني

صاحب المحل قال لي انه الطير يتكلم يقول

السلام عليكم...يالله...الله اكبر..كاسكو

وعمره سنة وشهرين تقريباً

وانا لحد الآن الطير معاي بكمل شهر والله وكيلك ما سمعته ليومك يقول شي

اللهم صفره وتطلع بالغصب والله

يعني كأني يالس اطر منه

بس بصبر ترى الصبر اهم شي لمربين الطيور

الطير يا طير الخليج بعلمك اشيااء في حياتك منها المحبه والمودة

وبعلمك الصبر مثل ما انت بتعلمه الكلام الحسن والتغريد الجميل

ستتغير حياتك عندما يولف معاك الطير بتحس إنك سويت شي جميل

ولاتقدر توصف هذا الشي

عزيزي طير الخليج انا مبتدأ في تربية الكاسكو ولكن اتحدى اي إنسان يقولي

الطيور بدون صبر تنفع لا والله الصبر ثم الصبر ثم الصبر

كما آتى الحديث ( الصبر مفتاح الفرج )

وسمحي لي على الاطاله وياريت نعرف كم عمر طيرك وما نوعه وكم صار عندك ؟

ورحمة الله وبركاتة

تحياتي

كاسكو البحرين

[طير الخليج]

تسلم أخوي على كلامك اللي فعلاً ريح بالي ههههههههههههه
والله أخوي الببغاء صار له عندي أسبوعين أعتقد بعد أكثر بشوي و نوعه الدرة المطوقة
و عمرة 6 أشهر على حسب قوول صاحب المحل ... و تسلم على النصيحه أخوي ...:):)
وياريت بعد تفيدني من خبرتك ...:)

[كاسكو البحرين]

يالله عليك يا طير الخليج اسبوعين بس

انا قلت الحين بتقولي سنتين او ثلاث اسبوعين بس

حبيبي ان شاء الله اذا اتوفقت وقدرت اصور لك الدرة اللي عندي بالفيديو

راح انزل لك مقطع منه خصوصاً لك

وجوف اشلون الطير يكون عقب التوالف والمحبة بين المربي وبين الطير

وانا على بالي عندك كاسكو لانه الصراحه الكاسكو اللي ياخذ وقت في الترويض

الدرة يا بعد ألبي حبوب وان شاء الله ما راح تلقى اي صعوبة معاه

ترى يا طير الخليج المدة كلش قليلة

اكرر لك حبيبي الصبر ثم الصبر

ولنا لقاء ان شاء الله

تحياتي

كاسكو البحرين

[muhannad2]

اصبر حبيبي اسبوعين شوي

ههههههههه

مستعيل ليش

اصبر راح يحبك صدقني


شوف حاول تجلس عنده من بعيد وتصفر له وطبق كل النصائح الي كتبوها اخوانا وراح يكون صديقك والعزيز عليك

[طير الخليج]

هههههههههههههههه يسلمووو أدري أني فاجأتك بس لاني توني مبتدأ و ما أعرف وااايد عن الطيور مع أنه أبوي يربي وااايد طيور و حمام و لا عندي فكرة وااايد عن الموضوع تسلم والله كاسكو البحرين و الاخ مهند و آسف لاني تعبت معاي هههههههههه يسلموو والله يعطيكم الف الف عافيه على جهودكم معاي ...:):):)

[عاشق كناري]

السلام عليكم
اخي ممكن يكون الطير كبير بالعمر لذلك اصبر عليه وان شاء الله يرضى وحاول طعمه من ايدك اكله يحبها وما يقدر يقاومها مثلا الخس
تحياتي

[طير الخليج]

يسلوو على النصيحه اخوي ...:):)

[كوتوليك]

انت هدي اعصابك بالاول

ولا تخلياحد يقترب من القفص غيرك ولا تحط البغبغاء بالصالة حطة في غرفة تهويتها ممتازة ويكون في زاوية من الغرفةبعيداً عن ازعاج البيت لانك بالنسبة لة وحش وهو في فكرة انك راح تاكلة حاول انك تغير نضرت بغبغائك لك وحاول انك تتودد معاه وحاول انك تأكلة بيدك
مع تحياتي

[طير الخليج]

يسلموو على النصيحه ...:):):):)