السلام عليكم
انا عملت اللى عليا وقولت الدكاتره مايدخولوش.. وبس!
كلمات و جمل ماتزعلش حد ، إلا لو سمعتها من دكتور و انت فى أوضة العملياتك:-
- يالهوى!
- هيييييه النور جه!
- طيب اذا كان ده البنكرياس ، أمال اللى طلعناه ده يبقى ايه؟
- حد شاف الدبله بتاعتى؟
- طب أقوله ايه لما يفوق؟
- ياما ربنا بيخلق عجايب ، ماحدش معاه كاميرا يا اخوننا؟
- ولا حركه ماحدش يخيط ، أنا مش لاقى الكونتاكت لنسز بتاعتى!
- ياجماعه تعرفوا إذا كان حد عاش بعد ما خد 500 مللى من الهباب ده؟
- شيل ايدك ، الحاله دى بتاعتى أنا ، ولا هى الكحكه فى إيد اليتيم عجبه؟
- آه ياعينى! والله مانا سايبك!
- حد يسكت الزفت اللى بيدق ده ، مش مخلينى عارف أركز!
- إنت متأكد إن الحاله عارفه ان شكلها حيبقى كده بعد العمليه؟
- ريحة شياط؟ ...حريقه......حريقه....!!
- مسمار بلاتين مين يابه، شوف له أى مسمار من الوكاله ، عياله أولى!
- ياراجل توكل على الله ، ماهى الأرضيه برضه معقمه!
- عقمى السباك و دخليه بسرعه ، النيله ده بيخر!
- يابت مش وقته ، العيان قرب يفوق!!
- الله يخرب بيتك ، ده عصب يابنى مش أستك بتاع نبله!!
- يامامى، دم؟
- طيب ده شريان ، وده وريد ، وده عصب ، أمال ده يطلع ايه؟ حبل غسيل؟
عاوز ردود الناس العسل
تحياااااااااااتى
نوادر وممنوع دخول الدكاترة
المشرف: المشرف
قوانين المنتدى
الرجاء الاطلاع على قوانين التجمع قبل المشاركة:
قوانين التجمع الدولي لعلم الطيور
الرجاء الاطلاع على قوانين التجمع قبل المشاركة:
قوانين التجمع الدولي لعلم الطيور
-
muhammed_farouk
- عضو فعّال
-
اشترك في: سبتمبر 30, 2006 العمر: 47 مكان: ALEX-EGYPT المواضيع: 279 مشاركات: 4019 الأوسمة: 1 
Yahoo Messenger: muhammed_farouk2011@yahoo.com اربي ما يلي: طائر البادجي
نوادر وممنوع دخول الدكاترة
| التوقيع |
|---|
*الاسكندرية عروس البحر الابيض المتوسط*  |
