انثى غريبة جداااااا

[egy rose]

السلام عليكم

عايزة اقولكم عاى حاجة حصلت معايا ومش عارفة سببها


عندى زوج باض وقعد فترة وبدات الانثى تكسر البيض الغير سليم وتخرجة برة العش

لكن فى الاخر فقست بيضة واحدة من وسط 6

المفروض الانثى تاكله وتعتنى بية

لكن تركتة ووقفت على باب العش

فتحت لقيت بيضتين باردين جدااااااا والصغير وكان بارد لكن لسة عايش وماكلش اى شئ خالص وتقريا كان هيموت

نقلتة بسرعة عند انثى تانية عندها بيض لكن لسة مفقسش وقلت يمكن تأكله مع ان قيل لى ان مش هتأكلة علشان هيا معندهاش صغار لكن الحمد لله فتحت لقيتها اكلتة وبرضة راقدة على البيض اللى اعتقد انة مش هيفقس لانة طول اوى

ملحوظة
الانثى اللى تركت ابنها كانت المرة اللى قبلها عندها 3 ابناء وكانوا بصحة جيدة جداااااا
وبعد ما شلت ابنها عايزة تبيض على طول وبطنها منتفخة

ومش عارفة لية حاسة ان كل الازواج المرة دى مش هيفقسوا هل دا علشان الحر ولا اية مش عارفة

مع ان الجو مش حر اوى هنا بس انا عايزة اعرف رايكم

[BOUDY]

وأنا كمان بنضم لهالموضوع لأنو عندي نفس السؤال عن التفريخ في هذا الحر الشديد خاضة ومدينتي ساحلية والرطوبة خانقة..الأنثى في أغلب الأوقات تقتح جانحيها نصف فتحة عشان التهوية

[عبده أبو سير]

السلام عليكم:

ارحب بك اخي الكريم BOUDY, من جديد واهلا وسهلا بك.
فغيبتك طالت ونسأل الله لك التوفيق.

[egy rose]

اة بالظبط انا كمان كل الاناث بتطلع تقف برة العش وتفتح جناحتها

واول ما بحطلهم ماء للاستحمام بيهجموا علية

مع ان الدنيا برضة مش حر للدرجادى بس فى رطوبة من البحر

[جابر عبد الله]

كثر النقاش في هذا الموضوع و تعددت الاراء ، و لا زلت عند رأيي بل ازداد يقينا كل يوم بضرورة اعطاء الازواج فترة راحة و الافضل ان تكون في فصل الصيف الحر .
و كتبت اكثر من موضوع في هذا الشأن , و اكرر ما قلته سابقا " انثى البادجي ليست ماكينة تفريخ " فهي ليست غريبة كما قلتي هي تعبانة و حرانة و زهقانة و كرهت عيشتها .
ارحموا من في الارض يرحمكم من في السماء .

[pavel nedved]

السلام عليكم و رحمة الله و بركاته

يا اخواني و الله العظيم الموضوع ده مش هزار ولا كلام كده في الهوا

بعد رد اخي جابر عبد الله و بعد قراءة المواضيع المثبتة له و بعد قراءة هذا الموضوع عن مشكلة الاخوة في طيورهم اصبح من الضروري عدم تعليق الاعشاش في فصل الصيف و ان تاخذ طيورنا وقت من الراحة صحيح ان الهاوي و المدرب و الخبير و حتي التاجر اسعد لحظة في حياته رؤية الصغار و كبرهم خطوة بخطوة و لكن الاسعد علي الاطلاق رؤية طيورنا في ازدهار صحيا قبل جنسيا و كمان مش هيحصل حاجة يعني لو ريحنا الطيور شوية منها ترتاح و منها احنا كمان نرتاح ......... و بعدين الصغار مش هينقرضوا يعني و بعدين يا اخي اود ان توفر جهودك و جهود طيورك في هذا الفصل المؤلم لهم فمثلا اشغل وقتك معاهم برده مش بقولك ابعد عنهم و لو علي سبيل المثال اهتم بتنظيف حجرتهم جيدا قدم لهم الفيتامينات التي تعوضهم عن هذا الجو الحار و ما يفقدونه من جهد و لهث او حتي اعد ترتيب حجرة طيورك او اعشاشهم و نظفها جيدا حاول باي طريقة تشغل وقتك معاهم مش بقولك اهجرهم و صدقني مش هتخسر جرب كده الصيف ده و شوف النتيجة في الشتاء و في بقية الفصول و شكرا

[egy rose]

شكرا للاهتمام والرد السريع


ان شاء الله بريحهم الصيف دا اول ما البيض يفقس مش هخليهم يبيضوا تانى وهشيل الاعشاش لانى بربى فى اقفاص منفصلة

انا بالفعل اليوم رفعت عش منهم ولسة باقى الاعشاش

لكن هل كدة الانثى هتبيض على الارض ولا هتوقف بيض خالص انا شيفة بطنها منتفخة

[OPALINE]

بالنسبة لكٍ اختي egy rose

لاتقلقي على الانثى حدثت معي هذه العملية
اذا كانت الانثى على وشك ان تبيض فستبيض بيضة واحدة هذا اذا كانت البيضة مكتملة داخلها

وشكراً