قطط للهبة أو للتبنى إنقذوهم

[samar470]

لقد قامت قطة جارتى بالولادة منذ حوالى 3 أشهر و طبعا وجود الصغار فى منزلها وشقاوتهم خلاها تتهور و ترميهم بره كلهم بأمهم و ده أخر اللى حصل هم موجودين حاليا عندى فى الحديقة أقصد مقيمين و أقوم برعايتهم خصوصا بعد إصابتهم بمرض فى عينهم روحت للدكتور و بيتحسنوا على العلاج الحمد لله جدا بس المهم الأم من ساعة الولادة و هى مش بتاكل خالص و تقريبا كده النهارده تعتبر إمتنعت عن الأكل خالص بس بأشوفها بتشرب ميه بس بأحاول أنوع لها سمك أو سلمون أو فراخ أو جبن مثلثات و حتى اللانشون و مافيش فايده مش عايزة تاكل خالص و أنا خايفة عليها مش ممكن تعيش على الميه بس ده غير إنى عندى قط ذكر بأرعاه و من نظراتهم كده فيه غيرة من بعض مش عارفة أعمل إيه معاها و مش ممكن أديها شرب بالسرنجة إستحالة مش حتسكت خالص و حتقولوا لى أقراص إزاى و هى مش بتقرب للأكل كنت حطيتها فى وسطه والحل إيه هل ده بفعل الحر ولا إيه ؟ ياريت دكتور شادى يرد عليه

ده غير إن ولادها لسه بيرضعوا منها بجانب الأكل دول حوالى 3 شهور دلوقتى و مش عايزة تفطمهم خالص هل مش حتفطمهم إلا لما ييجى الموسم الجاى وتحمل تانى فتقطع الرضاعة ولا إيه دلونى المفروض إنهم كبرا خلاص و بأشوف أصغر منههم مفطومين ده غير إنها ودانها مع أى صوت حولها و نظراتها مشتتة و زايغة فيها خوف و ترقب و دايما بتراقب الجنينة من وجود أى قط دخيل و مشغولة دايما على عيالها فوق الطبيعى و ده حتى مش مخليها تركز فى أى أكل كمان و مش عايزة أى قطة غريبة تنزل الجنينة و ما ينفعش تدخل البيت بعيالها
أنا خايفة تموت
أرجوكم ساعدونى فى حل هذه المشاكل

أنا وديتها للدكتور فيه مستشفى بيطرى كويس عندنا إسمه مستشفى الخيرى لرعاية الحيوان بالأسكندرية و قام مجموعة من الدكاترة بالكشف عليها وقاسوا لها الحرارة و كله و فحصوها جيا قالوا لى هى ما عندهاش مرض عضوى لكن نفسيا مكتئبة و أعطوها حقنة تراى بى و قالوا لى ممكن تحطولها المصل البودرة ده فى الميه لكن هل ده كافى ليها هى بتشرب بس مش كتير أنا خايفة تموت منى و بأحاول أحن عليها لكن مش متقبلة منى حاجة خالص حتى أولادها بأضطر أحط لهم لبن على طول عشان يخفوا من عليها ثم إن أولادها كبار مش بتوع كرتونة دول طول الوقت بيرمحوا فى الجنينة و أصبح حجمهم كبير لكن واضح إنها مش حتفطمهم غير لما ييجى الموسم الجاى و نشوف لها عريس و لما تحمل تانى ممكن تبطل رضاعة
حتى جارتنا علمت بحالتها وإنى وديتها للدكتور و إن عندها حالة نفسية إستهزأت من موضوع العامل النفسى ده وقالت ما تموت ما حدش بيعيش أكتر من عمره أنا حاسة إنى حأخنقها من برودها

المشكلة الأكبر إنى مقيمة حاليا مع والدتى فى الفيلا و لكن جوزى جاى قريب من السفر و أكيد حنسيب البيت هنا و أروح معاه و حنروح مصيف والقاهرة وطبعا ما حدش حيسأل فيهم حيموتوا من الجوع فلازم ألاقيلهم مكان أمن بالنسبة لهم و مش عارفة أعمل إيه أما قطى الذكر فحتاخده واحدة المشكلة فيهم أعمل إيه ساعدونى

على العموم أنا بأعرضهم للهبة أو التبنى عشان أنقذهم من اللى هما فيه و إذا أى حد عنده غرض ينقذهم يكلمنى

وشكرا
سمر

[king of birds]

ممكن اعرف نوعهم و السن و اللون و السعر المطلوب

[samar470]

يا أخى الفاضل أنا مش بأبيع دول للهبة و للتبنى و هما نصف ماو وواحدة أبيض فيها جزء مشمشى و عمر الأم حوالى سنتين و القطط 3 شهور هما بس محتاجين بيت يلمهم و حد يحن عليهم ويأويهم مش أكتر لأن ظروفى لا تسمح وهما أصلا قطط بيتى ووضعهم فى الشارع فيه هلاكهم عشان كده لما إتدهور بيهم الحال جدا أخدتهم عندى فى الجنينة لحد ما ألاقى حد يراعيهم
وعلى فكرة أنا من مدينة الأسكندرية -مصر

سمر

[Ramroum_102]

والله يا ريت لو كنت بمصر لاني عايشة بلبنان.
وبالنسبة لجارتك لو كنت محلك كنت خنقتها او دبحتها لبرودتها و عدم اهتمامها.

[nasr]

يا اخت سمارة....
انا من مصر.....بصراحة القطط صعبوا عليا جدا جدا....ونفسي اتبناهم واقوم برعايتهم
بس ممكن اشوف صورة للام و لابنائها....عن طرية محمول او كاميرا علشان اعرف نوعهم ايه بالظبط...وبعدين نتفق علي اتبناهم؟؟؟
وشكرررررررررررررا
nasr

[samar470]

أخى الفاضل

لقد قامت إحدى عضوات منتدى آخر بتبنى الأم و قطتين معهم و أمس تبنت إحدى المعارف واحدة و فاضل عندى قط ذكر واحد لو تحب تشوف صورته إبعت لى فى رسالة خاصة بريدك الألكترونى وأنا أبعت لك صورته عليه بس المهم أنا شايفة إنك من السويس قبل ده كله ممكن تيجى تاخد القط إزاى لإن القطط مش ممكن تتحمل الحر و ممكن يفطس فى السكة لا بد من وسيلة مواصلات مكيفة و ثانيا أحب أعرفك ممكن ركوب الحيوانات السوبر جيت فممكن أعرف إزاى نحل المسألة دى الأول

سمر

[samar470]

أقصد ممنوع ركوب الحيوانات السوبر جيت

[nasr]

السلام عليكم
خسارة والله يا اخت / سمر.....لكن معلش . وبالنسبة للقط الذكر اللي فاضل مش هينفع اتبناه لاني عندي قط رومي في البيت...ووجود قطين ممكن يسبب لي مشاكل و خناقات.....انا كنت ارغب في القطة الام هذه لازوجها للقط بتاعي ( موزي) ...علي العموم اكيد فيه حد تاني عنده قطة و سوف ياخذه لها....
سلام
nasr.

[Ramroum_102]

كيفك يا نصر ليه مش عم بتبين هالايام

[nasr]

هاي...
معلش اصل كنت مشغول اليومين دول ...وانا الان فضيت
شكرررررررررررررررررااااا
سلام