الحقوني يا شباب بسرعه

[no.mercy]

انا بقالي يوم كامل مسمعتش صوت الزغلول اللي في البياضه واتبعت نصائحكم كلها ووفرت الاكل وعدم فتح البياضه كثيرا
فلما لقيت ان صوت الزغلول مش موجود قولت اطمن فبفتح لقيته مش موجود ادور عليه فجأه لقيته متساوي بأرضيه البياضه تحت البيض الباقي مع الغلم ان الانثي باضت بيضه بعد فقس الزغلول فقولت قدر الله وماشاء الله فعله
لكن كنت زعلان وزهقان زهق لا يعلمه الا الله واكتشفت ان الانثي الله يلعنها رقدت علي البيض والزغلول من تحتها اي انثي تعمل كده في زغلولها مش شيفاه ولا ايه

ارجوكم يا شباب فسرولي اللي حصل
عشان انا بدات في الاستغناء عن العصافير

[no.mercy]

ايه ياشباب انتم فين عايز اعرف الردود والاراء

[أمير الطيور]

اخي العزيز
الانثي لازم تدفي الزغلول حتي لا يموت من البرد
ولاكن لم افهم هل الانثي قتلت الزغلول لا سامح الله
ولا كيف ؟؟؟؟ لو ممكن توضح اكثر

[no.mercy]

ياباشا انا عارف ان النتايه بترقد عيل الزغلول عشان الدفا
بس انا عاني النتايه رقدت علي الزغلول بعنف لدرجه انها لزقته في البياضه
ومات يعني بصراحه انا مكتئب اكتئاب شديد بسبب الموضوع ده

[بنت مصريه]

بصراحه انا معنديش خبره فى الموضوع
ولكن قدر الله وما شاء فعل ان شاء الله ربنا يعوضك خيرا منه
ويا ريت تقول اللهم اجرنى فى مصيبتى واخلفنى خيرا منها

[aymannabil]

السلام عليكم و رحمه الله و بركاته
اخى الكريم
كم عدد الزغاليل فى البياضه ؟
ما هى مساحه البياضه المستخدمه ؟
لكن مبدئياً ارى ان تلك البياضه صغيره و البياضات التى تباع فى الاسواق على انها للبادجى كلها تعتبر صغيره الحجم
نظراً لانه عصفور وفير الانتاج و الدوره الواحده لا تقل عن 5 بيضات فطبيعى مع البياضه الصغيره ان يموت زغلول او اكثر
نصيحتى لك استخدم بياضات كبيره فى الحجم...

[لولو]

السلام عليكم و رحمة الله و بركاته
اخى الفاضل قدر الله و ما شاء فعل فلا تحزن و تقرر التخلص من طيورك فانت لم تقصر فى حقهم
... و دى شئ مع انه محبط الا انه عادى ممكن يحصل لاى حد بيربى طيور ؟
لكن لى سؤال ما هو عمر هذا الزغلول كم بيضة كانت معه فى البداية هل كانوا مخصبين ام لا ...
لماذا لم يفقسوا حتى الان ؟؟ هل ميعادهم لم يحن بعد ام انهم فسدوا ... و فى هذه الحالة لماذا لم ترفعهم ؟؟؟
منذ متى باضت الانثى البيضة الجديدة ؟؟ هل هى مخصبة ؟؟ و هل كانت تطعم الفرخ جيدا حتى مع رقودها على البيضة الجديدة ؟؟؟
هل هذه الام كبيرة فى السن ام صعيرة و هذه اول مرة تبيض فيها ؟
ارجوا ان تجيب عن هذه الاسئلة ... حتى نحاول معك تحديد المشكلة ..
و فى الغالب الفرخ كان ميتا فى الاساس قبل ان تجلس عليه الام ؟

[pepo2006]

السلام عليكم,
أخي no mercy.....

إن كان باقي البيض لم يفقس و كان مخصبا فعلا, فقد تكون هذه الأم قليلة الخبرة في أحتضان البيض, و بالتالي تكون الصغار داخل البيض ضعيفة جدا لدرجة أنها لا تقوي علي الخروج من البيضة و قد تموت داخل البيضة و هي مكتملة فعلا.
و بعض هذه الصغار قد تفقس بالفعل و لكن بما أنها صغار ضعيفة قد تموت في خلال يوم أو يومين من وقت خروجها من البيضة. وهذا ما حدث معك بالفعل أخي, أعتقد أن ما سبب الوفاه هو ليس رقود الأنثي علي الصغير فرقود الأنثي علي الصغار شئ طبيعي, ولكن سبب وفاة الصغير هو ضعفه.

بالتوفيق مع الفروخ القادمة.

[no.mercy]

هو فعلا العيب ياما عيب بياضه لانها ضغيره جدا

وانا ان شاء الله حجيب بياضه تانيه كبيره وهي بياضه البادجي الانجليزي
بس هو هل ينفع احط بياضه الكوكتيل الكبيره دي

وهل لو غيرت البياضه والمكان ممكن الانثي تترك البيض ومترقدش عليه


انما ردا علي الاسئله الاخوه :
الانثي تعتبر دي اول شغلها يعني اول مره تجيب بيض
لكن ماشاء الله عليها في الرقود بترقد لفترات طويله جدا جدا
والزغلول مكانش ضعيف يعني بعد يومين كان ريش وكبر في الحجم
وكان مع الزغلول اربع بيضات كمان بس بين كل بيضه وبيضه فترات طويله يعني ممكن توصل الي تلت ايام او اربعه كمان
والانثي باضت بيضه بعد فقس الزغلول
والبيض كان مخصب والنتايه كانت تأكل الزغلول كويس ماشاء الله

وبس
وانا برجح ان سبب موت الزغلول هو صغر حجم البياضه

بس انا عايز اجابه لهذا السوال:

وهل لو غيرت البياضه والمكان ممكن الانثي تترك البيض ومترقدش عليه ؟

[no.mercy]

ياشباب الزغلول التاني فقس والحمد لله

اعمل اي بقي عشان اتفادي اللي حصل من الاول

ومردتوش علي هل اغير البياضه واحط بياضه الكوكتيل بحيث تبقي كبيره وكده