من واقع خبرة في تفريخ الببغاء - ضبط جودة

[Dewani]

حبيت أنبه هنا الى أن لون بيض المكاو أبيض لامع. للأخوان مربي الحمام يمكن يلاحظون الفرق بين بيض المكاو و الحمام الزاجل فالمقاس تقريبا واحد إلا أن كما ذكرة تظل البيضة لامعة الى أن تفقس.

[مــراح]

ما شاء الله تبارك الله

بصرااااحه اخوي Dewani ابدعت في طرح الموضوع

والله يزيدك واللي متدلع ان شاء الله يفرخ

بس عندي سؤال : اللي بيضو كم اعمارهم واللي عندك النوع الافريقي جامبو

واذا ما عليك ودي تصور العين لان اللي سمعت الافضل ان تكون عينه صفرا

واذا كان عندك خبره او معلومات عن تفريخ الكوكاتو ودي تفيدنا واكووون شاكر لك

وهذا سؤال خارجي عن الموضوع : اذا تعرف احد عنده مولوكن كوكاتو احد يبي يبيعه تراني شراي

وشكررااا لك

تحياتي

[مــراح]

واذا كان عندك اخوي سلفر كوكاتو انثى وذكر

ودي تحط صوره العين يعني للتفرقه صحيح ان الذكر اسود والانثى بونية

بس للتوضيح بالصور واكون شاكر لك لاني من محبي جميع انواع الكوكاتو


واسف على الازعااج يالغالي

[Dewani]

شكرا أخوي على المرور
و أحب أبين لك أن العين الصفرا المائلة للبياض هي لون العين للأفريقي البالغ. و سن البلوغ أربع سنوات.
بالنسبة للكوكاتو رايح أنشاء الله أنزل موضوع عن غريب و أنشاء الله يفيدك. الكوكاتو معظمهم فرخوا عندي و تفريخهم سهل . بس أنت أبدأ و أنا معاك
عن طريق العين تقدر تعرف الأننثى و الذكر.... طبعا مثل ما تفضلت الأنثى عينها بنيه و الذكر سوداء....... بس ذي ما تنطبق على الكل.. أعطيك مثل
البير آيد كوكاتو ( المعروف بأسم بو دمعة .. عندنا بالسعودية ) عين الأنثى و الذكر أسود . و لا يعرف الجنس الا بالتحليل ... ما نبقي نستعجل أنشاء الله عن قريب أنزل موضوع الكوكاتو
تصبح على خير

[مــراح]

الصراحة اخوي ديواني شريت اول شي انثى كوكاتو

ثم شريت ذكر وهذا الاهم رحت افحصه عند دكتور في محل الحباة والطبيعة بالرياض مع ان لون عينه في الشمس طلعت بنيه فا ستغربت
وقال لي ذكر قلت ممتاز

وصلحت لهم عشه وكل شي حطيت فيها ورحت احد الايام بعد مرور 6 شهور للمحل بالذكر وقلت له ان الانثى تطقه شافه قالي هذي انثى بعد

انا انصدمت وقلت له انا جايك قبل كذا وكذا
قال والله ما اذكر جحد النصاااب انا ضقت :evil: وعصبت وقلت ليش بعد كل هذا العناء وابي افرخ الكوكاتو فالاخير يكذب علي

فقررت اني ابيعهم واشتري لي زوج افريقي لان تميزهم اسهل من العين

وانتظر مووضوعك في فارغ الصبير عن التفريخ

اما عن بيعتهم الى الان موجوده عندي الكوكاتو

وجاااني يئس

ومشكور اخوي على تجاوبك السريع لردي

يعطيك العافيه اخوي الغالي الديواني

تحياتي

[Dewani]

انشاء الله

[saeedo]

عزيزي الديواني انا متابعك ومتابع مواضيعك ومنتداك
وانشاء الله تفيد جميع الاخوة المهتمين في هذا المنتدى وغيرة
اذا كان موقعك الاحساء فانت قريب منا نتمنى ذالك طبعا ( وعندي سؤال وأمنية) والسؤال هل لديك فروخ للبيع
والامنية ان تساعدني على الانتاج من الرمادي الذي املكة لانة بصراحة مميز واتمنى ان يكون عندي من سللالته طائر اخر
تحياتي وشكرا على مجهوداتك الكبيرة لاسعاد عشاق الببغاوات

[Dewani]

أخي Saeedo
معليش بس تصحيح أنا عندي موقع مو منتدى
و أذا عندك أي سؤال تفضل و أنا مستعد
ومشكور على المرور

[saeedo]

هلا وغلا
كيف اعرف اسعار الفروخ الموجودة للحجز
والطلب المساعدة في انتاج من الطير الذي امتلكة لان فصيلته وذكائة غير طبيعي
وهل البيطري العادي ممكن ان يحدد جنس الطير وعمرة
الف شكر

[عبدالرحمن المسفر]

مشكور اخي ولكن عندي سؤال ماهي الفقاسة وماهي الحاضنة واريد ان اعرف متى استخدمها وكيف الطريقة ومن اين اشتريها وطريقة الاستخدام وتستخدم مع اي نوع من الببغاوات وآسف اذا سألتك كثير وشكرا