ارجو الرد بسرعة حصل تطورات

[amd_attia]

فكرين طائري الرمادي اللي اشتريته من اسبوع انا كل يوم اغير له الاكل والمياه بدون اي محاولة مني لفتح القفص او ادخال يدي بس مكنش فيه اي تقدم برضه كل ما اقف امامه بسيط يبدء بالجعير .......بعض الاشخاص اللي شغالين في المحلات قالولي اني لازم اضعه علي استاند بره القفص عشان يتولف بسرعة وفعلا اليوم اشتريت استاند واخذت الطائر من مكانه بس اول ما نزلت القفص من مكانه بدء الجعير الهستيري اخذته غرفة لوحده وطلعته برة القفص وراح يركض مني في الغرفة ولم يعطيني فرصة الى ان اصبح في ركن الغرفة ومفيش مفر وبغرابة شديده ]سمح لي امسح على راسة وهو بيجعر جامد جدا وانا احاول اهديه وامسح علي راسه دون فائدة وبعد عناء قدرت احطه علي الاستاند اللي اشتريته ووضعت القفص في غرفة اخري بس وحطيتله الحبوب والمياه وتجاهلته 7 ساعات وخرجنا كلنا ورجعنا متحركش وما نزل من الاستاند والحمد لله وساكت بس المشكلة الخطيرة جدا انه مش واقف على الخشبة ده واقف علي وعاء الاكل الاستانلس بتاعه وده مخليني مش عارف احطله الحبوب بعد ما اكل اللي انا حطته له وكل ما اقرب منه يجعر ومش عارف انا مبسوط وهو بره القفص وحاسس انه هيتولف كدة اسرع لانه حاسس اننا بنتحرك حوله ومش بنيجي ناحيته والسؤال المهم كيف اخليه ينزل من الوعاء عشان احطله الحبوب وهل من الافضل اسيبه بره ولا لازم ينام في القفص عشان يحس بالامان مع العلم ان الاستاند عالي حوالي 1.5 متر ومفيش عندنا حيوانات تانية او حد ممكن يضايقه حتى بنتي خايفة منه مبتجيش ناحيته ولو حطيته في القفص دلوقتي مش هعرف اطلعه على الاستاند بكرة ولو خليته مش عارف احطله الاكل ازاي

[د. حسن سلامه]

بسم الله الرحمن الرحيم
أخى الفاضل
كان يجب أن تعلمه أولا ان يقف على العصاة أويدك قبل ان تضعه على الاستاند لسهولة تحريكه من القفص للإستاند والعكس. الأفضل ان تطفئ النور وتلفه بفوطة سميكة حتى لا يعضك ثم تدخله القفص وتعلمه كيف يقف على العصاة أولا.
إن وضعت له العصاة أمام صدره ووقف عليها إنقله بها للقفص ثم الإستاند وهكذا وقد تعلمه الوقوف على يدك فيما بعد.
أخى لا تستعجل الأمور والصبر هو مفتاج نجاحك معه.
كل الامنيات الطيبة

[amd_attia]

هو دلوقتي ارتاح على الاستاند اكل ونزل من على وعاء الاكل وراح يشرب فغيرت الاكل وبعدين جلس على العصا في النصف واخد يحك منقاره في بعض ويوضب ريشه ويحك فيه في كل حته في ظهرة يمين وشمال وبفكر اسيبه عليه باليل لحد تاني يوم العصر عشان يتعود عليه وبعدين ادخله القفص بس المشكله انه لما حسيت انه ارتاح في المكان واخد كل يوم الصبح يصفر وباليل يحك في منقارة ببعض ومن فهمي من الموقع ان دي علامة كويسة حاولت افتح القفص عشان المسه نط وقعد يركض يمين وشمال ودي مشكلة مش هيديني فرصة اولفه او المسه بايدي