اهل الخبره في الببغاء

[كوكو شانيل]

ابي اعرف شلووون اخلي الببغاء ينطق الكلمات الي اقولها له
ويحفظهم مع العلم انه كبير مو صغير حتى يدرب على الكلمات
وكيف اخليه يطلع على يدي مع اني والله مو مقصر معاه في شي
بس هو باين عليه راعي مصاالح لما يشبع من الاكل يطنش اي شي
اسويه انا وكاني مو موجود معاه في الغرفه اقوله
ياهووه عطونا وجه بلااش الثقل وما في فايده لا حياة لمن تنادي
ولما يشووف معاي حب شمس يتقرب مني وهو في القفص
يعني يبي ياكل وبعدها ترجع حليمه لعادتها القديمه .
وماسك على صووت القطو يقلده وعبود ما دري من هذا
بعد وانا ما بقى شي ما قلته له ولا اشووف منه اي قبوول
حتى البطاقه الشخصيه وريتها اياه ابي اعرفه بنفسي
وحااااااااااااااقرني . !!!!!!!!!!

[الشامسية]

هههههههههههههههههههه اخونا كوكو شانيل ضحكتني
بسالفة ببغائك حلوة هذي بطاقتك الشخصية ههههههههه

والله ببغائك نفس حالة واحد من الببغاوات اللي عندي
شريناه وهو كبير وسبحان الله من يبناه وهو مطنش عالآخر
حتى احس انه ما يحبنا وكل حاقد علينا ههههههههه
بس من احترم نفسه وبدا يتعلم الكلام وبعد باقي له وايد
لكن وين بيروح انا وراه والزمن طويل

ملاحظة انه يفضل قبل ما تعلمه الكلام تحاول يكون أليف معاك
عشان يستجيب لك بشكل أسرع ...

لاحظ اللي كتبته خلال هالموضوعين ..

viewtopic.php?t=1782

viewtopic.php?t=1785

بس ما بقولك انه في هالسن ما يتعلم لا بالعكس يتعلم لكن
أبطأ من الببغاء الصغير .. خاصة لو انه ما تدرب أبداا من صغره
راح يكون عنيد جدااااااا وهني لازم تطول بالك معاه ...

اولا بخصوص تعليمه الكلام في طريقتين حاول تبدأهم وشوف النتيجه
ورد علي طبعا ما بيتعلم بسرعه بس لازم ما تستسلم بعد ...

اولا اعزله في غرفة هادئة واحرص انه بعيد عن الازعاج والجو المتوتر ..
وطفي الضوء يعني خل المكان شبه مظلم ,, وانت اوقف خارج الغرفه عند
الباب وافتح الباب شوي بحيث انه ما يشوفك نهائي .. وابدا كلمه
عطه في البدايه كلمات يعني كلمة وحده رددها اكثر من 100 مرة
وبهدوء بدون ما ترفع صوتك وايد وبدون ما تسرع في نطق الكلمة ...
وبعد ما تخلص اغلق الباب لمدة نصف ساعه وبعدين طلعه اذا بقيت ..


ثاني طريقة وهي عند الاكل قلت انه لما يشوف في ايدك اكل
يروح صوبك ( قمة المصلحة ) ههههههههه لازم تستغل هالنقطة
انك تشيل عنه كل الاكل اللي في القفص .. وتأكله دائما بايدك طول ما انت معاه .. وانت تأكله بايدك تقوله كلمات وايضا في طريقة المسجل انك
تسجل مثلا كلمات وتشغل المسجل عنده وهو يسمع ويتعلم .



وخبرنا بآخر اخبار ببغائك
بدون البطاقة الشخصية تراه ما يعرف يقرا ههههههههههه

[كوكو شانيل]

مشكووووووره اختي الشامسيه
الله يكون في عون الببغاء الي عندك
باين عليك ناويه نيه شينه
(( لكن وين بيروح انا وراه والزمن طويل )) !!!!!!

بعدين حلووه طريقة الغرفه الظلمه عجبتني بجربها اليوم معاه
ومن ناحية الهدووء انا معطيه جنااح كامل بالبيت لي انا وياه
والله دلعه بس هو مو كفو من ياخذ الي يبي ينكر على طوول
وانا جربت معاه طريقة ترديد الكلام وانا اعطيه الاكل ما نفعت وياه
اما المسجل واشغله له !!!!! بصراحه مابي اتهوور واشغل له مسجل
اخاف بكرا يبي اووديه عن الستلايت وشوي شوي يتاابع بكرا
افلااام هنديه .
البارحه سهراان انا وياه بالغرفه ولماشفته مطنشني
وما يبي اسوولف وياه اهديت له اغنية الجسمي با ودعك
وبعد نفس الحكايه ما حن علي ابد .
رحت انام وهو عند راسي كله تصفير ذكرني
ايام مدرجات الملاعب .

[عبده أبو سير]

وماسك على صووت القطو يقلده وعبود ما دري من هذا

ممكن انا, فالبعض ينادوني بعبود.
سلم عليه كثير انا اشتقته له جدا.

تحية اختي العزيزة الشامسية.
الله لا يحرمنا من مشاركاتك الجميلة.

[كوكو شانيل]

مشكور اخوي على مرورك
والله انا معقدني عبوود هذا بس باين الشخص الي ما خذه بعد
المدعو عبود باين انه لاعب في الطير لانه صغير بالسن ويقولي اتركه
بالبيت نلعب عليه انا واخواني !!!! جلست افكر شووي يلعبوون عليه
كوره هو باين عليهم مطينين عيشته المسكين حتى انه بدى ينتف ريشه
واختي الشامسيه تقول
(((( حطه في غرفه وردد كلمه مائة مره ))))
اردد 100 مره مستحيل يجيني النوووم وانا ما وووصلت الخمسين
يعطيكم الف الف الف عافيه ويوصل سلامك انشاء الله .