ما هو الكلير ونج

[amoon]

ما هو البادجي الكلير ؟
و ما حدش يقول اقرا المواضيع القديمة لاني قريتها و فهمتها و حفظت صور الكلير ونج تماما
المشكلة اني كل ما اسال عنه في محلات الطيور يعطوني شيء تاني خالص
احترت و عاوز اربي كلير ونج مثل الصور في مواضيع المنتدى
و شكرا

[legend55555]

يامرحب بالدرويش علي فكره انا اهلاوي
بس هرد علي سوالك عشان روحي الرياضيه
احنا في مصر بالنسبه للتجار الكلير وينج هنا هو نفسه الاسبنجل بالظبط انت عارف بقي طبعا احنا في مصر لازم يكون لينا كلمتنا برده
وبالنسبه للكلير وينج بمفهومه العلمي ده صعب تلقيه هنا عشان مش متوفر بكثره وفي ندره نسبيه لوجوده
عشان كده مشرف منتدانا بيموت في حاجه اسمها كلير وينج عشان صعب انتاجه بعكس الاسبنجل ولو حصل وعرفت الاقي طائر كلير وينج هبلغ حضرتك بس اظن ان ده صعب شويه

[جابر عبد الله]

حبيبي legend خمس خمسات ، مربين كتير عندهم كلير ونج بجد و هم مش عارفينه و بيزوجوه لأي حاجة و يضيع
على فكرة انت عندك كلير ونج اوبالين اخضر ظاهر في الصورة رقم 15 من موضوعك .
و على فكرة الاهلي زي الكلير مالوش منافس ........

[legend55555]

حبيبي يا استاذ جابر عبد الله انت كمان اهلاوي
وانا اقصد الكلير اللي انت بتحبه الصور اللي انت جننتنا بيها بامانه واختلاف لون الجسم الواضح عن لون الجناح ده اللي انا اقصده والله يا استاذي
بالنسبه للي عندنا ده باهت اوي مش ناصع الالوان زي اللي حضرتك بتورهولنا
ولا ايه راي حضرتك في الكلام ده

[amoon]

شكرا يا اهلاوية على الردود
بس على فكرة المنتدى كله اسماعلاوي دراويشي . مش لونه اصفر .........

[جابر عبد الله]

اخي legend البادجي اللي في الصورة كلير ونج حقيقي بس مشكلته انه اوبالين و هذا ما تسبب في تلوين جناحه
اما لون جسم الكلير فمسموح باقل قليلا من اللون العادي ( 80%)
و الجناح به علامات باهتة ( لان جناح بدون علامات خالص ما تلاقيش الا في الاحلام )
يا عزيزي امون
، بكره المنتدى يحمر .......