صور لمجموعه من طيوري

[legend55555]

انا حبيت اعرض الصور ده لمجموعه من طيوري لاعضاء المنتدي الكرام
يارب تعجبكم وياريت لو في ملحوظه علي الطيور عشان استفيد من خبرتكم وتجاربكم
دف فرد كنت شاريه من احد المنتدي وعمره دلوقتي حوالي 7 شهور



وده صوره لانثي انا كنت شاريها زغلوله والحمد لله اشتغلت وبقت من افضل الازواج عندي



وده صوره لزوج من الاسبنجل



وده صوره لمجموعه من الطيور اللي انا بحبها جدا









وده صوره لانثي البينو





















وده صوره لمجموعه من السلاكات التي استخدمها ورغم وجود الاقفاص اللي اني لا افضلها
ولكن اضعها لتجربة الازواج الجديده فيها



وده صور للبياضات المستخدمه وهي تساعد علي تجنب سقوط البيض اثناء مراقبة الازواج



وده صوره لزغلول تم اطعامه باليد من عمر 13 يوم تقريبا والحمد لله اعتمد علي نفسه



وده صورته مع اخواته تربية ايدي برده وكنت بشوف مدي نشاطهم وقدرتهم علي الاعتماد علي نفسهم



اتمني ان الصور تكون عجبت حضرتكم وياريت اسمع راي الاعضاء ونصيحتهم وبالاخص استاذ جابر واستاذ ابو جميله واستاذ pavel واستاذ crest
وكل الاعضاء المحترمين

[adam_7003]

الف شكراخي الفاضل

[legend55555]

الشكر لله وحده اخي الفاضل
وشكرا لك علي الزياره واتمني ابداء رايك او اي ملحوظه تراها في الطيور او نظام التربيه

[جابر عبد الله]

ما شاء الله
مجموعة جميلة و متنوعة من الشوش
شد انتباهي منها الذكر في الصورة الاخيرة قبل صور السلاكات
و كذلك الانثى الالبينو
بارك الله لك في كل طيورك ووفقك لما ينفعهم

[legend55555]

شكرا لك استاذي جابر عبد الله علي مرورك الطيب
وللاسف الذكر ده انا بعته ب 17 جنيه عشان كان بياكل الريش وعشان اللي بعتهوله قولتله علي عيبه بس الحمد لله انا عندي 5 زغاليل منه منهم الثلاثه الاخر في الصور واتنين تانين شبهم بس للاسف انا معرفتش اعالج مشكلته فاضطريت ابيعه وانا اتصور ان الزغلول اللي في الصوره ممكن يطلع نفس شكل الشوشه بتاعة ابوه

[dentistfox]

معليش اخي سوئال بما انك بتربي شوش سعر الفل كرست كام والكورك الي عمرة صغير اقصد ثلاث شهور لاني اشتريت شوش ب25 وكروك ب50 الفرد هل هذا جيد

[pavel nedved]

السلام عليكم و رحمة الله و بركاته

اخي العزيز legend 55555

بسم الله ما شاء الله تبارك الله فيما خلق و سبحانه في خلقة

بارك لك في طيورك و باركلهم فيك نعم الهواية و نعم التربية

و اليك اخي العزيز ملحوظاتي :

1:- الطيور بشكل عام جميلة نظيفة منسقة الريش رائعة الحجم و الشوش و كل شيء و ممكن يبقي اجمل من كده كمان لو ادخلنا علي المجموعة دي خط انتاج الانجليزي فتملك انجليزي شوشة و عادي شوشة و لزيادة المجال للحصول علي احجام كبيرة من البادجي بالضافة الي الالوان الرائعة اللتي ستبهرك باذن الله

2:- عجبتني اوي العش او البياضة لانها واسعة و جميلة و لها بابين الاول العلوي لتفقد العش دون حدوث مشاكل السقوط مثلا للزغاليل او الصغار و الباب السفلي لتنظيف العش فتلك البياضات او الاعشاش هي المثالية للبادجي نظرا لكبرها و ابوابها اللتي تفي بالغرضين و لامانها

3:- ملحوظتي عن السلاكة عموما و الضوء اللذي تتعرض اليه انا رايي انها مظلمة بعض الشيء فماذا باضافة لمبات صناعية خارجية في الغرفة لزيادة ساعات الضوء الي 14 الي 16 سعة قبل ما ندخل في الموسم القادم لتفريخ

4:- المجاثم رائعة و كبيرة و مثبتة جيدا الا انها دائرية بعض الشيء فماذا لو نوعت في عدد المجاثم و شكلها حتي تتدرب ارجل البادجي علي الاشكال المختلفة للمجاثم الي جانب اسلاك السلاكة

5:- اعجبني جدا زوج الاسبنجل و الانثي الالبينو كرست

و في النهاية ادعو الله ان يديم عليك و علينا نعمة الهواية و حب الهواية و ان ينير لك طريق التقدم و الرقي للافضل دائما و ان يتم علينا نعمة الاخوة و الصداقة في الله ثم الهواية الجميلة

تحيااااااااااااااااااتي

[طائر بلا موطن]

ماشاء الله مجموعة طيور جميله
بارك الله لك فيهم
والله الموفق

[legend55555]

شكراً لك اخي ( pavel nedved )علي مرورك الطيب وعلي ملحوظاتك الجيده والمفيده فعلا
انا عمري 20 سنه بس انا غاوي من حوالي 11 سنه وكنت بادي طبعا بزوج بادجي
وبعد كده اهداني احد اصدقاء والدي زوج كوكتيل ودول كانوا سبب حبي للهوايه
وانا بعد فتره توسعة ده كان عام 2001 تقريبا وبدات اشتري كوكتيل فرنساوي
واتوسعت جامد في الانجليزي بس للاسف في عام 2004 خسرت انجليزي بما يقارب4000 جنيه رغم انه كان احب نوع لقلبي وخاصة زغاليله تحسسك انك فرخت طائر يستاهل ان الواحد يرعاه بجد وكان اهم سبب للخساره الحسد ربنا يكفينا شره ويكفيكم شره
وده كان السبب اني بطلت العصافير لفتره سنه قبل انفلونزا الطيور بحوالي شهر
وبعت العصافير ماعدا زوجين منهم الكوكتيل اللي كنت باديء بيه
لكن لما العصافير رخصت تاني في ازمة الانفلونزا انا اشتريت كميات كبيره من الشوش
علي سبيل الهوايه وبعد كده اللي حمسني تاني للهوايه المنتدي وده حقيقه محدش يقدر ينكرها انك لما بتلاقي حد يشاركك تجاربه ده حاجه بتشجعك جدا علي الهوايه
وانا فعلا عندي انثي انجليزي هديه من صديق ليا وفعلا انا عايز اربي انجليزي اكتر
بس انا صابر فتره لحد مالواحد ينسي تجربته ده عن طريق انه هيطمن علي العصافير الموجوده وبعد كده ادخل تاني في الانجليزي بكثره
وانا عملت تجربة انثي بادجي باندل حجم جميل اللي صورتها موجوده ضمن الصور
مع ذكر اسبنجل شوشه بس للاسف طلعت اربع فروخ بلاك اي واتنين اسبنجل منهم واحد طفط وفرد ازرق ودلوقتي معاها زغاليل عمر اسبوع وده ممكن تكون اخر تجربه للفكره ده لو عدد الشوش فضل قليل كده عشان كده نسبة الشوشه قليله اوي 3:1
وبالنسبه للمجاثم انا مفكرتش عمري في تنويع دائرية المجاثم بس انا دلوقتي ابتديت استغني عن المجاثم المصنعه وتبديلها بفروع الاشجار وده حصل بس في مجموعه من سلاكات التشغيل
وبالنسبه للاضاءه الاضاءه قويه وبالفعل في مصابيح في الغرفه لتوفير وقت اكبر من الضوء للطيور اثناء فترة الغروب بس للاسف انا مش عارف اظبط اضاءة الكاميرا جيدا
وبالنسبه للبياضه انا بس حبيت اوضح صورتها عشان يعرف الاعضاء مدي اهميتها وخاصة الجدد اللي بيعانوا من مشاكل سقوط البيض اثناء الفحص
وشكرا تاني ليك جدا علي هذا التشجيع وبجد من غير المنتدي واعضائه الكرام مكنتش فكرت اربي عصافير تاني

[legend55555]

شكراً لك اخي طائر بلا موطن وده كله من زوقك الجميل
وشكرا لك علي تشجيعي
وبالنسبه لسوال الاخ ,b][/color[/ dentistfox]
سعر الشوشه الكامله من 15 الي 30 وده علي حسب اللون وده بالنسبه للالوان العاديه وطبعا ازيد من كده بالنسبه للالوان الندره
وبالنسبه للكورك علي حسب الكورك وممكن يكون السعر التقريبي هو 50 للفرد الشاب بس يكون مستوي الكورك عالي ويكون الفرد دبل كريست