اهمية ازواج التحضين

[ابو جميلة]

السلام عليكم ورحمة الله وبركاته

اخوانى الاعزاء اريد ان اعرف هل هناك اهمية قصوى لوجود ازواج تحضين للقلازواج الاخرى حيث ان المكان عندى صغير ولا اجد مكان لازواج التحضين وازواج التحضين لمن لا يعرف هى ازواج عادية بحجم كبير تستخدم لاطعام فروخ ليس لها ولكن لانواع اخرى كرست او انجليزى وجزاكم الله خيرا

والسلام عليكم ورحمة الله وبركاته

[legend55555]

اعتقد ان اهميتها بتكمن في مدي قدرتها علي اطعام الزغاليل
وهي مفيده في حاله حصل حاجه للطيور الغاليه لقدر الله انك ممكن تلحق البيض بالاخص وتضعه تحتهم لو في نفس ميعاد البيض عندهم
بس انا شخصيا رغم اني عندي عدد كبير والحمد لله من الطيور الا اني مش مهتم بتخصيص زوج معين للتحضين وبسيب كل زوج يطعم صغاره ولو حصل ومات حاجه لقدر الله بطعمها انا وبتكون مسليه اوي الحكايه ده والحمد لله نجحت معايا نجاح باهر لحد الان
وبالنسبه لصغر المكان نسبيا عند حضرتك ده مش مشكله المهم انك والحمد لله واضع انواع من الطيور النادره في هذا المكان وكثرة الطيور ممكن تقلل من اهتمام حضرتك بتغذيتهم رغم اني مظنش ان حضرتك ممكن تعمل كده

[pavel nedved]

السلام عليكم و رحمة الله و بركاته

اخي الحبيب ابو جميلة

تعريف ازواج التحضين :-

هي ازواج حجمها عادي او متوسط او كبير مش شرط الحجم و لكن يحكمنا في اختيار هذة الازواج لتكون حاضنة لبيض ازواج اخري امرين :-

الاول :- عدم قدرة هذة الازواج علي فقص بيضهم اللي هما بايضينه او بتموت زغاليلهم عن طريق احد الامراض الوراثية او عدم خصوبة البيض ذاته ........... الخ

الثاني :- في نفس الوقت قدرتها الغير عادية علي اطعام الصغار اللي خارجين من البيض اللي احنا هنضعه لها فمثلا قدرة هذة الازواج علي اطعام سبع فروخ كرست مثلا او انجليز ابويه مميزين


اذا اجتمعا هذين الامرين في زوج ما عندك او عند احد المربين هنا نطلق عليه زوج حاضنات او تحضين ............... ده بخصوص ازواج التحضين .

اما عن طريقة اخذ البيض من تحت الانثي اللي احنا عايزين نكتر منه او نزيد من انتاجه دون ارهاق هذا الزوج و دون فساد البيض او ازدحام العش مثلا اليك الطريقة :

ان يتم اخذ البيضة تلو البيضة من تحت الانثي اللتي نريد زيادة عدد بيضها و افراخها سنلاحظ ان الانثي تستمر في وضع البيض ثم الثانية ثم الثالثة ثم الرابعة ....... الخ

مع ملاحظة ها البيض من حيث الخصوبة و سرعة ازالة البيض الغير مخصب و تحذير هام جدا و هو عدم تكرار هذا العمل مرات كثيرة خلال الموسم الواحد و ذلك لان الانثي ستكون منهكة من عملية وضع البيض المتكرر و اللتي سيكون بدوره كبير من حيث العدد و يمكن يوصل ل 12 بيضة و هذا يرجع الي كمية عظام السبيط المقدمة لهذا الزوج و جودة الغذاء المقدم له و الفيتامينات و ما الي ذلك من ارشادات مفهومة و محفوظة لدينا جميعا و الله اموفق

تحياااااااااااااااااتي

[ابو جميلة]

السلام عليكم ورحمة الله وبركاته

جزاك الله خيرا اخى legnd55555 وشكرا على تعليقك الجميل وياريت تبعتلى بالتفصيل طريقة اطعام الصغار وشكرا جزيلا استاذى pavel على المعلومات الواضحة والمرتبة وجزاك الله كل خير ومستنى منك موضوع جامد اوى

والسلام عليكم ورحمة الله وبركاته

[tamer_elhosary]

ازواج التحضين او ازواج البديل نستخدم ازواج عاديه لاطعام فروخ ازواج اعلي منها في النوع او المستوي وفي الغالب تكون مدربه علي الموضوع ده
يعني بنسميها ( خدم )
انا عندي بعض الازواج انقل بيضها الي ازواج اخري مثل
البينو كورد استرالي الي ازواج عاديه استرالي
البينو فيشر الي فيشر اخضر عادي
ريدرامبد سينامون الي ريدرامبد عادي
ويوجد لدي زوج لاتينو شوش يحضن بيضه االي 6 فروخ بجدم رائع واطعام الجميع

[ابو جميلة]

جزاك الله خيرا اخى تامر وربنا يباركلك فى طيويك يا رب

[pavel nedved]

السلام عليكم و رحمة الله و بركاته

لا شكر علي واجب اخي ابو جميلة و بلاش و النبي كلمة استاذ دي كبيرة شويتين ههههههههه

انا تحت امرك في اي حاجة تطلبها و ان شاء الله هيكون فعلا موضوع جامد بس بحضرله شوية علشان صور و كده بس لو فيه حاجة في دماغك او فكرة موضوع قولهالي و انا تحت امرك

تحيااااااااتي

[ابو جميلة]

السلام عليكم ورحمة الله وبركاته

والله انا نفسى اخى الحبيب تنقلنا تجربتك فى تركيبات الالوان هيبقى موضوع جامد وربنا يوفقك

والسلام عليكم ورحمة الله وبركاته

[pavel nedved]

الوان ايه يا ابو جميلة .... ما بلاش حكاية الالوان دي لحسن اخوك خايب قوي فيها و ممكن اخد صفر في اي لحظة في اي امتحان الوان ....... هههههههههههههههههههه

عموما انا ممكن ان اضع صور لطيوري و نشوف ساعتها ايه الالوان اللي تعجبك و ممكن كمان دلوقتي ارجع الازواج تاني للاقفاص علشان انا اصلا فصلتهم في السلاكات بقالهم شهر و نتكلم شوية في السلاكات و الاقفاص و الطيور و نوعها و نشوف الانتاج اللي طلع اخر بطن اللي انا هعتمد عليه الموسم اللي جاي او اللي بعده ربنا يسهل

تحياااااتي

[ابو جميلة]

السلام عليكم ورحمة الله وبركاته

والله ياريت يا اخى تضع صور طيورك وسلاكاتك ونتناقش فيها وده برده كان قصدى وربنا يوفقك

والسلام عليكم ورحمة الله وبركاته