استشاره لاصحاب السلاكات

[legend55555]

انا عندي مجموعه من طيور البادجي حوالي 12 زوج انا وضعهم في اقفاص وبصراحه هما الوان جميله جدا ومميزه لحد كبير ومعظمهم اشتغل والحمد لله بس انابفكر اني اعمل سلاكه كبيره حوالي 360سم طول في 110سم عرض في 280سم ارتفاع واسيبهم فيها بس متردد
ومحتاج راي حضرتكم طبعاً في الفكره ده
انا عارف ان من عيوب السلاكات عدم التحكم في التزاوج بين الازواج بس هما فعلاً متالفين مع بعض
وانا مربي مجموعه من البادجي مع بعض بس بدون ان اشغلهم مع بعض ومفيش مشاكل خالص الحمد لله
بس حاسس ان السلاكه هتعطي للطيور مساحه افضل للتحرك والطيران وكذلك الزغاليل هتاخد راحتها فيها
فيا تري ايه راي حضرتكم في الفكره ده ؟

[ابو جميلة]

السلام عليكم ورحمة الله وبركاته

اخى الحبيب فكرة السلاكه فكرة رائعة وذلك فى اعطاء الطيور الحريه فى الطيران ويقوى اجسامها ولكن عزيزى حاذر من ان يكون هناك ازواج غير متوالفة وكذلك ازواج متوحشة الى حد ما ذلك بالاضافة الى الحجم المناسب للسلاكة وطالما اخى العزيز المكان مناسب للازواج وفروخهم وكذلك الازواج متوالفين من قبل فلا مشكلة ان شاء الله

ولكن ميزة الاقفاص انها تعطى مجالا للاحتراف والتخصص فى انتاج الالوان والله الموفق

والسلام عليكم ورحمة الله وبركاته

[crest10]

السلام عليكم

اخي اذا كنت لاتبحث عن انتاج اللوان مميزة فقم بصنع سلاكة واطلق كل الطيور بها...
اما اذا كنت تبحث عن نوعيات واللوان مميزة فقم بصنع اقفاص صغيرة لكل زوج وحده...

تحياااااااااااااااااتي

[legend55555]

شكراً لكم اخواني علي المشاركه وابداء الراي
انا عارف ان من عيوب السلاكات عدم القدره علي التحكم في تزاوج الطيور ببعضها
وبالتالي عدم القدره علي انتاج الصفات المرغوبه ولهذا السبب قمت بتزويج الازواج التي ارغب فيها في اقفاص والحمد لله تم التالف فيما بينهم عشان كده بفكر لما هيتنقلوا مش هيحصل مشاكل بل بالعكس هيبقي في مساحه اكبر بكتير تعطي للطيور حريه في الطيران
انا خوفي كله ان سمعت ان ممكن تحدث مشاكل عند سقوط زغلول مثلا صغير العمر من البياضه
فهل ده صحيح انا جربت قبل كده كتير التزويج في سلاكات ولكن كانت صغيره وكان عدد ازواج لا يتعدي الخمس ازواج وكان معظمهم متربي من صغره في نفس السلاكه
وميزة السلاكه اللي انا محتاجها اني ممكن اسيب الزغاليل تتزاوج مع بعضهم في نفس السلاكه وبرده بنفس الطريقه عزل الزغاليل بعد البلوغ في قفص حتي يتم التالف مبينهم ثم بعد ذلك اقوم بنقلهم مره اخري
وكده اكون حفظت عالسلاله و اعطيت للطيور مساحه جيده للطيران
وسوال تاني بسيط ياريت راي حضرتك فيه
انا بفكر اعمل السلاكه بنوع من السلك مميز جدا وهو نفس السلك اللي بيستخدم في اقفاص الكوكتيل بنفس المسافه بين السلوك و اعمل كل حاجه مطلوبه فيه بسهوله وده طبعا عند واحد متخصص بس مش عارف لو عملت حاجه زي ده اضع البياضات للطيور داخل السلاكه ولا اضعها من الخارج مثل الاقفاص بنفس الطريقه وخاصة ان البياضات هتوضع علي ارتفاع مبين ال200سم و280 سم يعني هتكون مرتفعه وممكن انظر عليها بسهوله بدون الدخول عند الطيور بداخل السلاكه . ياريت اشوف راي حضرتكم في مشكلة البياضات ده ايه ؟

[pavel nedved]

السلام عليكم و رحمة الله و بركاته

فكرة جيدة جدا اخي انك تضع البياضات خارج السلاكة بغض النظر عن ما نراه من بعض الاخوة ففي صور طيورهم

فوجودها في الخارج يعطي مساحة اكبر للطيور داخل السلاكة

تعطيك انت مساحة انك تكون كاشف السلاكة كلها و انت بتمر عليهم

اثناء فحصك للاعشاش يمكنك رؤيتهم بوضوح و هم في الخارج بدون ازعاج للطيور

و لكن هل عرفت كل عيوب التربية في سلاكات في ابادجي بالذات

اعطيك سؤال ماذا تفعل اذا مرض لديك طائر لقدر الله و طبعا من الممكن انك مش تلاحظ علشان الاعداد هتبقي كبيرة فينتشر المرض فيه و في الطيور لقدر الله

[legend55555]

شكراً لك اخي علي اباء رايكفي الفكره
بصراحه انا الحمد لله بربي من فتره طيور في سلاكات لكن سلاكات صغيره تكون للشباب
وده اللي شجعني اني اربي في سلاكات كبيره وده لسبب اني بهتم بالطيور اللي في السلاكه بسهوله بالنسبه للادويه والفيتامينات لو في نوع اكل وضعته لهم كلهم بيشجعوا بعض عليه بعكس الاقفاص ممكن زوج ميقبلش علي نوع معين من الاكل وده حاجه ضيقتني
بالسبه للامراض ربنا يستر بس انا بربي من حوالي 10 سنين والحمد لله عمري مكان عندي مرض معدي وجماعي وانا اي فرد بشعر انه مريض بعزله بسرعه واظن في السلاكه هلاحظه اكتر عشان اكيد حركته هتظهر قوته
انا اللي مشجعني علي الفكره ده اني انا مربي الطيور في غرفه خاصه بيهم وكل زوج في قفص منفصل بس سايب في الغرفه فروع اشجار ليهم واحيانا بفتح السلاكه للمجموعه يطيروا في الغرفه انا مامنها كويس فبلاحظ ان في نشاط و ان الطيور سعيده ونشيطه عشان كده بفكر اعملهم سلاكه كبيره