انا كنت محتار اكتب موضوعى ده فاى قسم من اقسام المنتدى لكن حبيت انى اكتبه فمنتدى النكت لانه فعل نكته كبيرة اليوم وانا على النت لقيت بالصدفة منتدى عن الحيوانات و الطيور و قلت ادور فى المواضيع المهمة يمكن يكون منقولة من منتدانا لكن الحمد لله الماضيع بتاعتهم من انشائهم لكن للاسف ياريتها كانت منقولة المهم لقيت موضوع عن الكنارى فيه العجب
اولا شرح للانواع بالصور يودى فداهية
الرولر اتقلب بقدرة قادر ريد فاكتور
و الجيبسو بقى اسمه يورك
و الادهى من كده ان مجموعة من الwild finch لا اعرف اسمائهم بقو السورى و التيمبرادو و الصراحة باقى المعلومات معقولة هى مش من خبير و مش كاملة انما مش كارثة زى جزء الانواع
الجزء الغريب بقة هو مداخلات الاعضاء كلها شكر و امتنان مش معقول مفهمش واحد بس عارف انواع الكنارى و يعترض لا و فى عضو اكتشف معجزة و هى احدث طريقة لتحديد الجنس
ان الذكر يقف و صدره مرفوع لاعلى اما الانثى بتقف موازية للمجثم يعنى لو عندك كنارى بيصفر و جسمه موازى للمجثم قوله عيب عليك انت اكيد انثى بس مش واخد بالك
بايخة دى المهم الموضوع ده مش غرضه التريقة على المنتدايات الاخرى لكن ده اجابة على بعض التسائولات ليه المربى العربى ميوصلش لمستوى المربى الاجنبى لان اى حد بيتبرع و يفتى باى حاجة مش مهم انه يتاكد من كلامه انما المهم انه يقول اى كلام و خلاص يعنى فيها ايه لو كان الى كتب الموضوع اتاكد شوية من كلامه قبل مينشره و ياذى الى معندهمش خبرة و الهواة الجداد
الحمد لله الى هدانا للمنتدى ده
و احب اشكر الاخ عبده ابو سير على هذا المنتدى الاكثر من رائع و الى هو احسن منتدى متخصص فالطيور فالعالم العربى بدون مبالغة
