واخيرا والحمد لله البيض فقس ولكن.....

[no.mercy]

اهلا بيكم يا شباب فكرني

الحمد لله البيض بتاع النتايه البادجي فقس بس الفرخ يعيني صغير اوي اوي

المهم هل الفرخ ده محتاج يأكل يديوا مني ولا اسيب النتايه هي اللي تقوم بالدور وهل انا حتدخل في اي حاجه مع هذا الفرخ

وهل اعزل الذكر عن النتايه ولا لأ مع ان الذكر مسالم ومولف علي النتايه وكمان بيدخل مع النتايه يدفي باقي البيض

ولو ممكن تجبولي صور لفروخ البادجي من اول يوم فقس الي ان تصبح كبيره

عشان اقرانها مع اللي عندي

وهل مطلوب مني اكل معين احطه للزوج البادجي ولا عادي (مع العلم انا حاطط ليهم خيار )

وشكرا واسف علي الاطاله

[muhammed_farouk]

اخى الكريم اترك الانثى تطعم صغارها بمعرفتها ولا تزعجعا وفى هذة الفترة كل ما عليك ان تهتم بالطعام وهو خليط الحبوب البنكم : الدنيبة : الفلارس بنسبة 1:2:2 بالاضافى الى البيض المسلوق ثلاث مرات اسبوعياً وطبعا لا تنسى الخضرة مثل الجرجير والبقدونس والخس بالاضافى الى الفواكة واترك الذكر معها ولا تفصلة عنها حتى يساعدها فى اطعام الصغار وبالتوفيق.
تحياتى للجميع.

[no.mercy]

تشكر ربنا يخليك علي المعلومات
ومنتظر باقي الاعضاء والاخبراء

ويا جماعه 17 واحد شاف الموضوع واحد بس ربنا يكرمه هو اللي رد

ليه؟

[king5stars]

اخي الفاضل
مبروووووووك عليك الصغار الجديده وربنا يكرمك فيهم
اعتقد ان الاخ الفاضل محمد جاوبك اجابه نموذجيه عشان كده محدش رد عليك
انتا بس اعمل اللي هوا قاله وكله هيكون تمام
بالاضافه الى الاهتمام جيده بنضافه العش (تقوم بتنضيفه كل 5 ايام )

تحياتي

[بشار موفق]

اخي الفاضل
مبروك على الافراخ واتبع تعليمات الاخ محمد وان شاء الله بالموفقيه

[خالد عبدالله عبدالكريم]

مرحبا اخي الكريم مبروك عليك الفراخ قم بالتغذية الجيدة بالتوفيق

[no.mercy]

ربنا يخلكم عل يالردود الجميله دي

بس بالنسبه لتنظيف العش لسه في بيضتنين لسه حيفقسوا والام بتأكل الزغلول وراقده علي الباقي فانا مفضل اني مزعجهمش الفتره دي لما الزغاليل تكبر شويه ابدا اشيل قشر البيض وانظف العش

وشكرا اوي اوي علي الردود

[pepo2006]

السلام عليكم,
أخي no mercy.....

مبروك عليك الصغير الجديد و عقبال الباقي

أولا لا تقلق من صغر حجم الفرخ الجديد فهو يكون حجمه صغير جدا في أول يومين, يكون حجمه أكبر بشئ بسيط من حجم البيضة, و هذه صورة للفرخ في هذه الفترة....


أما عن عزل الذكر فلا تقم بذلك, فأنت تقول أنه ذكر مسالم, فطلام أنه لا يؤذي البيض و لا تحدث بينه و بين الأنثي أي شجارات عنيفة فلا تقم بعزله, فالذكر مهم جدا في هذه الفترة, فهو يساعد الأنثي كثيرا في عملية إطعام الصغار و يقوم بإطعام الأنثي أثناء رقودها علي البيض.

وأنصحك بعدم التدخل في إطعام الفروخ يدويا, بل أترك الأنثي تطعم صغارها بطريقتها, و لا تزعج الأنثي بفتح العش كثيرا فذلك قد يضطرها لترك البيض.

و أما عن الطعام فكما ذكره أخونا muhammed farouk .

بالتوفيق.

[no.mercy]

شكرا اوي علي الصوره وفعلا الزغلول اللي عندي نفس الحجم بس اصغر شوي لانه عمره كده يومين بالضبط

بس في حاجه انا مستغربها اوي انا لقيت البيض عدده زاد ببيضه بعض الفقس يعني النتايه باضت بيضه بعد فقس اول بيضه هل ده طبيعي وهل البيض الباقي حيفقس ولو فقس بيفقس بعد اول بيضه بكام يوم

وشكرا اوي

[pepo2006]

السلام عليكم,
أخي no mercy.....

إن البيض يفقس بنفس الترتيب الذي وضعت فيه الأنثي البيض و غالبا تكون الفترة بين فقس البيضة و البيضة يومين.