عراك دموي بين الذكر والانثي

[no.mercy]

انا عندي ذكر وانثي بادجي شوش وكانوا في منتهي اللطف مع بعضهم وكان الذكر يأكل الانثي
وهم الان معاهم زغلول عنده اقل من شهر

فجأه لقيت القفص فيه دم والذكر متعور في راسه من فوق والنتايه منعاه يدخل البياضه

فانا نقلته لقفص تاني وحطيت معاه نثيه تانيه عشان يبدا مرحله الزواج

انا خايف بقي لحسن الانثي متعرفش تأكل الزغلول لوحدها
هل ارجعه للنتايه تاني ولا ايه؟

شكرا لكم

[romyoo1]

السلام لجميع الاعضاء
اولا متخافش الحل بسيط اوى بس خلى بالك
لو الزغلول اللى عندك بياكل لوحده ممكن تشيله وترجع الزكر للانثى لاكن لو لا يبقى تخلى
الزكر فى مكان بعيد لحد ما الزغلول يكبر والانثى هترعاه اكيد
وبعد كده هات الزكر مع الانثى
وابقى عرفنا اخبار الزغلول
ولك تحياتى

[pepo2006]

السلام عليكم,
أخي no mercy....

إن بعض إناث البادجي لا تسمح للذكور بدخول العش و هذا قد يحدث فجأة بعد فقس البيض فالأنثي قد تخشي علي صغارها حتي من وليفها.

و الحل المناسب هو ما فعلته و هو عزل الذكر في قفص آخر, و أبقي الذكر معزول عن الأنثي و الزغاليل حتي تقوم الأنثي بفطام الصغار, وبعده إعزل الصغار و أعد الزكر إلي الأنثي مرة أخري حتي تبدأ دورة تزاوج جديدة.

بالتوفيق.

[muhammed_farouk]

ارى اخى الكريم ان تفعل كما قال لك الاخوة الكرام فهذة هى الحلول المناسبة وبالتوفيق ان شاء اللة
تحياتى للجميع

[no.mercy]

شكرا ياشباب علي الردود الجميله دي وانا بالفعل عزلت الذكر
لكن لذكر مصاب كتير
مصاب في ظهره وفي راسه وتعبان خالص بس بياكل وبيشرب عادي
انا خايف عليه يمووت وهل انا في يدي شيء عشان اخففله جروحه ولا هي حترو ح لوحدها