كنت عايز اسأل سؤال عن الدره ؟؟؟

[Amr Diab]

السلام عليكم... لو سمحت كنت عايز اعرف ازاي اخلي نتايه الدره هاديه اصلها شرسه و بتضرب الدكر و بتعضني و لما تشوفني و ما تعرفش تعضني تقلب الاكل....
انا عزلت الدكر عن النتايه اسبوع و برده لسه شرسه و بتضرب الدكر ....لو سمحت حد يقوللي اعمل ايه وشكرا......

[عبدالرحمن المسفر]

محبا اخي اولا تأكد من حول الرقبة خط اسود او خط اخضر غمق يعني تاكد من الجنس ثم قوم بوضعة في قفص اخر حتى يجوع لمدة يوم بدو اكل بعد ذلك البس القفاز ووقوم بوضع على خشبة وقص اجنحتة ومد يدك الي فمة في كل مره تذهب الية وكرر العملية ولا تيأس منه ثم قدم له الاكل في اليوم الثاني ويكون قد هلك من التدريب والجوع طبعا مدة التدريب لا تتجاوز العشر دقائق متقطعة او متواصلة وفي اليوم الثاني يكون قد هلك مثل ماقلت ...قدم له الاكل لمدة دقيقه واحدة او نصف دقيقة واسحب الاكل ومد يدك الية مرة اخرى وسوف تلاحض انة يرفضها هذا ماعندي واتمنى ن يفيدونك الاخوان وشكرا

[Amr Diab]

عندي دكر و نتايه والنتايه بتاكل من ايدي بس بتضرب الدكر برضه

[حسون شامي]

السلام عليكم

هو من الافضل فصل الانثى عن الذكر حتى يقوى الذكر عندما ترجع الانثى


وانت عملة العكس

تحياتي

[Amr Diab]

معلش انا طولت ... اصل مفيش حد بيكمل رده...
يعني ايه الدكر يقوي .... لما افصل الدكر عن النتايه مين اللي يفضل في القفص الاساسي اللي فيه العش...؟؟؟؟
وشكرا... و ياريت التوضيح

[طائر بلا موطن]

الذكر اللى المفروض يبقى فى القفص عشان يبقى هوه الل مسيطر عليه

[Amr Diab]

يا جماعه يا ريت اللي يرد عليا يديني اجابه كامله... انتم طبعا مشكورين ان انتم بتردوا عليا ...
لكن كل واحد بيقوللي جزء من اللي انا عايز اعرفه...انا هقولكم اللي بيحصل عندي وياريت حد يجاوبني اجابه وافيه.....
اولا: عندي دكر ونتايه دره ( الدكر بطوق و النتايه من غير ) والدكر كل ما يحاول يقرب منها بتضربه وهو بيخاف مني ...اما النتايه فشرسه اوي بتاكل من ايدي بس بتبقي عايزه تعضني ولو معرفتش بتقلب الاكاله...
ثانيا: المفروض انا اعمل ايه ... افصل الدكر عن النتايه... ولو فصلتهم اخلي مين في القفص اللي فيه العش ... و ازاي اخلي الدكر ميخافش مني .. وازاي اخلي النتايه هاديه...
واخيرا . انا عايزهم يبقوا كويسين مع بعض ....
وشكرا جزيلا.... واسف للاطاله...
رجاء اجابه وافيه.......

[عبدالرحمن المسفر]

والله لو أعرف كنت حجاوبك بس انا مثلك معرفتي مش قوية آســـــــفــــــــ

[Amr Diab]

ماشاء الله محدش رد عليا .... المنتدي ده باين عليه مفيد فعلا

[ASD2006]

السلام عليكم اخ عمرو:
اولا اذا اردت اجابة سريعة فاسال مشرفى المنتدى وهم مبيتاخروش فى الرد على اى احد.
المهم بالنسبة للزوج اللى عندك شيل العش الفترة دى وحطه لما الدنيا تبدأ تدفى لان الدنيا دلوقتى برد شوية.وموسم تزاوج الدرة لما يكون الجو دافىء.
اجعل الذكر فى قفص التزاوج لوحده لمدة اسبوع كامل واعزل الانثى فى اى قفص تانى وياريت لا يكونوا شايفين بعض.
بعد كده ابدأ بتجويع الاتنين ومتقلقلش الدرة من اكتر الطيور اللى بتستحمل .
جوعهم لمدة يومين واتركلهم الماء فقط.ثم اليوم الثانى على المغرب كده البس جونتى تقيل او كذا جونتى عادى صوف فوق بعضه ثم ضع ادخل يدك داخل القفص للذكر وانت تضع حبة فول سودانى فى كف ايدك وثبت ايدك قريب من المجثم او الخشبة اللى واقف عليها الذكر طبعا كل ده بهدوء ولو الذكر هاج مش مهم ثبت ايدك برده وهو ها يهدأ ومن 5- 10 دقائق هتلأيه بيقرب منك وطبعا خليك ثابت لحد لما ياكل السودانى.
ثم كرر العملية دى 3 مرات وبس .
ومتطحطش اكل له.وباقى الاسبوع كل يوم تعمل معاه نفس الكلام وتاكله من ايدك ومتحاولش تزعجه علشان ميفقدش الثقة فيك.
نفس الكلام مع الانثى بس لو حاولت تعضك سيبها لحد لما تحس انك لا تتاثر وهى هتبطل مع الوقت.
بعد اسبوع حط القفصين بجانب بعض واتركهم كده لمدة 5 ايام وحط للذكر لب سورى عادى والانثى متحطلهاش بس تكون شايفة الاكل اللى عند الذكر ثم رجع الانثى للذكر بعد الخمس ايام وان شاء الله تكون مشكلتك اتحلت .
بعد كده حطلهم اكل عادى (لب سورى) وعلى المغرب والصبح بدرى ابقى اديهم بالجوانتى سودانى من ايدك كأنه مكافاة ليهم ومع الوقت حاول تديهم اكل بيدك بس من خارج القفص رلغاية ميتعودوا على شكل ايدك.
لو الانثى ضربت الذكر مرة اخرى الافضل تغير الانثى.
والسلام عليكم ورحمة الله وبركاته