هل موسم التزويج بدا فى مصر ؟

[WAEL_SAMY1]

كونت فى السوق يوم الجمعه الى فى السيده زينب ( القاهره)
وسئلة احد المحترفين هل فعلاً موسم التزويج فى شهر 3
فقالى لا
هو ممكن انت تكون قالو كده علشان ظروف الجو بتختلف
ودرجات الحراره
من دوله لاخرى
اما هنا فموسم التزويج يبدا فى شهر واحد
وللعلم هو محترف ومش بيربى غير البولستر والفريز
علشان كده بيعرض العصافير العادية للبيع وتكون مستواها عالى
فياريت حد يوضحلى فانا احترت

[abdulkabeer]

أخى العزيز . أظن أن موسم التزاوج فى مصر مثل ليبيا (يعنى نفس الجو) وفى ليبيا يبدأ مع بداية شهر اثنين بشرط أن يكون الكناري قد أكمل فترة تغيير الريش وفترة النقاهة كاملة وفى ظروف جيدة . مع تحياتى

[WAEL_SAMY1]

مشكور اخى الكريم abdulkabeer على التعليق
اعتقد انو يفرق شوية عن ليبيا
وممكن يكون صح زى مقال شهر واحد

[samir almegrab]

اخي العزيز المناخ في ليبيا ومصر تقريبا نفس المناخو وعندنا في ليبيا الكناري يبداء في التزاوج في شهر 12 و البعض الاخر يبداء في شهر 2 ولا توجد اي مشكلة طالما ان الكناري اتم فترة طرح الريش وكذلك اخذ وقت كافي للراحة لان لدي كناري بداء الان في التزاوج و البعض الاخر مازال.

[spirit_stallion]

السلام عليكم و رحمة الله و بركاته
اخى العزيز وائل ان كنت تربى الجلوستر و البوردر و الانواع الاصلية فالموسم يبدا شهر واحد او ممكن اتنين و لو كنت بتربى البلدى فللاسف ات اتاخرت شوية لان الموسم بيبدا شهر عشرة و بعض المربين يبدا تسعة و الافضل انك تنهىه على شهر 3 يعنى بعد شهر تلاته تمنع الاناث من البيض
الفروخ اللى طالعة بدرى يعنى فرخ 11 او 10 بتكون اغلى لانها بتدخل الموسم بدرى اما اللى بعد كده بتتاخر بالذات للذكور ولو عندك اى استفسار انا فالخدمة معلش الحال فمصر عندنا مختلف شوية

[WAEL_SAMY1]

اولاً مشكور اخى samir almegrab على ردك
والعصافير عندى لسه بتجهز
وقدمها شهر
ثانياً اخى spirit_stallion
الانواع الى عندى مش الاصلية
لانى بخاف اغامر مع هذة الانواع لغلو سعرها وصعوبة التعامل معاها
ومشكور على المعلومة بس انت مقولتليش اشغلهم ولا لا
انت قولت شهر تلاته واحنا لسه فى اول 12
يعنى لسه تلت شهور

[spirit_stallion]

اخى شغلهم انا قلت شهر 3 تخلص فيه ناس فطمت العش الاول و الطير عندهم على بيض
يلا شغل مستنى ايه كل يوم محسوب عليك انا السنه دى اتاخرت شوية لكن العش الاول قرب يتفطم

[WAEL_SAMY1]

مشكور اخى
spirit_stallion
وجارى البداء

[Sherief]

أخي وائل
أخي spritie

تسأل أخي وائل عن بداية الموسم . . وأقول . . مع إني جديد في تربية الكناري ولكن من أغلب قراءاتي لمشاركات أعضاء أكفاء في المنتدى ومشرفين . . هم يجدون أن أنسب وقت لبداية الموسم سواء كانت أنواع بلدي أو أصلية بداية شهر فبراير - والبعض لا يضع العشوش إلا في أول مارس .
ولقد أخبر البعض منهم أنه لا يجب بداية الموسم قبل ذلك التاريخ حتى وإن كانت الطيور جاهزة ، لأن ذلك سوف ينعكس على نسبة التفريخ وكفائته .

لهذا أخي spirite أرجوا منك الرد والتعليق على هذا الرأي وإقناعي لو سمحت بأن أبدأ بعملية التزاوج بمجرد تمام الجاهزية لطيوري بغض النظر عن الإنتظار لفترة شهرين او ثلاثة أخرى . . حيث لدي خسمة أزواج في مرحلة التجهيز وأعاني مشاكل منهم سوف أسردها لاحقاً في مشاركة اليوم أو غداً .

وأتمنى للجميع التوفيق

[spirit_stallion]

اخى شريف اهلا بك اولا ما هية انواع طيورك هل هيه بيور او بلدى او سورى زى مبتسموها
عموما انا مش خبير قوى لكن الحمد لله نجحت بتفريخ الكنارى و النتايج مرضية هذا بفضل الله ثم بفضل المنتدى اللذى ارشدنى لكثير من الامور
بالنسبة لمصر الموسم كما ذكرت من شهر اكتوبر وحتى ابريل او مايو لكن بالنسبة للسعودية انا لا اعرف موعد موسم التفريخ عندكم و لا استطيع ان افتى لكن لو بدات اول مارس الصيف حيبدا من مايو و حتضطر توقف التفريخ لان التفريخ فالصيف نتيجته بيض فاسد و فروخ ضعيفة وكل اللى حتخده عش او اتنين

المهم عشان ماخرجش عن الموضوع حاول تسئل المربين فنفس منطقتق لان الموسم بيختلف من بلد لاخر وهم ادرى بموعد الموسم
ولو كان لسة شهر مارس الموسم عندكم انصحك ان تنتظر انا الصيف الماضى الطيور عندى جهزت و الاناث لفت العش يعنى كل المطلوب ان اترك الذكر مع الانثى لكن لان الوقت غير مناسب لم اغامر و انتظرت و انصحك بالصبر وربنا يوفقك ونشوف صور فروخك قريبا