موعد تعليق الاعشاش

[spirit_stallion]

السلام عليكم
اخوانى الاعزاء و خصوصا المصريين
الحمد لله عندى زوجين بادجى شوش عمرهم اكثر من 8 شهور و لم ازوجهم حتى الان
السؤال اعلق لهم العشوش امتى مع العلم بانهم بينهو القلش و انا حاسس انهم بداو يجهزو
و عندى زوج اخر نفس العمر معلقله العش من شهر او اكتر و كانت الانثى بتدخل العش و بعد فترة اهملته كانه غير موجود ممكن اشيله ولا اسيبه و هما حيبيضو فيه عادى

[ابو جميلة]

السلام عليكم ورحمة الله وبركاته

اخى الكريم ما درجة الحرارة فى المكان الذى تربى فيه هل هى مناسبة لتعليق الاعشاش ام لا على كل حال الافضل تعليق الاعشاش بداية من الشهر القادم ليكون الجو مناسب وللزوج الاخر ازل العش واخرج الانثى من القفص وردها للذكر فى موعد تعليق الاعشاش الاخرى والله الموفق

والسلام عليكم ورحمة الله وبركاته

[spirit_stallion]

السلام عليكم
اخى العزيز انا اسكن فالاسكندرية و اربى الطيور بالشرفة

[ابو جميلة]

السلام عليكم ورحمة الله وبركاته

اخى الفاضل انا اسكن بالقاهرة واربى الطيور بالشرفة وربنا كرمنى وركبت مروحه صغيرة والجو مناسب وقمت بتعليق العشوش ووضع الذكور فى ابوابها تمهيدا لوضع الاناث

والسلام عليكم ورحمة الله وبركاته

[جابر عبد الله]

اخي العزيز spitit
و الله انا حاطط ايدي على قلبي و خايف لاني عارف انها آخر فرصة للبادجي معاك و انت اعطيته انذار نهائي فربنا يستر .......
اذا كنت شايف انهم جاهزين و القلش في نهايته توكل على الله و ابدأ مع اول الشهر القادم ( سبتمبر ) و من هنا لآخر الشهر زود ساعات الاضاءة تدريجيا باضاءة صناعية بعد الغروب حتى تصل 14 ساعة اضاءة في اليوم اول الشهر القادم ( لان النهار سيبدأ في القصر ) ، و ضعهم معا في الصباح الباكر جدا مع اول ضوء النهار و الله الموفق

[spirit_stallion]

السلام عليكم
اخى العزيز جابر فعلا دى اخر فرصة للبادجى
انا حاطط الجوز مع بعض فقفص واحد و لكن وانا بافحص الطيور انهاردة فوجئت بانهم فقلش جامد و بيبدلو اغلب ريش جسمهم و ان شاء الله انتظر لحد ميخلصو قلش و ابقى اعلق العشوش

[@ الطيـــ عاشق ــور @]

من كلامكم يعني نضع العش في بداية شهر سبتمبر

[egy rose]

انا بتهيئلى الجو فى اسكندرية كويس لتركيب الاعشاش دلوقتى وخصوصا لو فى مكان بحرى

لكن ياترى السن 8 شهور دا مش المفروض يكون باض قبل كدة مرة على الاقل

[جابر عبد الله]

ليه كده يا وردتنا المصرية ؟؟؟
قلنا كتير بلاش التكاثر قبل سن 10 شهور على الاقل
سن البلوغ شيء و السن المناسب للزواج شيء آخر . هذا في الانسان
..............و في البادجي ايضا

[spirit_stallion]

السلام عليكم
اخى العزيز جابر لظروف خارجة عن ارادتى حاجل تعليق العشوش على الاقل اسبوع او اتنين من دلوقتى و ربنا يسهل انا حاطط ايدى على قلبى خايف من البادجى و تاريخه معايا