والله العصافير دى خلاص هتجننى ممكن حد يفهمنى

[بـوسـى]

والله العصافير دى خلاص هتجننى عايزة حد يفهمنى الحياة ماشية ازاى علشان ابقى في الصورة

اولا : باضت 5 وفضلت حضناهم كلهم وفي ميعاد الفقس فقس 2 وفضل 2 بيضة جوه العش من غير ما ترميهم بره بعد ما عدى عليهم ميعادهم واختفت البيضة الخامسة

ودى كده اول حاجة

ثانيا : اول فرخ بعد ما تم تقريبا12 او 13 يوم لقيته مرمى برة العش اعتقد انهم خرجوه لانه اكبر من اخوه وممكن يكون بيدوس عليه وكل لما يصوصو ينزل الذكر ياكله انا مشفتش الانثى بتاكله خالص دايما اشوف الذكر بياكل اللي بره العش والانثى تاكل اللي جوه العش

ثالثا : حاجة غريبة وبضحكنى بصراحة ومش فاهمه ليه اول ما الفرخ الاول اللي برة العش يصرخ ويصوصو تجرى الانثى على العش علشان تطمن على الصغير مع ان الصغير مش هو اللي بيصوصو طب ليه هل مش مركزة في الصوت والا مش واخده بالها ان اللي بيصرخ هو اللي برة وليه بتجري على الصغير تطمن عليه وهو مندهش

رابع حاجة واسفة للاطالة : لاحظت انكم بتقولوا ان الصغير بياكل لوحده بعد 30 او 35 يوم انا الفرخ الكبير اللي عندى عنده دوقتى بالظبط 22 يوم وبلاحظ انه بيلقط حبوب من على الارض وبياكل لوحده من طبق العيش المبلول اغللي بحطهوله مع العلم ان عصافيري ترفض رفض تااااااااااااااااااااااااااااااااام خلطة البيض وكذلك العيش المبلول تقريبا اكلها الاساسي الحبوب والخضار

ممكن بقى حد يفهمنى الحياة دى ماشية ازاى

[صلاح العلي]

السلام عليكم ....
الحياة ماشيه ... والدليل على انو الفرخ الكبير الي اسفل القفص ابو بيوكلو ..
اما عن سلوكيات العصافير فهناك اسرار .. الانسان لايمكن مهما بلغ من العلم لايستطيع تحديد سبب واضح لهذه السلوكيات ..ممكن يفهم بعضها ...وبعضها لا .
مع التحيه

[casho]

بالنسبة لاول حاجة البيضة الخامسة ممكن تكونى وانتى بتفتحى البياضة وانت مش شيفاها ممكن تكون وقعت لان لو تحتها حاجة طرية سجاد مثلا فلا تنكسر البيضة دى اول حاجة
ثانى حاجة ممكن العصفور الكبير يكون وقع من جوة البياضة وممكن تدخليه
وهو ممن ياكل الخبز المبلل بالماء من شدة جوعه وانها طرية وسهلة انه ياكلها
وفى رعاية الله "بوسى"

[بـوسـى]

شكرا للاخ صلاح وزى ما حضرتك بتقول العصافير كلها اسرار لكن مفيش اللي يمنع من اكتشافها برده والا اييييييييييييييييييه

[بـوسـى]

والله يا اخ casho احتمالية وقوع البيضة الخامسة ده مش موجود نهااااااائي لانى عمرى مفتحتش العش عليهم اما ان الفرخ الكبير يخرج من نفسه كده ويقع في ارضية القفص اعتقد ان سنه صغير على انه يعمل كده وحتى لو ده حصل على الاقل كانت الام اهتمت بيه لكن دى رامية الحمل كله على الذكر

[legend55555]

اهلا بك اخت بـوسـى كعضوه في منتدانا العزيز
بالنسبه لتسأولات حضرتك اول حاجه البيضه ممكن تكون النتايه رمتها بره البياضه وحضرتك ملحظتيش ده وده عادي خالص وممكن تكون لاقدر الله كسرتها وكالتها وبالنسبه للزغلول اللي خرج بره البياضه ده برده عادي ممكن تكون البياضه ضيقه نسبيا غير في زغاليل بتحب تخرج من البياضه حتي لو عمرها صغير وده مفهوش مشكله انشاء الله بالنسبه للانثي مش شرط انه اتكون مهتمه بزغلول واحد والذكر بالزغلول الاخر واظن حضرتك مش معقوله هترقبيهم 24 ساعه بس ممكن يكون الانثي بتقلق لما بتشوف حد داخل قريب منهم عشان كده بتخش البياضه وبالنسبه للزغاليل مبتعتمدش علي نفسها الا في عمر الشهر تقريبا قبل كده بتحاول وممكن تنجح انها تاكل كميه من الاكل الموضوع بس لو اتنقلت ممكن تموت عشان هي احتمال كبير جدا يكون مبتعرفش تشرب او بيحاول ياكل بس مش بيعرف وبالنسبه للبيض بالقسماط ده غذاء مفيد جدا وممكن تجربيه انك تحطيه في وعاء نفس شكل وعاء الاكل بالظبط وضعيه لوحده للطيور وياريت تكون نسبة البقسماط صغيره مش كبيره ولو الكبار مكلوش كرري التجربه واكيد انشاء الله هياكلوه وانا حصل ده معايا اكتر من مره لكن الحمد لله كل الطيور دلوقتي بقت تقبل علي تناول البيض بطريقه غريبه وبالرغم من ده كله مش محبب او مكروه بالنسبه للهواه الكبار انك تخلي الطيور تبيض وتاكل الزغاليل في شهور 6و7و8 عشان الحر الشديد له تاثير سيء علي الطيور الكبيره والصغيره معا وبيسبب الاجهاد للطيور ويارب تكون المعلومه وصلت لحضرتك وقدرت افيد

[جابر عبد الله]

كل الشكر للاخوة الزملاء على التجاوب السريع و توضيح الامور التي قد تغيب عن السائل
اما اختنا العزيزة بوسي فانا بدوري اسألك :
لماذا لم ترجعي هذا الصغير المسكين للعش من اول يوم و تركته هكذا يتربى في الشارع ؟؟؟

[بادجاوى007]

ههههههههه

[ابو جميلة]

السلام عليكم ورحمة الله وبركاته

اضم صوتى لصوت اخى جابر فى السؤال لماذا لم ترجعى حضرتك الفرخ الى العش فان الفرخ الصغير يكون احيانا جريئا يحب ان يستكشف العالم الخارجى ولكن لا يوجد مانع اذا وقع من العش ان تعيديه اليه مرة اخرى لكى يقوم الابوان باطعامه

بالنسبة لموضوع البيض فيجب الكشف على البيض لازالة البيض الغير مخصب لسهولة العناية بالبيض الاخر

ربنا يباركلك فى طيورك ولكن حاولى ان تشعرى بهم وبما يحسون ستكون النتيجة افضل وربنا يوفقك ان شاء الله

والسلام عليكم ورحمة الله وبركاته

[بـوسـى]

والله يا جماعه انا فعلا مظلومة وماهملتش فيهم بس كل الحكاية انهم جوز واحد بس من البادجى وجه لبنتى ساسو هدية وبعد شهر لقيتهم باضو وانا لا افقه شيئا عنهم غير انى احط حبوب ومايه واجمل حاجة في الدنيا فعلا انى دخلت المنتدى علشان اعرف اعملهم ايه لانهم صعبوا عليه ومن ساعتها وانا بربيهم اكتر ما انا بربى بنتى اللي لسه عندها سنه ولو كنت اعرف انه ضرر عليهم البيض كنت رفعت العش بس فعلا مكنتش اعرف