استفسار عن ايفرمكتين

[عصام محمد]

فى فاش عندى فى العصافير وكنت قريت فى المنتدى انا علاجه باضافة الايفرمكتين على الماء بنسبة ا سم على اللتر او وضع نقطتين على الطائر بس لما اشتريت الدواء مكتوب عليه للحقن فقط فارجو الافادة اذا تم وضعه فى المساقى بواقع 1 سم للتر هل يضر بالعصافير لأن فى فاش فى الزغاليل والكبار ولا استطيع اضع على كل عصفور كمان علشان فاعلية الدواء فارجو الافادة وشكرا

[pavel nedved]

السلام عليكم و رحمة الله و بركاته

اخي العزيز من يومين اتكلمنا علي التحصين الطيور و ايضا الفاش و علاجه

بخصوص الايفرميكتين ممكن ان يكون في صورة حقن او عن طريق الفم او دهون موضعي و لكن الاشهر هو استعمال الحقن مقدار 3 او اربع نقط خلف رقبة الطائر او اخذ واحد سم 3 في لتر ماءو يوضع في المساقي لمدة 24 ساعة و يعاد بعد اسبوعين و يفضل ان يستعمل مرتين في السنة للوقاية

فهذا رابط للادوية قد وضعه الاستاذ جابر عبد لله قبل السفر ممكن تقراه لعله يفيدك.

https://www.canaryfans.com/drugs.html

[عصام محمد]

شكرا على الرد السريع وانا قريت موضوع الاستاذ جابر بس العبوة مكتوب عليها ايفرمكتين 1%للحقن تحت الجلد فقط ولما سألت الأنسة اللى فى الصيدلية انه ممكن يوضع فى المساقى كما قرأت استغربت وقالتلى معرفش كمان قريت موضوع للأستاذ احمد حلمى وماقلش انه بيوضع فى الماء وقريت موضوع استاذ جابر اللى موجود فى الرابط واستفدت كثيرا بس حصل تشتيت وانا افضل ان اضعه فى المساقى فلذلك باتأكد من حضرتك لأنى اول مرة استخدمه وشكرا على سعة الصدر وهذه معهودة من كل الاخوة المشتركين وربنا يرجع الاستاذ جابر من العمرة بالسلامة وسؤال اخر حضرتك تعرف هاوى عنده انجليزى جيد للبيع وشكرا مرة تانية

[pavel nedved]

السلام عليكم و رحمة الله و بركاته

لا شكر علي واجب اخي العزيز

اما بخصوص الانجليزي للبيع فلا اعلم و يجب وضع هذ السؤال في منتدي السوق لعل احد يعرف و تقدر تتصل بيه

[عصام محمد]

حضرتك ماقريتش نصف الرسالة الأول ان العبوة مكتوب عليها للحقن فقط فممكن تستخدم فى المساقى وشكرا

[ابو جميلة]

السلام عليكم ورحمة الله وبركاته

اخى الحبيب عصام ان شاء الله الدواء الذى يوضع للطيور فى الماء موجود فى سوق السيدة عائشة وانا اشترى منه كل عام وهو يعطى نتيجة جيدة ان شاء الله ولكن اعلم البائع انك تريد الذى يوضع فى الماء والله الموفق

والسلام عليكم ورحمة الله وبركاته

[عصام محمد]

شكرا على الرد اخى ابو جميلة انا اشتريت الدواء من الصيدلية ليكون هناك ثقة لأن السوق من الممكن ان تكون التركيزات مش مضبوطة وانا اخاف من ذلك وسؤالى كان اذا كان يستخدم فى الحقن فمن الممكن ان يضاف فى المساقى ولأنى لم اجربه قبل ذلك فأردت أن اتاكد من شخص جربه وشكرا على الرد

[Pass]

اخي انا استعمل نفس الدواء الذي للحقن واضعه في المساقي.
تحياتي

[pavel nedved]

يا اخي العزيز نفس الدواءالذي يستخدم في الحقن يستخدم في المساقي الاختلاف الوحيد هو التركيز و اظن اني ذكرتهولك

يعني ممكن حضرتك تاخد واحد سم3 من الدوا اللي مكتوب انه حقن و تضعه في المساقي و ان شاء الله تكون طيورك في اجمل صورة شافاها الله و عافاها

[عصام محمد]

شكرا للأخين pass و pavel على الرد وعفوا على كثرة الأسئلة لأن اللى موجودين فى الصيلية شككونى شكرا مرة ثانية